ເມືອງຊ່ອນຕັ້ງຢູ່ທິດຕາເວັນຕົກສ່ຽງເໜືອຂອງແຂວງຫົວພັນ ມີຊາຍແດນຕິດກັບ 7 ເມືອງຄື: ເມືອງຊຳເໜືອ, ເມືອງຫົວເມືອງ, ເມືອງຮ້ຽມ, ເມືອງແອດ ແຂວງຫົວພັນ; ເມືອງໂພນທອງ, ເມືອງວຽງຄຳ ແຂວງຫຼວງພະບາງ ແລະເມືອງສົບກົບແຂວງເຊິນລາ ສສ ຫວຽດນາມ, ປະກອບມີ 34 ບ້ານ, ແລະ 5 ກຸ່ມບ້ານ, ມີພົນລະເມືອງ 16.280 ຄົນ ໂດຍອຳນາດການ ປົກຄອງເມືອງຈະສຸມໃສ່ 4 ທ່າ ແຮງເຂົ້າໃສ່ການພັດທະນາເມືອງ ໃຫ້ມີຄວາມຈະເລີນ ແລະທັນສະໄໝ.

     ແຂວງວຽງຈັນໄດ້ສຸມໃສ່ການພັດທະນາເສດຖະກິດ-ສັງຄົມຢ່າງຕໍ່ເນື່ອງ ຊຶ່ງໄດ້ມີຫຼາຍທ່າແຮງ ທີ່ເຮັດໃຫ້ເສດຖະກິດຂະຫຍາຍຕົວ ເປັນຕົ້ນຂະແໜງການບໍລິການ, ກະສິກຳ, ອຸດສາຫະກຳ ແລະອື່ນໆ ໂດຍໃນ 6 ເດືອນຕົ້ນປີ 2017 ລວມຍອດຜະລິດຕະພັນພາຍໃນ ບັນລຸໄດ້ 5.374 ຕື້ກີບ ອັດຕາການຂະຫຍາຍຕົວຢູ່ໃນລະດັບ 7,9%.

     ການປະກອບສ່ວນປ່ອຍສິນເຊື່ອຂອງທະນາຄານແມ່ນເປັນວຽກງານໜຶ່ງທີ່ສໍາຄັນໃນການພັດທະນາເສດຖະກິດ-ສັງຄົມ ແລະການແກ້ໄຂຄວາມທຸກຍາກຂອງປະຊາຊົນບັນດາເຜົ່າ ໂດຍສະເພາະແມ່ນການຊຸກຍູ້ສົ່ງເສີມໃຫ້ຂະແໜງທຸລະກິດ, ການຜະລິດ, ການບໍລິການ ແລະອື່ນໆໃຫ້ມີການຂະຫຍາຍຕົວ ໂດຍໃນ 3 ເດືອນຕົ້ນປີນີ້ສາຂາທະນາຄານປະຈໍາແຂວງຫຼວງນໍ້າທາ ສາມາດປ່ອຍສິນເຊື່ອໄດ້ທັງໝົດ 272,19 ຕື້ກີບ.

     ໃນປີ 2017 ສະພາແຫ່ງຊາດ ໄດ້ອະນຸມັດໂຄງການລົງທຶນຂອງລັດ ໃຫ້ແຂວງເຊກອງ ລວມທັງໝົດ 286 ໂຄງການ, ມີມູນຄ່າລວມ 3.929,16 ຕື້ກີບ ແລະສະພາອະນຸມັດງົບປະມານ ໃນປີ 2017 ມູນຄ່າລວມ 198,43 ຕື້ກີບ ໃນນັ້ນ; ມີທຶນຕ່າງປະເທດມີ 10 ໂຄງການ,

     ປະຈຸບັນ ແຂວງໄຊຍະບູລີ ສາມາດຈັດຕັ້ງປະຕິບັດໂຄງການລົງທຶນຂອງລັດ ແລະເອກະຊົນໄດ້ ທັງໝົດ ມູນຄ່າ 65,77 ຕື້ກີບ, ໃນນີ້ສ່ວນໃຫຍ່ແມ່ນເນັ້ນໃສ່ວຽກການພັດທະນາ ໂດຍສະເພາະພື້ນ ຖານໂຄງລ່າງໃນແຕ່ລະຂົງເຂດ, ທັງນີ້ ກໍ່ເພື່ອແນໃສ່ອຳນວຍຄວາມສະດວກໃນການເຂົ້າເຖິງການບໍລິການຂອງປະຊາຊົນພາຍໃນແຂວງໃຫ້ນັບດີຂຶ້ນເປັນກ້າວໆ.

     ເມື່ອບໍ່ດົນຜ່ານມາທີ່ທະນາຄານສົ່ງເສີມກະສິກຳ (ທສກ) ສຳນັກງານໃຫ່ຍນະຄອນຫຼວງວຽງຈັນໄດ້ມີພິທີການເຊັນສັນຍາຮ່ວມມືກັນລະຫວ່າງທະນາຄານສົ່ງເສີມກະສິກຳກັບບໍລິສັດລ້ານຊ້າງປະກັນໄພມະຫາຊົນ (LAP) ຊຶ່ງຕາງໜ້າເຊັນສັນຍາໂດຍທ່ານ ວຸດທິ ເລື່ອນວິໄລວົງ ຜູ້ອໍານວຍການໃຫຍ່ ທສກ ແລະທ່ານ ໂດ ດັ່ງຄາງ ຜູ້ອໍານວຍການໃຫຍ່ບໍລິສັດລ້ານຊ້າງປະກັນໄພພ້ອມດ້ວຍຄະນະບໍລິຫານງານຂອງທັງສອງຝ່າຍເຂົ້າຮ່ວມເປັນສັກຂີພະຍານ.

     ສະພາບການພັດທະນາເສດຖະກິດ-ສັງຄົມຂອງເມືອງທ່າພະບາດແຂວງບໍລິຄຳໄຊໃນໄລຍະ 3 ເດືອນຕົ້ນປີ 2017 ເຫັນວ່າມີການເຕີບໃຫຍ່ຂະຫຍາຍຕົວຢ່າງ ຕໍ່ເນື່ອງໂດຍສະເພາະທ່າແຮງທາງດ້ານກະສິກຳ, ອຸດສາຫະກຳ, ຫັດຖະກຳ ແລະການບໍລິການອື່ນໆ ທີ່ໄດ້ເປັນຕົວຂັບເຂື່ອນສຳຄັນຂະ ນະທີ່ໃນໝົດປີເມືອງທ່າພະບາດຈະສູ້ຊົນໃຫ້ລວມຍອດຜະລິດຕະພັນພາຍໃນບັນລຸໄດ້ 450 ຕື້ກີບ.

     ການຈັດເກັບລາຍຮັບຂອງແຂວງຫຼວງນໍ້າທາ ໃນງວດ I ປີ 2017 ເຫັນຊັດເຈນວ່າ ມີລັກສະນະຝືດເຄືອງ ແລະບໍ່ສາມາດສະໜອງໄດ້ກັບລາຍຈ່າຍ, ທັງນີ້ກໍເນື່ອງຈາກວ່າການຈັດເກັບລາຍຮັບໃນຫຼາຍໆ ດ້ານບໍ່ເປັນໄປຕາມແຜນການທີ່ວາງໄວ້ ໂດຍສະເພາະ ສ່ວຍສາ ອາກອນ ແລະຊັບສິນຂອງລັດ ຊຶ່ງ ໃນ 3 ເດືອນຕົ້ນປີສາມາດປະຕິບັດ ລາຍຮັບໄດ້ພຽງແຕ່ 24,78% ຂອງແຜນການປີ.

     ຫຼວງນໍ້າທາເປັນແຂວງໜຶ່ງ ທີ່ຕັ້ງໜ້າຈັດຕັ້ງປະຕິບັດພັດທະນາ ເສດຖະກິດ-ສັງຄົມ ໂດຍສະເພາະ ບັນດາໂຄງການການລົງທຶນຂອງພາກລັດ ແລະເອກະຊົນທັງພາຍໃນ ແລະຕ່າງປະເທດ ຊຶ່ງຢູ່ໃນງວດທີ 1 ຂອງປີນີ້ ທົ່ວແຂວງສາມາດປະຕິບັດໂຄງການລົງທຶນຂອງລັດໄດ້ທັງໝົດ 39 ໂຄງການ.

Page 10 of 41

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2018 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
ໄປເທິງສຸດ