ລ້ຽງປານິນຂາຍເປັນສິນຄ້າ

  ໂດຍປະຕິບັດຕາມແນວທາງນະໂຍບາຍຂອງພັກ-ລັດກ່ຽວກັບການຫຼຸດຜ່ອນຄວາມທຸກຍາກຢູ່ເຂດຊົນນະບົດໄປຄຽງຄູ່ກັບການຄ້ຳປະກັນທາງດ້ານສະບຽງອາຫານ ແລະການມີໂພສະນາການທີ່ດີນັ້ນແມ່ນໜ້າທີ່ຂອງພົນລະເມືອງລາວທຸກຄົນທີ່ຈະຕ້ອງເອົາໃຈໃສ່ສ້າງເສດຖະກິດຄອບຄົວໃຫ້ມີຢູ່ມີກິນ,ຈາກນັ້ນກໍພັດທະນາຜົນຜະລິດໃຫ້ກາຍເປັນສິນຄ້າ.

  ມາຮອດປະຈຸບັນນີ້ພັກ-ລັດຖະບານໄດ້ມີນະໂຍບາຍຊຸກຍູ້ສົ່ງເສີມໃຫ້ປະຊາຊົນຫັນມາປູກຝັງ ແລະລ້ຽງສັດເປັນສິນຄ້າໂດຍນຳໃຊ້ເຕັກນິກເຕັກໂນໂລຊີອັນໃໝ່ທີ່ເໝາະສົມໃນການຜະລິດເພື່ອເປັນການສ້າງລາຍຮັບໃຫ້ແກ່ຄອບຄົວ ແລະໜຶ່ງໃນນັ້ນກໍ່ຄືກັບຄອບຄົວຂອງທ່ານ ສົມໄຊ ແກ້ວວົງສາ ເປັນຄອບຄົວພະນັກງານປະຈຸບັນສັງກັດຢູ່ພະແນກກະສິກຳ, ຂະແໜງຄຸ້ມຄອງ ແລະພັດທະນາທີ່ດິນ ແຂວງສາລະວັນ,ຊຶ່ງທ່ານແມ່ນເປັນຄົນໜຶ່ງທີ່ມີຄວາມດຸໝັ່ນຂະຫຍັນພຽນໃນການສ້າງແຫຼ່ງລາຍຮັບໃຫ້ແກ່ຄອບຄົວໃນເວລາຫວ່າງທ່ານ ເປັນຄົນກ້າເຮັດກ້າທຳພ້ອມທັງລົງມືປະຕິບັດຕົວຈິງຈົນເຮັດໃຫ້ປະສົບຄວາມສຳເລັດໃນການດຳລົງຊີວິດເພາະວ່າທ່ານໄດ້ນຳເອົາແນວທາງນະໂຍບາຍຂອງພັກ-ລັດມາໝູນໃຊ້ເຂົ້າໃນຊີວິດຕົວຈິງ ແລະກໍ່ໄດ້ລົງມືເຮັດແທ້ທຳຈິງຈົນເຮັດໃຫ້ຄອບຄົວມີຊີວິດການເປັນຢູ່ດີຂຶ້ນ.  

  ທ່ານໄດ້ເລົ່າສູ່ຟັງວ່າ: ໄດ້ສ້າງຄອບຄົວແຕ່ປີ 1990-1991 ສະມາຊິກພາຍໃນຄອບຄົວມີທັງໝົດ 5 ຄົນ,ລູກ 3 ຄົນ,ແຮງງານຕົ້ນຕໍມີ 3-4 ຄົນ,ທຳອິດທີ່ສ້າງຄອບຄົວແມ່ນບໍ່ມີຫຍັງສະນັ້ນຈຶ່ງໄດ້ນຳໃຊ້ບົດຮຽນທີ່ໄດ້ຮຽນມາໂດຍໄດ້ເລີ່ມກ້າເບ້ຍກາເຟ ແລະໄມ້ສັກປະມານ 10-20 ພັນເບ້ຍ,ຂາຍພໍມີເງິນມີຈຳນວນໜຶ່ງມາຮອດປີ 2010 ແມ່ນໄດ້ເລີ່ມລ້ຽງປາກໍເຫັນວ່າມີປະສິດທິຜົນດີພໍສົມຄວນຂາຍໄດ້ເງິນປະມານ 5-10 ລ້ານກີບ,ປີ 2013-2014 ກໍໄດ້ຊື້ທີ່ດິນປະມານ 2 ເຮັກຕາ ເພື່ອຈົກໜອງລ້ຽງປາ 3 ໜອງ,ໄດ້ປ່ອຍປາທັງໝົດປະມານ 30 ພັນໂຕປະເພດປານິນໝັນ,ແນວພັນແມ່ນເອົາມາແຕ່ປະເທດເພື່ອນບ້ານການລ້ຽງແມ່ນ 4-5 ເດືອນກໍສາມາດຂາຍໄດ້ 3-4 ໂຕຕໍ່ກິໂລ, ຖ້າ 6-7 ເດືອນກໍສອງໂຕຕໍ່ກິໂລ,ຂາຍຍ່ອຍແມ່ນກິໂລໜຶ່ງ 25 ພັນກີບ,ຖ້າຂາຍຫຼາຍແມ່ນກິໂລ 22 ພັນກີບ,ອາຫານແມ່ນສາລີປະສົມກັບຫົວອາຫານໃຫ້ກິນລວມຍອດຂາຍປີໜຶ່ງໄດ້ປະມານ 10 ກວ່າໂຕນ,ໄດ້ເງິນປະມານ 200 ລ້ານ ກວ່າກີບ,ພາຍຫຼັງຫັກຄ່າໃຊ້ຈ່າຍຕ່າງໆອອກແລ້ວຍັງເຫຼືອເປັນກຳໄລປະມານ 50 ລ້ານກວ່າກີບ,ນັບແຕ່ໄດ້ເລີ່ມລ້ຽງປາເປັນສິນຄ້າມາກໍ່ເຮັດໃຫ້ຄອບຄົວມີຊີວິດການເປັນຢູ່ດີຂຶ້ນເລື້ອຍໆສາມາດໃຊ້ ເງິນທີ່ໄດ້ກູ້ຢືມຈາກທະນາຄານໄດ້ທັງໝົດໄດ້ສົ່ງເສີມໃຫ້ລູກຫຼານໄດ້ຮ່ຳຮຽນໝົດທຸກຄົນ.

  ໃນຕໍ່ໜ້າແມ່ນຈະຂະຫຍາຍເນື້ອທີ່ການລ້ຽງປາອອກຕື່ມ ແລະຈະລ້ຽງສັດໃຫຍ່ປະເພດງົວຈຳນວນໜຶ່ງຕາມທ່າແຮງທີ່ມີ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        
ໄປເທິງສຸດ