ເມືອງໜອງບົກ ສຸມໃສ່ການປູກເຂົ້າ-ພືດ ເປັນສິນຄ້າ

  ທ່ານ ຄໍາມອນ ພົມພິພັກ ຫົວໜ້າຫ້ອງການກະສິກໍາ ແລະປ່າໄມ້ເມືອງໜອງບົກໃຫ້ຮູ້ວ່າ: ແຜນປູກເຂົ້ານາປີໆນີ້ຕາມເນື້ອທີ່ແຜນການສູ້ຊົນທົ່ວເມືອງໃຫ້ໄດ້ 2.144 ເຮັກຕາ

ເຊິ່ງມາຮອດປະຈຸບັນນີ້ສາມາດຈັດຕັ້ງປະຕິບັດການປັກດໍາເຂົ້ານາແຊງໄດ້ 100 % ແຕ່ບໍ່ບັນລຸເນື້ອທີ່ແຜນການເນື່ອງຈາກວ່າມີຫຼາຍໂຄງການຊົນລະປະທານໄດ້ມີການປັບປຸງຟື້ນຟູລະບົບຊົນລະປະທານໂດຍສະເພາະແມ່ນການກໍ່ສ້າງຄອງດິນຈີ່ເຊິ່ງລວມມີ 11 ໂຄງການທີ່ໄດ້ຮັບການປັບປຸງແຕ່ໃນນັ້ນມີ 9 ໂຄງການທີ່ໄດ້ຮັບການຊ່ວຍເຫຼືອລ້າຈາກອົງການແມ່ນໍ້າຂອງນອກຈາກນັ້ນຍັງມີໂຄງການຂອງລັດຖະບານ 2 ໂຄງການດັ່ງນັ້ນຈິ່ງເຮັດໃຫ້ການປະຕິບັດປູກເຂົ້ານາແຊງບໍ່ໄດ້ຕາມແຜນຫຼືບາງໂຄງການກໍ່ໄດ້ມີການຍາດແຍ່ງເອົານໍ້າເຂົ້າໃສ່ເນື້ອທີ່ການຜະລິດພ້ອມທັງກໍ່ສ້າງຄອງເໝືອງໄປພ້ອມໆກັນ,ບາງໂຄງການການສະໜອງທາງດ້ານວັດຖຸກໍ່ສ້າງຄອງເໝືອງມີຄວາມຫຼ້າຊ້າແກ່ຍາວເຮັດໃຫ້ເນື້ອທີ່ນາແຊງຈໍານວນໜຶ່ງບໍ່ສາມາດທໍາການຜະລິດໄດ້ .

  ທ່ານ ຄໍາມອນ ໄດ້ກ່າວອີກວ່າ:ສໍາລັບປີນີ້ຕາມແຜນແມ່ນຕັ້ງເປົ້າເອົາໄວ້ 23 ໂຄງການເພື່ອຈະສະໜອງນໍ້າເຂົ້າໃສ່ເນື້ອທີ່ການຜະລິດລະດູແລ້ງແຕ່ມາເບິ່ງຕົວຈິງແລ້ວແມ່ນປະຕິບັດໄດ້ພຽງແຕ່ 3 ໂຄງການເຊິ່ງກໍ່ແມ່ນສາເຫດໜຶ່ງທີ່ເຮັດໃຫ້ການປະຕິບັດເນື້ອທີ່ບໍ່ໄດ້ຕາມແຜນເປັນຕົ້ນແມ່ນໂຄງການບ້ານສະດື,ໂຄງການດົງຜັກເຜື້ອ 2.ດ້ານການປູກພືດລະດູແລ້ງຕາມແຜນການສູ້ຊົນແມ່ນ 1.883 ເຮັກຕາ ມາຮອດປະຈຸບັນແມ່ນປະຕິບັດການປູກພືດໄດ້ 70% ເຊິ່ງພືດຜັກຈໍານວນໜຶ່ງແມ່ນໄດ້ມີການປູກໝູນວຽນຕະຫຼອດໂດຍສະເພາະແມ່ນຜັກບົ່ວ,ຜັກຫອມເພື່ອຈໍາໜ່າຍເປັນສິນຄ້າຂາຍພາຍໃນເມືອງ,ຕ່າງເມືອງ ແລະຕ່າງແຂວງເປັນຕົ້ນແມ່ນແຂວງສະຫວັນນະເຂດ,ບໍລິຄໍາໄຊ( ຫຼັກ 20 )ໂດຍສະເພາະໝາກເລັ່ນ,ໝາກເຜັດ,ໝາກເຂືອ,ໝາກສາລີຜ່ານການຈັດຕັ້ງປະຕິບັດເນື້ອທີ່ປູກພືດລະດູແລ້ງປີນີ້ຄາດວ່າຈະໄດ້ຕາມແຜນ.ພິເສດປີນີ້ເມືອງໜອງບົກແມ່ນໄດ້ມີການເລີ່ມຕົ້ນປູກໝາກແຕງຢີ່ປຸ່ນຄືນໃໝ່ພາຍຫຼັງທີ່ເຊົາປູກມາຫຼາຍປີໂດຍສະເພາະຢູ່ບ້ານນາໃຕ້,ບ້ານຫາດຊຽງດີ ແລະບ້ານຜັກອີຕູ່ມາຮອດປະຈຸບັນຜົນຜະລິດດັ່ງກ່າວແມ່ນໄດ້ຖືກຈໍາໜ່າຍສູ່ທ້ອງຕະຫຼາດເຊິ່ງສາມາດສ້າງລາຍຮັບເຂົ້າສູ່ຄອບຄົວໄດ້ເປັນຢ່າງດີທັງນີ້ໂດຍໄດ້ຮັບການຊຸກຍູ້ສົ່ງເສີມຈາກສາຍຕັ້ງ ແລະ ສາຍຂວາງຂອງຂະແໜງກະສິກໍາ ແລະ ປ່າໄມ້ນັບທັງທ້ອງຖິ່ນ ແລະ ສູນກາງ.

   ສໍາລັບການປູກເຂົ້ານາແຊງນອກຈາກຜະລິດເປັນສະບຽງອາຫານແລ້ວປະຊາຊົນຍັງໄດ້ຜະລິດເປັນສິນຄ້າຕື່ມອີກທັງນີ້ການຜະລິດເປັນສິນຄ້າແມ່ນກວມອັດຕາສ່ວນຫຼາຍເຖິງ 70% ຄຽງຄູ່ກັບຂໍ້ສະດວກຊາວກະສິກອນກໍ່ຍັງມີບັນຫາຫຍຸ້ງຍາກເປັນຕົ້ນແມ່ນການຄໍ້າປະກັນດ້ານລາຄາເຂົ້າຍັງບໍ່ທັນແນ່ນອນເຮັດໃຫ້ຊາວກະສິກອນຈໍານວນໜຶ່ງເຮັດພໍແຕ່ກຸ້ມກິນ,ອີກບັນຫາໜຶ່ງທາງດ້ານປັດໄຈການຜະລິດແມ່ນເພິ່ງພາການນໍາເຂົ້າເປັນຕົ້ນແມ່ນປຸ໋ຍ,ບັນຫາຕໍ່ມາແມ່ນລະບົບຈັກສູບນໍ້າຂຶ້ນໃສ່ລະບົບຄອງຊົນລະປະທານເຖິງວ່າມີການປັບ ປຸງຟື້ນຟູໃນແຕ່ລະປີກໍ່ມີການເປ່ເພພ້ອມນັ້ນດ້ານການເຄື່ອນໄຫວວຽກງານບໍລິຫານບາງຄັ້ງແມ່ນຍັງບໍ່ສາມາດຕອບສະໜອງໄດ້ກັບຄວາມຮຽກຮ້ອງຕ້ອງການຂອງຂັ້ນເທິງເນື່ອງຈາກງົບປະມານໃນການເຄື່ອນໄຫວຍັງຈໍາກັດ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
ໄປເທິງສຸດ