ປີກາຍດ່ານພາສີສາກົນພູເກືອ ຈັດເກັບລາຍຮັບລື່ນແຜນ

     ໃນສົກງົບປະມານປີ 2017 ດ່ານພາສີສາກົນພູເກືອ, ແຂວງອັດຕະປື ໄດ້ຮັບມອບໝາຍຕົວເລກ ແຜນລາຍຮັບຈາກກົມພາສີທັງໝົດໃນແຜນປີ 18 ຕື້ກີບ ແຕ່ຜ່ານການຈັດຕັ້ງປະຕິບັດການຈັດເກັບລາຍຮັບຕົວຈິງໃນປີ 2017 ທາງດ່ານພາສີສາກົນພູເກືອສາມາດ ຈັດເກັບລາຍຮັບເຂົ້າງົບປະມານ ໄດ້ທັງໝົດ 24 ຕື້ກວ່າກີບ ທຽບໃສ່ແຜນການປີເທົ່າກັບ 136.75%.

 

     ທ່ານ ລົດສະນີ ສີຫາວົງ ຮອງ ຫົວໜ້າກອງຄຸ້ມຄອງພາສີ VII ຫົວໜ້າດ່ານພາສີສາກົນພູເກືອ ໄດ້ຢັ້ງຢືນໃນບົດສະຫຼຸບປະຈຳປີ ຫວ່າງບໍ່ດົນມານີ້ວ່າ: ລາຍຮັບພາ ສີ-ອາກອນ ທີ່ທາງດ່ານພາສີສາ ກົນພູເກືອຈັດເກັບລາຍຮັບພາສີ-ອາກອນປີ 2017 ໄດ້ລື່ນແຜນໃນ ຈຳນວນ 24 ຕື້ກວ່າກີບນັ້ນ ເຊິ່ງລວມມີລາຍຮັບພາສີປະຕິບັດໄດ້ ໝົດປີ 10 ຕື້ກວ່າກີບ ໃນນີ້: ຄ່າຊັກພິເສດສົ່ງອອກປະຕິບັດໄດ້ 1 ຕື້ກວ່າກີບ, ພາສີຂາເຂົ້າຈາກນ້ຳມັນເຊື້ອໄຟປະຕິບັດໄດ້ 951 ລ້ານກີບ, ພາສີຂາເຂົ້າຈາກນ້ຳມັນເຄື່ອງປະຕິບັດໄດ້ 22 ລ້ານກວ່າກີບ, ພາສີຂາເຂົ້າຈາກພາຫະນະປະຕິບັດໄດ້ 7 ລ້ານກີບ, ພາສີຂາເຂົ້າຈາກສິ້ນສ່ວນອາໄຫຼ່ປະຕິບັດໄດ້ 19 ລ້ານກີບ, ພາສີຂາ ເຂົ້າຈາກເຄື່ອງກໍ່ສ້າງປະຕິບັດໄດ້ 130 ລ້ານກີບ, ພາສີຂາເຂົ້າ ຈາກເຄື່ອງໃຊ້ໄຟຟ້າປະຕິບັດໄດ້ 6 ລ້ານກີບ, ພາສີຂາເຂົ້າຈາກ ເຄື່ອງອຸປະໂພກ-ບໍລິໂພກປະຕິບັດໄດ້ 533 ລ້ານກີບ, ພາສີຂາເຂົ້າປະເພດສິນຄ້າອື່ນໆປະຕິບັດໄດ້ 216 ລ້ານກີບ, ພາສີຂາເຂົ້າ ຫຼຸດຜ່ອນ 1% ປະຕິບັດໄດ້ 10 ລ້ານກີບ, ຄ່າທຳນຽມຕ່າງໆປະຕິບັດໄດ້ 3 ຕື້ກີບ, ຄ່າປັບໃໝ-ຂາຍເຄື່ອງຮິບປະຕິບັດໄດ້ 3 ຕື້ກີບ; ລວມລາຍຮັບອາກອນປະຕິ ບັດໄດ້ໝົດປີ 13 ຕື້ກີບ ໃນນີ້ອາກອນຊົມໃຊ້ (ອກຊ) ປະຕິບັດໄດ້ 3 ຕື້ກີບ, ອາກອນມູນຄ່າເພິ່ມ (ອມພ) ປະຕິບັດໄດ້ 10 ຕື້ກີບ ແລະອາກອນລາຍໄດ້ (ອກລ) ປະຕິບັດໄດ້ 182 ລ້ານກີບ.

     ທ່ານໄດ້ກ່າວຕື່ມວ່າ: ສາເຫດທີ່ພາໃຫ້ການຈັດເກັບລາຍຮັບ ຂອງດ່ານພາສີສາກົນ ແຂວງອັດຕະປື ປະຕິບັດໄດ້ລື່ນແຜນນັ້ນກໍ່ຍ້ອນວ່າ: ໄດ້ຮັບການຊີ້ນຳຈາກ ຄະນະກົມພາສີ ກໍ່ຄືກອງຄຸ້ມຄອງ ພາສີ VII ລົງໃກ້ຊິດຕິດແທດໃນການຈັດຕັ້ງປະຕິບັດໜ້າທີ່ວຽກ ງານວິຊາສະເພາະ ແລະອຳນາດການປົກຄອງທ້ອງຖິ່ນກ່ຽວຂ້ອງ ພາຍໃນດ່ານໃຫ້ຄວາມຮ່ວມມືເປັນຢ່າງດີເຮັດໃຫ້ການຈັດຕັ້ງປະຕິບັດໄດ້ຮັບຜົນສຳເລັດ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        
ໄປເທິງສຸດ