ຕ້ອງການທຶນເຮັດທຸລະກິດບີດີພີອາດໃຫ້ຄຳຕອບໄດ້

     ປະຈຸບັນທ່ານໃດຕ້ອງການເຮັດທຸລະກິດແຕ່ບໍ່ມີທຶນມື້ນີ້ພວກເຮົາຂໍແນະນຳທ່ານລອງເຂົ້າໄປສຶກສາສະຖາບັນການເງິນຈຸລະພາກທີ່ບໍ່ຮັບເງິນຝາກເພື່ອການພັດທະນາ ແລະສົ່ງເສີມທຸລະກິດບີດີພີ ໜຶ່ງສະຖາບັນທີ່ເນັ້ນສົ່ງເສີ່ມພັດທະນາທຸລະກິດຂະໜາດນ້ອຍ ແລະກາງດ້ວຍການສະໜອງທຶນດອກເບ້ຍຕໍ່າທີ່ສຸດສະເພາະພະນັກງານມີແຕ່ 1,6% ສະເລ່ຍປີໜຶ່ງ 22%.

 

     ເມື່ອບໍ່ດົນມານີ້ ທ່ານນາງ ຈັນສະດາ ສອນນະສິນ ຜູ້ອຳນວຍການສະຖາບັນການເງິນຈຸລະພາກທີ່ບໍ່ ຮັບເງິນຝາກເພື່ອການພັດທະນາ ແລະສົ່ງເສີມທຸລະກິດ ບີດີພີ ໃຫ້ສຳພາດນັກຂ່າວໜັງສືພີມເສດຖະກິດ-ສັງຄົມໃຫ້ຮູ້ວ່າ: ສະຖາບັນການເງິນຈຸລະພາກທີ່ບໍ່ຮັບເງິນຝາກເພື່ອການພັດທະນາ ແລະສົ່ງເສີມທຸລະກິດ ບີດີພີ ສ້າງຕັ້ງປີ 2015 ໂດຍການຮ່ວມທຶນລະຫວ່າງນັກທຸລະກິດລາວ 70% ນັກທຸລະກິດຍີ່ປຸນ 30% ເລີ່ມທຶນຈົດທະບຽນ 6 ຕື້ກີບ ໂດຍຈຸດປະສົງຫຼັກແມ່ນສົ່ງເສີ່ມເນັ້ນໃສ່ການພັດທະນາທຸລະກິດນ້ອຍແລະກາງ ໂດຍເປົ້າໝາຍຂອງສະຖາບັນສ້າງສັນຄວາມແຕກຕ່າງ, ອຳນວຍຄວາມສະດວກໃຫ້ແກ່ລູກຄ້າສາມາດຕອບສະໜອງແລະເຂົ້າ ເຖິງຄວາມຕ້ອງການໄດ້ຢ່າງວ່ອງໄວ, ເພື່ອເປັນສ່ວນໜຶ່ງໃນການຊ່ວຍເຫຼືອສັງຄົມ ແລະພັດທະນາອາຊີບໃຫ້ແກ່ພົນລະເມືອງ, ພັດທະນາສ້າງບຸກຄະລາກອນໃຫ້ມີຄວາມເປັນມືອາຊີບ, ໃຫ້ລູກຄ້າສາມາດເຂົ້າຫາແຫຼ່ງທຶນໄດ້ຢ່າງວ່ອງໄວສະດວກສະບາຍ, ສ້າງທຸລະກິດຂະໜາດນ້ອຍໃຫ້ມີການເຕີບໂຕ, ໂດຍ ສະເພາະໃນລູກຄ້າເປົ້າໝາຍເຊັ່ນ: ຮ້ານຄ້າ, ຊາວຄ້າຂາຍ, ທຸລະກິດຫັດທະກໍາຕ່າງໆເປັນຕົ້ນ.

     ສຳລັບໄລຍະຜ່ານມາຖືວ່າລູກຄ້າແມ່ນມີລູກຄ້າ 400 ກວ່າຄົນ ຊຶ່ງຖືວ່າໄດ້ຕາມເປົ້າໝາຍແຕ່ລະປີວາງເປົ້າໃຫ້ໄດ້ 100% ລູກຄ້າສ່ວນ ໃຫຍ່ກຸ່ມພະນັກງານ ແລະຄ້າຂາຍປະຈຸບັນທາງສະຖາບັນຍັງມີຄວາມອາດສາມາດຕອບສະໜອງທຶນແກ່ລູກຄ້າໃໝ່ຕື່ມອີກປະມານ 900 ຄົນ ຊຶ່ງສະຖາບັນແມ່ນຄັດລູກຄ້າທີ່ດີ ເພາະທາງເຮົາໃຫ້ດອກເບຍຕໍ່າທີ່ສາມາດເຮັດທຸລະກິດຮ່ວມກັນໃຫ້ລົງໂຕ.

     ສະຖາບັນການເງິນຈຸລະພາກທີ່ບໍ່ຮັບເງິນຝາກເພື່ອການພັດທະນາແລະສົ່ງເສີມທຸລະກິດບີດີພີ ມີ 5 ຜະລິດຕະພັນເງິນກູ້ດ່ວນແມ່ນມີ 1 ລ້ານຮອດ 50 ລ້ານ, ເງິນກູ້ໝູນວຽນຄືເງິນກູ້ທີ່ບໍ່ມີຫຼັກຊັບຄ້ຳປະກັນດອກເບ້ຍຕໍ່າ 2,9% ຕໍ່ເດືອນ, ເງິນກູ້ສົ່ງເສີມທຸລະກິດ 5 ລ້ານຮອດ 50 ລ້ານ ແລະເງິນກູ້ພະນັກງານ 1,7%, ສະເລ່ຍ 22% ຕໍ່ປີ.

     ສຳລັບສະຖາບັນການເງິນຈຸລະພາກທີ່ບໍ່ຮັບເງິນຝາກເພື່ອການພັດທະນາ ແລະສົ່ງເສີມທຸລະກິດບີດີພີ ມີສະຖານທີ່ຕັ້ງຢູ່ບ້ານດອນປ່າໃໝ່ ເມື່ອງສີສັດຕະນາກ ນະຄອນຫຼວງວຽງຈັນ ຫຼື ໂທສອບຖາມ 02 1316505.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          
ໄປເທິງສຸດ