ເມືອງປາກລາຍ ເກັບລາຍຮັບບັນລຸເປົ້າ

     ຍ້ອນຄວາມເອົາໃຈໃສ່ໃນການຊີ້ນຳໆພາຂອງອົງຄະນະພັກເມືອງ ແລະສາຍຕັ້ງຂອງແຂວງ ເຮັດໃຫ້ແຜນການດ້ານງົບປະມານລາຍຮັບ-ລາຍຈ່າຍຂອງ ເມືອງປາກລາຍ ແຂວງໄຊຍະບູລີ ຖືກຈັດຕັ້ງປະຕິບັດໄດ້ດີພໍສົມຄວນ,

ເຮັດໃຫ້ວຽກງານດ້ານເສດຖະກິດ-ການເງິນມີສະຖຽນລະພາບ, ມີຄວາມໝັ້ນທ່ຽງຄ່າຂອງເງິນກີບຢູ່ໃນພາວະປົກກະຕິ, ສົ່ງເສີມສິນຄ້າ, ການຜະລິດ, ການບໍລິການພາຍໃນເພື່ອສ້າງຖານ ອາກອນໃໝ່ ເຮັດໃຫ້ເມືອງປາກລາຍເປັນເມືອງທີ່ມີຄວາມເຂັ້ມ ແຂງຮອບດ້ານທາງງົບປະມານ.

     ອີງຕາມຂໍ້ມູນຂອງຫ້ອງ ການ-ການເງິນ ເມືອງປາກລາຍໃຫ້ຮູ້ວ່າ: ໃນປີ 2017 ເມືອງປາກລາຍໄດ້ຮັບແຜນການຈັດເກັບລາຍຮັບເຂົ້າງົບປະມານທັງໝົດ 14,33 ຕື້ກີບ, ເຊີ່ງກວມເອົາ 71,79% ຂອງລວມຍອດລາຍ ຈ່າຍທັງໝົດ. ຜ່ານການຈັດຕັ້ງປະຕິບັດເກັບລາຍຮັບງົບປະມານ 1 ປີຜ່ານມາໄດ້ທັງໝົດ 14,52 ຕື້ກີບ ເທົ່າກັບ 101,36% ຂອງແຜນການປີ, ທຽບໃສ່ເວລາດຽວ ກັນຂອງປີຜ່ານມາຫຼຸດລົງ 12,57% ໃນນັ້ນ: ລາຍຮັບຊັບສິນ ປະຕິບັດໄດ້ 402,28 ລ້ານກີບ (ແຜນການ 600 ລ້ານກີບ) ເທົ່າກັບ 67,05% ຂອງການປີ, ທຽບໃສ່ເວລາດຽວກັນຂອງປີ ຜ່ານມາຫຼຸດລົງ 13,91% ແລະລາຍຮັບສ່ວຍສາອາກອນແຜນ ການ: 13,73 ຕື້ກີບ, ປະຕິບັດໄດ້: 14,12 ຕື້ກີບ ເທົ່າກັບ 102,86% ເປັນລາຍຮັບພາກທີ່ດິນ (ພາສີທ່ີດີນ, ຄ່າທຳນຽມ, ຄ່າຈົດທະບຽນທີ່ດີນ) ແຜນການ 2,35 ຕື້ກີບ ປະຕິບັດໄດ້ 1,92 ຕື້ກີບ ເທົ່າກັບ 76,68% ຂອງແຜນການປີ, ທຽບ ໃສ່ເວລາດຽວກັນຂອງປີຜ່ານມາ ເພີ່ມຂື້ນ 1,95%.

     ດ້ານລາຍຈ່າຍ, ການຄຸ້ມຄອງລາຍຈ່າຍງົບປະມານຂອງເມືອງປາກລາຍໄດ້ມີມາດຕະການໃນການຄຸ້ມຄອງດ້ວຍຫຼາຍຮູບການເປັນຕົ້ນແມ່ນ ເອົາໃຈໃສ່ໃນການ ຈັດສັນລາຍຈ່າຍນໍາສະເໜີທ່ານ ເຈົ້າເມືອງ ພິຈາລະນາຕົກລົງບັນດາຮ່ວງລາຍຈ່າຍງົບປະມານ ຕາມຕົວເລກອະນຸມັດຈາກສະພາ ທີ່ໄດ້ແບ່ງປັນໃຫ້. ສໍາລັບແຜນລາຍຈ່າຍໃນປີ 2017 ມີທັງໜົດ 19,96 ຕື້ກີບ, ຜ່ານການຈັດຕັ້ງປະຕິບັດ 1 ປີຜ່ານມາ ໄດ້ທັງໝົດ: 17,32 ຕື້ກີບ, ເທົ່າກັບ 86,79% ຂອງແຜນການປີ ໃນນັ້ນ: ລາຍຈ່າຍເງິນເດືອນປະຕິບັດໄດ້ 9,28 ຕື້ກີບ ເທົ່າກັບ 84,66%, ເງິນອຸດໜູນ 2,78 ຕື້ກີບ ເທົ່າກັບ 84,24%, ເງິນບໍລິຫານ 2,84 ຕື້ກີບ ເທົ່າກັບ 86,76%, ເງິນ ດັດສົມສົ່ງເສີມ 1,01 ຕື້ກີບ ເທົ່າກັບ 100%,  ເງິນຊື້ໃໝ່ປະຕິບັດໄດ້ 32,6 ລ້ານກີບ ເທົ່າກັບ 100%, ເງິນລົງທຶນຂອງລັດປະຕິບັດໄດ້ 1,36 ຕື້ກີບ ເທົ່າກັບ 100% ຂອງແຜນການປີ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        
ໄປເທິງສຸດ