ເສດຖະກິດຫຼວງນ້ຳທາ ຂະຫຍາຍຕົວໃນລະດັບ 8,96%

     ເສດຖະກິດແຂວງຫຼວງນ້ຳທາ ຍັງສຶບຕໍ່ຂະຫຍາຍຕົວຢ່າງຕໍ່ເນື່ອງ ແລະໝັ້ນທ່ຽງດ້ວຍຈັ່ງຫວະການຫັນປ່ຽນຈາກກະສິກໍາໄປສູ່ອຸດສາຫະກໍາ ແລະການບໍລິການຫຼາຍຂຶ້ນ ຈຶ່ງເຮັດໃຫ້ເສດຖະກິດ ແຂວງໃນປີ 2017 ຜ່ານມາເຕີບ ໂຕໃນລະດັບ 8,96%.

 

     ອີງຕາມຂໍ້ມູນຈາກແຂວງຫຼວງນໍ້າທາໃຫ້ຮູ້ວ່າ: ໃນໄລະ 1 ປີຜ່ານມາ ເສດຖະກິດໄດ້ຮັບການພັດທະນາ ແລະຂະຫຍາຍຕົວຢ່າງຕໍ່ເນື່ອງ, ສະເລ່ຍໃນລະດັບ 8,96% ລວມຍອດຜະລິດຕະພັນ ພາຍໃນ (GDP) ບັນລຸໄດ້ 2.447 ຕື້ກີບ ເທົ່າກັບ 95,96% ຂອງແຜນການປີ, ສະເລ່ຍລາຍຮັບຕໍ່ຫົວຄົນບັນລຸໄດ້ 1.656 ໂດ ລາ, ທຽບໃສ່ແຜນການປີເພີ່ມຂຶ້ນ 91 ໂດລາ, ລະດົມແຫຼ່ງທຶນຈາກພາຍໃນ ແລະຕ່າງປະເທດເຂົ້າໃນ ການພັດທະນາເສດຖະກິດ-ສັງຄົມ ໄດ້ທັງໝົດ 986,74 ຕື້ກີບ ກວມ 40,32% ຂອງຈີດີພີ, ໃນນີ້ການລົງທຶນຂອງລັດທີ່ສະພາອະນຸມັດມີ 39 ໂຄງການ ມູນຄ່າ 40,88 ຕື້ກີບ ມາຮອດປະຈຸບັນ ປະຕິບັດສຳເລັດຕາມແຜນການທີ່ວາງໄວ້.

     ນອກນັ້ນ ດ້ານກະສິກຳກໍ່ເປັນ ຂະບວນກວ້າງຂວາງເຊັ່ນ: ການປູກສາລີ, ອ້ອຍ, ແຕງໂມ, ໝາກອຶ, ຖົ່ວ, ກ້ວຍ, ໄມ້ໃຫ້ໝາກ ແລະພືດຜັກອື່ນໆ, ຜົນຜະລິດລວມບັນ ລຸໄດ້ 330 ພັນໂຕນ, ມີເນື້ອທີ່ 15.399 ເຮັກຕາ, ເກັບກູ້ນ້ຳຢາງ ພາລາໄດ້ 38.508 ໂຕນ, ໂຄງ ການກໍ່ສ້າງຊົນລະປະທານນ້ຳຢ້າ ມາຮອດປະຈຸບັນສຳເລັດ 30,25%, ນ້ຳມະອຸ່ນສຳເລັດ 81%, ລວມຍອດມູນຄ່າຜະລິດຕະພັນ, ອຸດສາຫະກຳພາຍໃນໄດ້ 430,44 ຕື້ກີບ, ເທົ່າກັບ 83,97% ຂອງແຜນການປີ, ມູນຄ່າສິນຄ້າ ສົ່ງອອກບັນລຸໄດ້ 84,3 ລ້ານໂດລາ, ຈັດເກັບລາຍຮັບເຂົ້າງົບປະມານປະຕິບັດໄດ້ 92,71 ຕື້ກີບ ທຽບໃສ່ແຜນການດັດແກ້ທ້າຍປີ ປະຕິບັດໄດ້ 113,75%.

     ດ້ານພື້ນຖານໂຄງລ່າງໄດ້ຮັບ ການປັບປຸງດີຂຶ້ນມາຮອດປະຈຸບັນ ຈັດສັນ-ຍົກຍ້າຍປະຊາຊົນທີ່ ຖືກຜົນກະທົບຈາກໂຄງການກໍ່ ສ້າງເຂື່ອນໄຟຟ້ານ້ຳທາ 1 ສຳເລັດ 85,75%, ປະຊາຊົນໄດ້ນຳໃຊ້ໄຟຟ້າຖາວອນ ແລະໄຟຟ້ານອກລະ ບົບກວມ 86,42%, ບ້ານທີ່ມີເສັ້ນທາງລົດເຂົ້າໄປເຖິງ 361 ບ້ານ ກວມ 97,83%, ນຳໃຊ້ນ້ຳ ປະປາກວມ 98%, ຂອງຈຳນວນ ປະຊາກອນພາຍໃນເທສະບານ ແຂວງ-ເມືອງ, ອັດຕາເຂົ້າຮຽນສຸດທິຂອງເດັກໃນເກນອາຍຸ 6- 10 ປີ ບັນລຸໄດ້ 97,80%, ອາຍຸ 15-35 ປີ ບັນລຸໄດ້ 92,50%. ສ່ວນດ້ານວຽກງານວັດທະນະທຳ ແລະສັງຄົມ, ສ້າງບ້ານແບບຢ່າງ ສາທາລະນະສຸກ 279 ບ້ານ, ເພີ່ມຂຶ້ນ 2 ບ້ານ, ມີບ້ານວັດທະນະທຳ 271 ບ້ານ ເພີ່ມຂຶ້ນ 13 ບ້ານ, ມີຄອບຄົວວັດທະນະທຳ 23.436 ຄອບຄົວ ເພີ່ມຂຶ້ນ 750 ຄອບຄົວ.

     ສ່ວນທິດທາງແຜນການປີ 2018 ແມ່ນຈະສືບຕໍ່ຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຄັ້ງ ທີ 10 ຂອງພັກ, ມະຕິກອງປະຊຸມ ໃຫ່ຍຄັ້ງທີ 7 ຂອງອົງຄະນະພັກແຂວງ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 8 ຂອງ ແຂວງ, ເພີ່ມທະວີຄວາມສາມັກຄີ ເປັນເອກະພາບພາຍໃນອົງການປົກຄອງ ແລະປະຊາຊົນບັນດາເຜົ່າໃຫ້ເປັນປຶກແຜ່ນແໜ້ນໜາ, ເສີມຂະຫຍາຍວຽກງານສຸຂະສຶກສາ-ອະນາໄມສິ່ງແວດລ້ອມ, ສົ່ງ ເສີມວັດທະນະທຳອັນດີງາມຂອງ ຊາດ, ຂອງເຜົ່າ, ສ້າງວຽກເຮັດ ງານທຳ, ພັດທະນາສີມືແຮງງານ, ສົ່ງເສີມການບໍລິການ ແລະການທ່ອງທ່ຽວໃຫ້ຫຼາຍຂຶ້ນ, ສູ້ຊົນເຮັດ ໃຫ້ເສດຖະກິດຂະຫຍາຍຕົວຕໍ່ເນື່ອງ, ໝັ້ນທ່ຽງ, ລວມຍອດຜະລິດຕະພັນພາຍໃນຈີດີພີ ໃຫ້ບັນລຸ ໄດ້ 2.759 ຕື້ກີບ, ສະເລ່ຍລາຍ ຮັບຕໍ່ຫົວຄົນໃຫ້ບັນລຸໄດ້ 1.854 ໂດລາ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2018 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
ໄປເທິງສຸດ