ເສດຖະກິດແຂວງສາລະວັນ ຂະຫຍາຍຕົວໃນລະດັບ 7,51%

     ໜຶ່ງປີຜ່ານມາ ສະພາບເສດຖະກິດແຂວງສາລະວັນຂະຫຍາຍຕົວໃນລະດັບ 7,51%, ລວມຍອດຜະລິດຕະພັນໃນ GDP ບັນລຸໄດ້ 3.959 ຕື້ກີບ, ສະເລ່ຍຕໍ່ ຫົວຄົນ 9,58 ລ້ານ ຫຼື ເທົ່າກັບ 1.197 ໂດລາ, ໃນນັ້ນ ດ້ານກະສິກຳ-ປ່າໄມ້ ເພີ່ມຂຶ້ນ 3,90% ກວມ 42,28%, ດ້ານອຸດສາຫະກຳແມ່ນເພີ່ມຂຶ້ນ 8,89% ກວມ 21,49%, ດ້ານການບໍລິການເພີ່ມຂຶ້ນ 10,39% ຂອງ GDP.

 

     ອີງຕາມຂໍ້ມູນຈາກແຂວງສາລະວັນໃຫ້ຮູ້ວ່າ: ຄະນະພັກ, ອຳນາດການປົກຄອງແຂວງທຸກຂັ້ນ ໄດ້ສຸມໃສ່ ເຮັດໃຫ້ແຂວງສາລະວັນສືບຕໍ່ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະມີຄວາມເປັນລະບຽບຮຽບຮ້ອຍໂດຍພື້ນຖານ, ເສດຖະກິດ-ສັງຄົມສືບຕໍ່ພັດທະນາຢ່າງຕໍ່ເນື່ອງຕາມທິດທີ່ສູນກາງ ແລະແຂວງວາງອອກ, ໂດຍໃນ 1 ປີຜ່ານມາ ໄດ້ປຸກລະດົມຂົນຂວາຍແຫຼ່ງທຶນຕ່າງໆຈາກພາຍໃນ ແລະຕ່າງປະເທດມາລົງທຶນຢູ່ແຂວງໄດ້ທັງໝົດ 1.531 ຕື້ກີບ, ລື່ນແຜນ 19,12% ໃນນັ້ນ ການລົງທຶນລັດ ປະຕິບັດໄດ້ 78,22 ຕື້ກີບ, ເທົ່າກັບ 99,78%, ທຶນຊ່ວຍເຫຼືອ-ກູ້ຢືມ ປະຕິບັດໄດ້ 160 ຕື້ກວ່າກີບ ລື່ນແຜນ 5%, ທຶນເອ ກະຊົນພາຍໃນ-ຕ່າງປະເທດປະ ຕິບັດໄດ້ 740 ຕື້ກວ່າກີບ, ເທົ່າກັບ 82,22%, ທຶນທະນາຄານປະຕິບັດໄດ້ 435 ຕື້ກີບ, ເພີ່ມຂຶ້ນ 6,8 ເທົ່າຕົວ, ທຶນຂອງປະຊາຊົນປະຕິ ບັດໄດ້ 84,45 ຕື້ກີບ, ລື່ນແຜນປີ 1,75%.

     ການຈັດເກັບລາຍຮັບເຂົ້າງົບ ປະມານຂອງລັດປະຕິບັດໄດ້ 158,17 ຕື້ກີບ, ລື່ນແຜນ 5,92%, ໃນນັ້ນ ສູນກາງຄຸ້ມຄອງ (ພາສີ) ປະຕິບັດໄດ້ 44,52 ຕື້ກີບ ລື່ນແຜນ 53,54% ແລະທ້ອງຖິ່ນຄຸ້ມຄອງປະຕິບັດໄດ້ 113,64 ຕື້ກີບ ເທົ່າກັບ 90,64%, ທຽບໃສ່ປີຜ່ານມາ ເພີ່ມຂຶ້ນ 20,45% ໃນນັ້ນ: ຈາກສວຍສາອາກອນໄດ້ 90,63 ຕື້ກີບ ເທົ່າກັບ 90,64%; ຊັບສິນໄດ້ 22,92 ຕື້ກີບ ລື່ນແຜນ 14,62%, ຄຸ້ມຄອງລັດວິສາຫະກິດໄດ້ 88,83 ລ້ານກວ່າກີບ ເທົ່າກັບ 26,87%. ນອນນັ້ນ ໄດ້ລົງຊຸກ ຍູ້ປະຊາຊົນບັນດາເຜົ່າ ເຮັດການປູກຝັງ ແລະລ້ຽງສັດເປັນສິນຄ້າ ໃນປີຜ່ານມາສາມາດຜະລິດເຂົ້ານາປີໄດ້ 311,288 ໂຕນ, ນາແຊງຜະລິດໄດ້ 48.567 ໂຕນ ແລະສາມາດສົ່ງເປັນສິນຄ້າໄດ້ 179,934 ໂຕນ, ເທົ່າກັບ 86,69% ຂອງແຜນການ.

     ທິດທາງປີ 2018 ສູ້ຊົນເຮັດໃຫ້ລວມຍອດຜະລິດຕະພັນພາຍໃນ GDP ໃຫ້ບັນລຸ 4.428 ຕື້ກີບ, ຄາດຄະເນການຂະຫຍາຍຕົວ 8% ຂຶ້ນໄປສະເລ່ຍລາຍຮັບຕໍ່ຫົວຄົນ 10,51 ລ້ານກີບ ຫຼື ເທົ່າກັບ 1.312 ໂດລາ ໃນນັ້ນ ກະສິກຳປ່າ ໄມ້ເພີ່ມຂຶ້ນ 3,46% ກວມເອົາ 38,47% ອຸດສາຫະກຳເພີ່ມຂຶ້ນ 10,07% ກວມເອົາ 23,65% ແລະບໍລິການ-ພາສີ ຂາເຂົ້າເພີ່ມຂຶ້ນ 11,02% ກວມເອົາ 37,89%. ພ້ອມດຽວກັນນັ້ນ ກໍ່ເອົາໃຈໃສ່ຄຸ້ມຄອງບັນດາການລົງທຶນຂອງລັດ, ເອກະຊົນພາຍໃນ ແລະຕ່າງປະເທດ ໃຫ້ຖືກຕ້ອງຕາມລະບຽບວິ ໃນ, ແກ້ໄຂການຄຸ້ມຄອງໂຄງການ ແບບອືດອາດຊັກຊ້າ, ເອົາໃຈໃສ່ ສູ້ຊົນຂຸດຄົ້ນລາຍຮັບເຂົ້າງົບປະມານໃຫ້ໄດ້ 204,87 ຕື້ກີບ, ໃນນັ້ນລາຍຮັບຂອງສູນກາງ 64,94 ຕື້ກີບ ແລະຂັ້ນແຂວງໃຫ້ໄດ້ 139,93 ຕື້ກີບ, ຄຸ້ມຄອງລາຍ ຈ່າຍໃຫ້ຢູ່ໃນລະດັບ 440,77 ຕື້ກີບ. 

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2018 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
ໄປເທິງສຸດ