ຊີວິດຄອບຄົວດີຂື້ນດ້ວຍການເຮັດນາປູກເຂົ້າ

    ພັດທະນາຊີວິດຄອບຄົວ ຂອງຕົນເອງ ດ້ວຍທ່າແຮງພື້ນ ຖານພູມລຳເນົາ ຕາມທິດທາງ ແຜນນະໂຍບາຍຂອງພັກ-ລັດ ໃນການຊຸກຍູ້ສົ່ງເສີມການຜະ ລິດໃຫ້ກາຍເປັນສິນຄ້າສາມາດ ແກ້ໄຂຊີວິດຄອບຄົວໃຫ້ດີຂຶ້ນ ເທື່ອລະກ້າວ.

 

     ຄອບຄົວ ທ່ານ ສີສະໝອນ ແກ້ວຕະຕາ ອາຍຸ 56 ປີ ນາຍ ບ້ານໆຫ້ວຍໄລ່ ເມືອງຕຸ້ມລານ ແຂວງສາລະວັນ ສະມາຊິກໃນ ຄອບຄົວມີ 5 ຄົນ, ຍິງ 2 ຄົນ. ແຮງງານຕົ້ນຕໍໃນການເຮັດວຽກມີ 4 ຄົນ. ຄອບຄົວຂອງທ່ານໄດ້ຢຶດ ຖືອາຊີບເຮັດນາເປັນຕົ້ນຕໍທ່ານ ໄດ້ເລົ່າສູ່ຟັງວ່າ: ການເຮັດນາປູກ ເຂົ້າແມ່ນເລີ່ມເຮັດມາແຕ່ພໍ່ແມ່  ໃນເວລານັ້ນການເຮັດນາແມ່ນເຮັດ ພໍແຕ່ກຸ້ມຢູ່ກຸ້ມກິນ ບາງປີກໍ່ອຶດ ເຂົ້າ. ມາຮອດປີ 2012 ການເຮັດ ນາປູກເຂົ້າຈິ່ງເລີ່ມໄດ້ຂາຍເປັນ ສິນຄ້າ ຍ້ອນມີທິດທາງແຜນນະ ໂຍບາຍຂອງພັກ-ລັດ ຊຸກຍູ້ສົ່ງ ເສີມການຜະລິດໃນເຂດຊົນນະບົດ ໃຫ້ກາຍເປັນສິນຄ້າ ເພື່ອແກ້ໄຂ ຄວາມທຸກຍາກຂອງປະຊາຊົນ. ຫ້ອງການກະສິກຳເມືອງໄດ້ລົງ ມາຊຸກຍູ້ສົ່ງເສີມນຳເອົາວິທີການ ປູກເຂົ້າ, ການບົວລະບັດຮັກສາ ມາແນະນຳເລີຍຕັດສິນໃຈຢືມ ເງິນນຳທະນະຄານ 12 ລ້ານກີບ ເພື່ອນຳໃຊ້ເຂົ້າໃນການເຮັດນາ ແລະຊື້ສັດມາລ້ຽງ. ເນື້ອທີ່ໃນ ການເຮັດນາ 2 ເຮັກຕາກວ່າ, ຜົນຜະລິດໄດ້ 8 ກວ່າໂຕນ ຂາຍ ອອກ 3 ກວ່າໂຕນ. ຂາຍໃນລາ ຄາ 1,50 ລ້ານກີບຕໍ່ໂຕນ. ລວມລາຍຮັບເຂົ້າຄອບຄົວຈາກ ການຂາຍເຂົ້າປີໜຶ່ງ 7-8 ລ້ານ ກວ່າກີບ. ເຖິງວ່າລາຍຮັບບໍ່ທັນ ຫຼາຍ ແຕ່ຖ້າທຽບໃສ່ເມື່ອກ່ອນ ເຫັນວ່າຊີວິດຄອບຄົວຄ່ອຍໆດີຂຶ້ນ ມີເງິນພໍແກ້ໄຂໃນສິ່ງທີ່ຈຳເປັນ ໃນຄອບຄົວ. ສະນັ້ນ ໃນຕໍ່ໜ້າຈະ ໄດ້ຂະຫຍາຍເນື້ອທີ່ປູກເຂົ້າ, ລ້ຽງ ສັດ ແລະຕ່ຳແຜ່ນແພໃຫ້ຫຼາຍ ຂຶ້ນກວ່າເກົ່າ.

     ທ່ານຍັງໄດ້ຝາກເຖິງພໍ່ແມ່ປະ ຊາຊົນຊາວກະສິກອນ ໂດຍສະ ເພາະແມ່ນປະຊາຊົນຢູ່ເມືອງ ຕຸ້ມລານຢາກໃຫ້ເອົາໃຈໃສ່ຕື່ມ ໃນການເຮັດນາປູກເຂົ້າ ເພາະວ່າ ອາຊີບຕົ້ນຕໍຂອງປະຊາຊົນແມ່ນ ເຮັດນາ ຖ້າຫາກມີຄວາມອົດ ທົນ, ດຸໝັ່ນ, ຕັ້ງໃຈໃສ່ການຜະລິດ ຊອກຫາວິທີປູກເຂົ້າໃຫ້ຖືກຕ້ອງ ເໝາະສົມ ກໍ່ຈະສາມາດຕອບ ສະໜອງຕາມຄວາມຕ້ອງການ ຂອງຕະຫຼາດໄດ້.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            
ໄປເທິງສຸດ