ເມືອງຫົງສາ ສະຫຼຸບແຜນງົບປະມານປະຈຳປີ

     ກອງປະຊຸມສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດປະຈຳປີ 2017 ແລະແຜນງົບ ປະມານແຫ່ງລັດປີ 2018 ຢູ່ເມືອງຫົງສາ ໄດ້ຈັດຂຶ້ນໃນວັນທີ 24 ມັງກອນ 2018 ທີ່ຫ້ອງປະຊຸມໃຫຍ່ຂອງເມືອງ ໂດຍການເປັນປະທານຂອງທ່ານ ພອນສະຫວັນ ໄຊສົມພັນ ຮອງເຈົ້າເມືອງໆຫົງສາ, ມີຫົວໜ້າຫ້ອງການ, ນາຍບ້ານ, ຜູ້ປະກອບການ ພ້ອມດ້ວຍພະນັກງານຄຸ້ມຄອງການເງິນ ຂອງແຕ່ລະຫ້ອງການ, ບ້ານພາຍໃນເມືອງເຂົ້າຮ່ວມຢ່າງພ້ອມພຽງ.

 

     ທ່ານ ແຫຼ້ທອງ ພົມມະຈິດ ຫົວ ໜ້າຫ້ອງການການເງິນເມືອງ ກໍ່ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດປະຈຳປີ 2017 ແລະ ແຜນງົບປະມານແຫ່ງລັດ ປີ 2018, ຊຶ່ງໃນສົກງົບປະມານປີ 2017 ເມືອງຫົງສາໄດ້ຮັບຕົວເລກແຜນລາຍຮັບເບື້ອງຕົ້ນທັງໝົດ 18,20 ຕື້ກີບ ທຽບໃສ່ປີກ່ອນເພີ່ມຂຶ້ນ 11,65%, ໃນນັ້ນ ແຜນລາຍຮັບຈາກສ່ວຍສາອາກອນ 18 ຕື້ກີບ, ແຜນລາຍຮັບຈາກຊັບສິນຂອງລັດ 200 ລ້ານກີບ, ຜ່ານການຈັດຕັ້ງປະຕິບັດຕົວຈິງສາມາດຈັດເກັບລາຍຮັບເຂົ້າງົບປະມານໄດ້ທັງໝົດ 16,66 ຕື້ກີບ ເທົ່າກັບ 91,56% ຂອງແຜນການປີ, ທຽບໃສ່ໄລຍະດຽວກັນ ຂອງປີຜ່ານມາເທົ່າກັບ 97,09%, ໃນນັ້ນຮັບຈາກສ່ວຍສາອາກອນ ປະຕິບັດໄດ້ 16,52 ຕື້ກີບ, ເທົ່າກັບ 91,82% ຂອງແຜນການປີ, ທຽບໃສ່ໄລຍະດຽວກັນຂອງປີ ກ່ອນເທົ່າກັບ 97,44%, ຮັບຈາກ ການຄຸ້ມຄອງຊັບສິນຂອງລັດປະຕິບັດໄດ້ 136,78 ລ້ານກີບ ເທົ່າກັບ 68,39% ຂອງແຜນການປີ, ທຽບໃສ່ໄລຍະດຽວກັນຂອງປີ ກ່ອນເທົ່າກັບ 67,53%, ສ່ວນ ແຜນລາຍຈ່າຍປີ 2017 ມີທັງໝົດ 13,64 ຕື້ກີບ, ປະຕິບັດ ຈ່າຍຕົວຈິງໄດ້ທັງໝົດ 12,96 ຕື້ກີບ ເທົ່າກັບ 95,02% ຂອງ ແຜນການປີ, ໃນນັ້ນຈ່າຍເງິນເດືອນ 6,49 ຕື້ກີບ, ຈ່າຍອຸດໜູນຕ່າງໆ 1,84 ຕື້ກີບ, ຈ່າຍເງິນບໍ ລິຫານ 2,69 ຕື້ກີບ, ຈ່າຍດັດສົມ ສົ່ງເສີມ 453,34 ລ້ານກີບ, ຈ່າຍຊື້ໃໝ່ 31,10 ລ້ານກີບ ແລະຈ່າຍການລົງທຶນ 1,45 ຕື້ກີບ, ຊຶ່ງໃນປີ 2017 ຜ່ານມາເມືອງ ຫົງສາເປັນເມືອງເກັບລາຍຮັບ ໄດ້ເກີນດູນ ປະຕິບັດດຸ່ນດ່ຽງໃຫ້ ແຂວງໄດ້ຕົວຈິງທັງໝົດ 3,69 ຕື້ກີບ ເທົ່າກັບ 80,92% ຂອງ ແຜນການ, ພ້ອມດຽວກັນນີ້ຜູ້ເຂົ້າ ຮ່ວມກໍ່ໄດ້ຮັບຟັງການຜ່ານຄຳ ແນະນຳເພີ່ມເຕີມຂອງທ່ານເຈົ້າແຂວງໄຊຍະບູລີ ສະບັບເລກທີ 002/ຈຂຊຍ, ລົງວັນທີ 10 ມັງກອນ 2018 ວ່າດ້ວຍການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2018 ແລະຮັບຟັງການ ປະກອບຄຳຄິດຄຳເຫັນຈາກພາກ ສ່ວນຕ່າງໆທີ່ເຂົ້າຮ່ວມຢ່າງກົງ ໄປກົງມາ, ໃນໂອກາດດຽວກັນນີ້ກອງປະຊຸມກໍ່ໄດ້ມອບໃບຍ້ອງຍໍໃຫ້ 8 ຫ້ອງການ ແລະ 2 ບ້ານທີ່ຈັດເກັບລາຍຮັບມອບເຂົ້າງົບປະມານໄດ້ເກີນແຜນ, ພ້ອມທັງຮັບຟັງການໂອ້ລົມຈາກປະທານກອງປະຊຸມຕື່ມອີກ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        
ໄປເທິງສຸດ