ທນບ ສາຂາອຸດົມໄຊ ຮັບຮອງແຜນສິນເຊື່ອ ປີ 2018

     ກອງປະຊຸມປຶກສາຫາລືໃນການຮັບຮອງເອົາໂຄງການ ແລະແຜນສິນເຊື່ອປະຈໍາປີ 2018 ໃນ ຂົງເຂດບ້ານ 3 ສ້າງ, ຈຸດສຸມພັດທະນາ ແລະເມືອງເປົ້າໝາຍຂອງທະນາຄານນະໂຍບາຍ (ທນບ) ສາຂາແຂວງອຸດົມໄຊໄດ້ຈັດຂຶ້ນໃນ ວັນທີ 22 ມັງກອນ 2018 ທີ່ຫ້ອງປະຊຸມຂອງສາຂາທະນາຄານດັ່ງກ່າວ

ໂດຍການເປັນປະທານຂອງທ່ານ ສົມຈິດ ປັນຍາສັກ ຮອງເຈົ້າ ແຂວງອຸດົມໄຊ ທັງເປັນປະທານຄະນະກຳມະການຄຸ້ມຄອງສິນເຊື່ອຂັ້ນແຂວງ, ທ່ານນາງ ຈັນເພັງ ໄຊລືຕາ  ຮັກສາການຫົວໜ້າທະນາຄານນະໂຍບາຍສາຂາອຸດົມໄຊ, ມີຕາງໜ້າຈາກ ສຳນັກງານໃຫຍ່ທະນາຄານນະໂຍບາຍ, ທະນາຄານແຫ່ງ ສປປ ລາວ ພາກເໜືອທີ່ແຂວງອຸດົມໄຊມີບັນດາຄະນະກໍາມະການຄຸ້ມຄອງສິນເຊື່ອຂັ້ນແຂວງ ແລະເມືອງເຂົ້າຮ່ວມ.

     ການດໍາເນີນກອງປະຊຸມໃນຄັ້ງນີ້ ຂອງບັນດາຄະນະກໍາມະການຄຸ້ມຄອງສິນເຊື່ອຂັ້ນແຂວງ ແລະເມືອງກໍເພື່ອປຶກສາຫາລືໃນການກຳນົດ ແລະຕົກລົງຮັບຮອງເອົາບັນ ດາໂຄງການ ລວມທັງຕົວເລກງົບປະມານຕົວຈິງທີ່ຈະຈັດຕັ້ງປະຕິບັດ ໃນສົກປີ 2018 ໃຫ້ເປັນລະບົບແບບແຜນ ຊຶ່ງໄດ້ມີການກຳນົດໃຫ້ ແຕ່ລະເມືອງຢ່າງລະອຽດ, ຕາມເປົ້າໝາຍໃນການສະໜອງສິນເຊື່ອ ໃຫ້ແກ່ປະຊາຊົນ ໂດຍສະເພາະແມ່ນ ບັນດາເມືອງທີ່ຍັງທຸກຍາກມີ 2 ເມືອງຄື ເມືອງປາກແບງ ແລະເມືອງງາ, ເຂດຈຸດສຸມພັດທະນາ 2 ຈຸດສຸມ ແລະບ້ານ 3 ສ້າງ ຈຳນວນ 4 ບ້ານ ຊຶ່ງທັງໝົດແມ່ນເລັ່ງໃສ່ຈັດຕັ້ງ ປະຕິບັດເຂົ້າໃນການປູກຝັງ, ລ້ຽງ ສັດ, ຫັດຖະກຳ ແລະອຸດສາຫະກຳຂະໜາດນ້ອຍລວມເປັນມູນຄາທັງໝົດ 30 ຕື້ກວ່າກີບ ໃນຈຳນວນ 7 ເມືອງທົ່ວແຂວງອຸດົມໄຊໂດຍກຳນົດເປັນ 3 ໄລຍະຄື ໄລຍະສັ້ນ, ໄລຍະກາງ ແລະໄລຍະຍາວ.

     ການກໍານົດຮັບຮອງເອົາໂຄງການ ແລະແຜນສິນເຊື່ອທີ່ຈະຈັດຕັ້ງ ປະຕິບັດໃນປີ 2018 ຂອງທະນາຄານນະໂຍບາຍໃນຈຳນວນ 30 ຕື້ກວ່າກີບນີ້ ຖືເປັນແຜນທຶນໃນລະດູປີ ໂດຍສືບຕໍ່ປ່ອຍສິນເຊື່ອໃຫ້ກັບ ກຸ່ມເປົ້າໝາຍພາຍຫຼັງທີ່ໄດ້ໄປແລ້ວ ກ່ອນໜ້ານີ້ເປັນທຶນລະດູແລ້ງຈຳນວນ 15 ຕື້ກວ່າກີບ ທີ່ປ່ອຍໃຫ້ແກ່ ປະຊາຊົນນຳໃຊ້ເຂົ້າໃນການປູກຝັງ ໂດຍສະເພາະແມ່ນການປູກສາລີ, ໝາກແໜ່ງ ແລະບຸກເບີກເນື້ອທີ່ດິນນາ ລວມຈຳນວນຕົວເລກງົບປະມານທັງໝົດທີ່ຈະສະໜອງສິນ ເຊື່ອໃຫ້ແກ່ບັນດາກຸ່ມເປົ້າໝາຍທັງ 7 ເມືອງທົ່ວແຂວງອຸດົມໄຊ ທັງໝົດ 45 ຕື້ກວ່າກີບ.

     ການກໍານົດຮັບຮອງເອົາບັນດາໂຄງການ ແລະແຜນສະໜອງສິນ  ເຊື່ອໃນຄັ້ງນີ້ນອກຈາກຈະເຮັດໃຫ້ ການຈັດຕັ້ງປະຕິບັດວຽກງານມີຄວາມເປັນລະບົບລະບຽບ ແລະຖືກຕ້ອງແລ້ວຍັງເປັນການປຶກສາຫາລື ແລະຊອກຫາຊ່ອງທາງໃນການແກ້ໄຂຄວາມທຸກຍາກໃຫ້ແກ່ປະຊາຊົນພາຍໃນແຂວງອຸດົມໄຊ ໃຫ້ມີຈໍານວນຕົວເລກຫຼຸດລົງເທື່ອ ລະກ້າວຕື່ມອີກ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2018 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
ໄປເທິງສຸດ