ປີນີ້ ເມືອງໄຊຍະບູລີ ດຳເນີນການຜະລິດກະສີກຳສະອາດ

  ຊາວນາຊາວກະສິກອນໃນທົ່ວເມືອງໄຊບູລີ ແຂວງສະຫວັນນະເຂດ ໄດ້ດຳເນີນການຜະລິດກະສິກຳສະອາດໂດຍໄດ້ຄຳນຶງເຖິງຄຸນນະພາບຂອງການຜະລິດກໍ່ຕ້ອງໃຫ້ປອດສານພິດ ອັນໄດ້ສ້າງຄວາມໄວ້ເນື້ອເຊື່ອໃຈຕໍ່ຜູ້ບໍລິໂພກທີ່ປັດສາຈາກການນຳໃຊ້ສານເຄມີ(ສານກຳຈັດຫຍ້າໃນນາແຊງ)ນີ້ແມ່ນການເປີດເຜີຍຂອງທ່ານ ຄຳລຸຍ ຍາດຕິວົງ ຫົວໜ້າພະແນກກະສິກຳ ແລະປ່າໄມ້ແຂວງສະຫວັນນະເຂດຕໍ່ຜູ້ສື່ຂ່າວໃນໂອກາດລົງຊຸກຍູ້ການຜະລິດຂອງປະຊາຊົນເມືອງໄຊບູລີໃນອາທິດທີ່ຜ່ານມາ.

  ປີນີ້ຊາວນາຊາວກະສິກອນພາຍໃນເມືອງໄຊບູລີ ຫັນມາທຳການຜະລິດລະດູແລ້ງຫຼາຍຂຶ້ນເປັນຕົ້ນແມ່ນການຜະລິດເຂົ້ານາແຊງ ແລະການປູກພືດຜັກຕ່າງໆຊຶ່ງປີນີ້ເຫັນໄດ້ວ່າຜົນຜະລິດຂອງເຂົາເຈົ້າມີທ່ວງທ່າດີຂຶ້ນເມື່ອທຽບກັບປີທີ່ຜ່ານມາ.ຊຶ່ງໃນນີ້ການປັກດຳເຂົ້ານາແຊງແມ່ນສຳເລັດໄປແລ້ວ 80 ກວ່າສ່ວນຮ້ອຍຂອງຈຳນວນເນື້ອທີ່ນາແຊງທັງໝົດໃນທົ່ວເມືອງມີ 8.500 ເຮັກຕາໃນນີ້ມີນາຫວ່ານມີເຖິງ 80% ແລະນາດຳມີ 20% ຊຶ່ງການປັກດຳເຂົ້ານາແຊງໃນປີນີ້ຄາດວ່າຈະໃຫ້ສຳເລັດໃນທ້າຍເດືອນມັງກອນນີ້.ສຳລັບການຜະລິດເຂົ້າ ນາແຊງປີນີ້ຂອງຊາວນາຊາວກະສິກອນເມືອງໄຊບູລີແມ່ນໄດ້ຮັບການຊຸກຍູ້ ແລະຕິດຕາມທຸກຂັ້ນຕອນຈາກວິຊາການຂະແໜງປູກຝັງ ແລະຫ້ອງການກະສິກຳ ແລະ ປ່າໄມ້ເມືອງໃນການບົວລະບັດຮັກສາຕະຫຼອດການໃສ່ຝຸ່ນທຳມະຊາດທີ່ຫາໄດ້ງ່າຍໂດຍ ໃຫ້ຫຼຸດຜ່ອນ ແລະຫຼີກລ້ຽງການນຳໃຊ້ສານເຄມີໃນການຈຳກັດສັດຕູພືດ ແລະຫຍ້າ.ໄປພ້ອມໆກັບການຜະ ລິດເຂົ້ານາແຊງນັ້ນຊາວນາ,ຊາວກະສິກອນ ເມືອງໄຊບູລີ ຍັງມີຄວາມຫ້າວຫັນທຳການປູກພືດຜັກຕ່າງໆໄດ້ຈຳນວນ 2 ພັນກວ່າເຮັກຕາ ໃນນີ້ມີສາລີ,ໝາກຖົ່ວຍາວ,ໝາກແຕງ, ໝາກເລັ່ນ,ອ້ອຍ,ໝາກເຜັດ ແລະພືດຜັກຕ່າງໆຊຶ່ງຜົນຜະລິດຂອງເຂົາເຈົ້າແມ່ນໄດ້ນຳສົ່ງໄປຂາຍທີ່ຕະຫຼາດພາຍໃນຕົວເມືອງໄກສອນພົມວິຫານ,ຕະຫຼາດເມືອງໜອງບົກ ແຂວງຄຳມ່ວນ ແລະຈຳນວນໜຶ່ງແມ່ນນຳໄປຂາຍທີ່ຕະຫຼາດຂອງປະເທດໃກ້ຄຽງ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        
ໄປເທິງສຸດ