ແຂວງຜົ້ງສາລີ ເກັບລາຍຮັບລື່ນແຜນ 23 ຕື້ກວ່າກີບ

     ການຈັດເກັບລາຍຮັບເຂົ້າງົບປະມານຂອງແຂວງຜົ້ງສາລີໃນ 1 ປີຜ່ານມາປະຕິບັດໄດ້ທັງໝົດ 92,67 ຕື້ກີບ ຊຶ່ງເກີນຄາດໝາຍທີ່ວາງໄວ້, ໃນນັ້ນການຂຸດຄົ້ນລາຍຮັບທ້ອງຖິ່ນເຂົ້າງົບປະມານປະຕິບັດ 59,90 ຕື້ກີບ ລື່ນແຜນ 13,48% ແລະລາຍຮັບຈາກພາສີ (ພູດສູນກາງ) ປະຕິບັດ 32,77 ຕື້ກີບ, ລື່ນແຜນ 55,31%.

 

     ອີງຕາມຂໍ້ມູນ ລາຍງານຂອງ ແຂວງຜົ້ງສາລີ  ໃຫ້ຮູ້ວ່າ: ແຜນການຈັດເກັບລາຍຮັບທີ່ສະພາແຫ່ງຊາດມອບໃຫ້ແຂວງຜົ້ງສາລີໃນປີ 2017 ມີທັງໝົດ 69,60 ຕື້ກີບ, ໃນນັ້ນ: ລາຍຮັບທ້ອງຖິ່ນໃຫ້ໄດ້ 48,50 ຕື້ກີບ ພູດຂອງສູນກາງ 21,10 ຕື້ກີບ, ການຂາດດຸນບໍ່ໃຫ້ ເກີນ 276,39 ຕື້ກີບ ເທົ່າກັບ 20,71% ຂອງ GDP ຜ່ານການຈັດຕັ້ງປະຕິບັດເກັບໄດ້ທັງໝົດ 92,67 ຕື້ກີບ ລື່ນແຜນ 23,07 ຕື້ກີບ ໃນນັ້ນລາຍຮັບຈາກພາສີ (ພູດຂອງສູນກາງ) 32,77 ຕື້ກີບ ລື່ນແຜນການ 55,31% ແລະລາຍຮັບທ້ອງຖິ່ນປະຕິບັດໄດ້ 59,90 ຕື້ກີບ ລື່ນແຜນການ 13,48% ໂດຍສ່ວນໃຫຍ່ມາຈາກສ່ວຍສາອາກອນ ຊຶ່ງປະຕິບັດໄດ້ທັງໝົດ 40,23 ຕື້ກີບ ລື່ນແຜນການ 17,61%, ລາຍຮັບທີ່ດິນ 4,56 ຕື້ກີບ ລື່ນແຜນການ 1,28%, ລາຍຮັບຄ່າທໍານຽມ 1,86 ຕື້ກີບ ເທົ່າກັບ 80,83%, ລາຍຮັບວິຊາການ 4,76 ຕື້ກີບ ເທົ່າກັບ 75,91% ແລະລາຍຮັບຈາກຊັບສິນຂອງ ລັດ 8,49 ຕື້ກີບ ລື່ນແຜນການ 54,32%.

     ດ້ານລາຍຈ່າຍແຜນການປີ 345,99 ຕື້ກີບ ປະຕິບັດໄດ້ 356,46 ຕື້ກີບ ເທົ່າກັບ 96,36% ຂອງແຜນການໃນນັ້ນ: ລາຍຈ່າຍເງິນເດືອນພະນັກງານ 222,51 ຕື້ກີບ, ລາຍຈ່າຍອຸດໜູນນະໂຍບາຍ, ເບ້ຍລ້ຽງ 14,28 ຕື້ກີບ, ເງິນບໍ ລິຫານ 27,13 ຕື້ກີບ, ລາຍຈ່າຍເງິນດັດສົມສົ່ງເສີມ 14,90 ຕື້ກີບ, ລາຍຈ່າຍບັງເອີນອື່ນໆ 11,85 ຕື້ກີບ, ລາຍຈ່າຍຊື້ໃໝ່ 2,82 ຕື້ກີບ ແລະການລົງທຶນລັດ 62,95 ຕື້ກີບ.

     ທັງນີ້ ຍ້ອນໄດ້ຮັບການຮ່ວມມື ຈາກຫຼາຍພາກສ່ວນທັງພາກລັດ ແລະເອກະຊົນ, ພະນັກງານສ່ວຍສາອາກອນລົງຮອດທ້ອງຖິ່ນເອົາໃຈໃສ່ປະຕິບັດໜ້າທີ່ຂອງຕົນ, ໄດ້ຮັບຄວາມເອົາໃຈໃສ່ຈາກຂັ້ນເທິງທັງສາຍຕັ້ງ ແລະສາຍຂວາງໃນການຊີ້ນໍາຢ່າງເປັນປົກກະຕິຕໍ່ການຈັດຕັ້ງປະຕິບັດການຈັດເກັບລາຍຮັບ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        
ໄປເທິງສຸດ