ທະນາຄານສາຂາແຂວງຜົ້ງສາລີ ສະໜອງສິນເຊື່ອໄດ້ເກືອບ 400 ຕື້ກີບ

     1 ປີ ຜ່ານມາ ບັນດາໜ່ວຍບໍລິການທະນາຄານທຸລະກິດສາ ຂາແຂວງຜົ້ງສາລີເຊັ່ນ: ທະນາຄານພັດທະນາລາວ, ທະນາຄານສົ່ງເສີມກະສິກໍາ, ທະນາຄານການຄ້າຕ່າງປະເທດລາວ, ທະນາຄານນະໂຍບາຍ, ສະຖາບັນການເງິນຈຸລະພາກແຂວງໄດ້ສະໜອງສິນເຊື່ອທັງໝົດ 379,55 ຕື້ກີບ ປະກອບສ່ວນເຂົ້າໃນການຜະລິດທຸລະກິດຂະໜາດນ້ອຍ-ຂະໜາດກາງ ແລະແກ້ໄຂຄວາມທຸກຍາກຂອງປະຊາຊົນ.

 

     ອີງຕາມຂໍ້ມູນຈາກແຂວງ ຜົ້ງສາລີ ໃຫ້ຮູ້ວ່າ: ການສະໜອງສິນເຊື່ອຂອງບັນດາໜ່ວຍບໍລິການທະນາຄານສາຂາແຂວງ ສ່ວນໃຫຍ່ແມ່ນປ່ອຍເຂົ້າໃນຂະແໜງກະສິກໍາ, ອຸດສາຫະກໍາ ແລະການບໍລິການ ຊຶ່ງໃນປີ 2017 ຜ່ານມາສາມາດລະດົມລວມຍອດເງິນຝາກບັນລຸໄດ້ 508,99 ຕື້ກີບ ເທົ່າກັບ 96,90% ທຽບໃສ່ປີ ກ່ອນເພີ່ມຂຶ້ນ 10,50% ແລະປ່ອຍສິນເຊື່ອໄດ້ 379,55 ຕື້ກີບ ກວມເອົາ 77,78% ໃນນັ້ນ ທະນາຄານພັດທະນາລາວສາມາດລະດົມເງິນຝາກໄດ້ 166,89 ຕື້ກີບ ເທົ່າກັບ 98,97% ທຽບໃສ່ປີກ່ອນເພີ່ມຂຶ້ນ 10,35%  ແລະປ່ອຍເງິນກູ້ໄດ້ 156,46 ຕື້ກີບ ເທົ່າກັບ 77,81%, ເພີ່ມຂຶ້ນ 17,01%. ທະນາຄານສົ່ງເສີມກະສິກໍາລະດົມ ເງິນຝາກໄດ້ 103,54 ຕື້ກີບ ເທົ່າກັບ 94,04% ທຽບໃສ່ປີກ່ອນເພີ່ມ ຂຶ້ນ 0,48% ແລະປ່ອຍສິນເຊື່ອໄດ້ 70,62 ຕື້ກີບ, ເທົ່າກັບ 76,29% ຂອງແຜນການທຽບໃສ່ປີກ່ອນຫຼຸດລົງ 5,11%.

     ສ່ວນທະນາຄານການຄ້າຕ່າງປະເທດລາວ ລະດົມເງິນຝາກໄດ້ 204,01 ຕື້ກີບ ເທົ່າກັບ 97,33% ທຽບໃສ່ປີກ່ອນເພີ່ມຂຶ້ນ 14,71% ແລະປ່ອຍເງິນກູ້ໄດ້ 69,62 ຕື້ກີບ ເທົ່າກັບ 86,94% ທຽບໃສ່ປີ ຜ່ານມາເພີ່ມຂຶ້ນ 5,30%, ທະນາຄານນະໂຍບາຍປ່ອຍສິນເຊື່ອໄດ້ 62,94 ຕື້ກີບ ເທົ່າກັບ 68,59% ທຽບໃສ່ປີກ່ອນຫຼຸດລົງ 20,75% ແລະສະຖາບັນການເງິນຈຸລະພາກ ພັດທະນາ ລະດົມເງິນຝາກໄດ້ 34,55 ຕື້ກີບ ເທົ່າກັບ 93,48% ທຽບໃສ່ປີກ່ອນເພີ່ມຂຶ້ນ 25,64% ແລະປ່ອຍເງິນກູ້ໄດ້ 19,92 ຕື້ກີບ ເທົ່າກັບ 88,48% ຂອງແຜນການ ທຽບໃສ່ປີກ່ອນຫຼຸດລົງ 17,09%.

     ແຜນການຕໍ່ໜ້າທະນາຄານ ຈະປະສານສົມທົບກັບອໍານາດການປົກຄອງ ແລະຄະນະຄຸ້ມຄອງສິນເຊື່ອແຕ່ລະຂັ້ນແກ້ໄຂບັນຫາຂໍ້ຄົງຄ້າງ ໂດຍສະເພາະແມ່ນຈະສືບຕໍ່ປ່ອຍສິນເຊື່ອດ້ວຍອັດຕາດອກເບ້ຍຕໍ່າໃຫ້ປະຊາຊົນຕາມ ແຜນພັດທະນາເສດຖະກິດ-ສັງຄົມ ກໍຄືຄວາມຕ້ອງການຂອງປະຊາຊົນ ໂດຍອີງໃສ່ແຜນຕາມຄວາມເປັນຈິງ ແລະໃນແຜນປີ 2018 ນີ້ ຄາດວ່າຈະສູ້ຊົນລະດົມເງິນຝາກໃຫ້ໄດ້ 592 ຕື້ກີບ ແລະປ່ອຍສິນເຊື່ອໃຫ້ໄດ້ 427,89 ຕື້ກີບ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            
ໄປເທິງສຸດ