ລັດວິສາຫະກິດ ແຂວງຊຽງຂວາງ ສ້າງລາຍຮັບໄດ້ຫຼາຍກວ່າ 100 ຕື້ກີບ

     ລັດວິສາຫະກິດ ແຂວງຊຽງຂວາງ ຖືວ່າເປັນກຳລັງແຮງອັນສຳ ຄັນໃນການຂັບເຂື່ອນເສດຖະກິດ-ສັງຄົມໃຫ້ຂະຫຍາຍຕົວຕໍ່ເນື່ອງ ຊຶ່ງ ໃນ 6 ເດືອນຕົ້ນປີ 2017 ສາມາດສ້າງລາຍຮັບເຂົ້າໃສ່ການພັດທະນາໄດ້ທັງໝົດ 129,78 ຕື້ກີບ.

 

     ອີງຕາມຂໍ້ມູນຈາກພະແນກແຜນການ ແລະການລົງທຶນ ແຂວງຊຽງຂວາງ ໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2017 ບັນດາລັດວິສາຫະກິດຈຳນວນ 10  ຫົວໜ່ວຍຄື: ລັດວິສາຫະກິດນ້ຳປະປາ, ນ້ຳມັນເຊື້ອໄຟລາວ, ໂທລະຄົມລາວ, ລາວສະຕາໂທລະຄົມ, ລາວໂທລະຄົມ, ໄປສະນີ, ການຄ້າພັດທະນາ, ໄຟຟ້າລາວ, ກໍ່ສ້າງຂົວທາງ ແລະການບິນລາວໄດ້ເອົາໃຈໃສ່ເຄື່ອນໄຫວດໍາເນີນທຸລະກິດຕາມໜ້າລັດຖະບານ ຢ່າງຕັ້ງໜ້າ ໂດຍໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງ ແຂວງຊຽງຂວາງຢ່າງຕໍ່ເນື່ອງ ຊຶ່ງສາມາດສ້າງລາຍ ຮັບໄດ້ທັງໝົດ 129,78 ຕື້ກີບ, ເທົ່າກັບ 39,69%, ປະຕິບັດລາຍຈ່າຍໄດ້ 100,68 ຕື້ກີບ, ເທົ່າກັບ 45,65% ແລະມອບພັນທະເຂົ້າງົບປະມານທັງໝົດ 10,99 ຕື້ກີບເທົ່າກັບ 45% ຂອງແຜນການປີ.

     ໃນນັ້ນລັດວິສາຫະກິດນ້ຳປະປາສາມາດສ້າງລາຍຮັບໄດ້ 3,67 ຕື້ກີບ, ປະຕິບັດລາຍຈ່າຍ 2,96 ຕື້ກີບ, ມອບພັນທະງົບປະມານ 4 ຮ້ອຍກວ່າລ້ານກີບ; ລັດວິສາຫະກິດນ້ຳມັນເຊື້ອໄຟລາວສ້າງລາຍຮັບໄດ້ 51,99 ຕື້ກີບ, ປະຕິບັດລາຍຈ່າຍ 51,55 ຕື້ກີບ; ລັດວິສາຫະກິດລາວ ໂທລະຄົມສາມາດສ້າງລາຍຮັບໄດ້ 16,72 ຕື້ກີບ, ປະຕິບັດລາຍຈ່າຍ 9,25 ຕື້ກີບ ມອບພັນທະງົບປະມານ 3,61 ຕື້ກີບ; ລັດວິສາຫະກິດລາວ ສະຕຣາໂທລະຄົມສາມາດສ້າງລາຍຮັບໄດ້ 21,63 ຕື້ກີບ, ປະຕິບັດລາຍຈ່າຍ 2,66 ຕື້ກີບ, ມອບພັນທະງົບປະມານ 2,36 ຕື້ກີບ; ລັດວິສາຫະກິດ ETL ສາມາດສ້າງລາຍຮັບໄດ້ 3,05 ຕື້ກີບ, ປະຕິບັດລາຍຈ່າຍ 2,83 ຕື້ກີບ, ມອບພັນທະງົບປະມານ 904,55 ລ້ານກີບ; ລັດວິສາຫະກິດໄປສະນີສາມາດສ້າງ ລາຍຮັບໄດ້ 430,35 ລ້ານກີບ, ປະຕິບັດລາຍຈ່າຍ 374,50 ລ້ານກີບ, ມອບພັນທະງົບປະມານ 7,97 ລ້ານກີບ.

     ສ່ວນລັດວິສາຫະກິດການຄ້າພັດທະນາສາມາດສ້າງລາຍຮັບໄດ້ 4,29 ຕື້ກີບ, ປະຕິບັດລາຍຈ່າຍ 4,21 ຕື້ກີບ;  ລັດວິສາຫະກິດໄຟຟ້າລາວສາມາດສ້າງລາຍຮັບໄດ້ 17,05 ຕື້ກີບ, ປະຕິບັດລາຍຈ່າຍ 20,56 ຕື້ກີບ, ມອບພັນທະງົບປະມານ 1,79 ຕື້ກີບ; ລັດວິສາຫະກິດກໍ່ສ້າງຂົວທາງສາມາດສ້າງລາຍຮັບໄດ້ 8,65 ຕື້ກີບ, ປະຕິບັດລາຍຈ່າຍ 6,19 ຕື້ກີບ, ມອບພັນທະງົບປະມານ1,69  ຕື້ກີບ; ລັດວິສາຫະກິດການບິນລາວສາມາດ ສ້າງລາຍຮັບໄດ້ 2,29 ຕື້ກີບ, ປະຕິບັດລາຍຈ່າຍ 83,95 ລ້ານກີບ, ມອບພັນທະງົບປະມານ 218,08 ລ້ານກີບ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ທັນວາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
ໄປເທິງສຸດ