ກຳມະບານຮາກຖານ ທຄຕລ ສ້າງໄດ້ຜົນງານເດັ່ນຫຼາຍດ້ານ

     ກອງປະຊຸມກາງສະໄໝ ກຳມະບານຮາກຖານທະນາຄານການຄ້າຕ່າງປະເທດລາວມະຫາຊົນ (ທຄຕລ) ໄດ້ສໍາເລັດລົງໃນວັນທີ 3 ກຸມພາ

ຊຶ່ງພາຍໃຕ້ການເປັນປະທານຂອງສະຫາຍ ວຽງໄຊ ຈັນທະວີສຸກ ປະທານກໍາມະບານຮາກຖານ ທຄຕລ ໂດຍການເຂົ້າຮ່ວມຂອງສະຫາຍນາງ ເຂັມຄໍາ ຄັດສະຫວ່າງ ຄະນະບໍລິຫານງານສະຫະພັນກໍາມະບານທະນາຄານແຫ່ງ ສປປ ລາວ, ສະຫາຍ ລາໃຈ ຄັນພຣະວົງສ໌ ຄະນະພັກຮາກຖານ ທຄຕລ, ບັນດາຜູ້ຕາງໜ້າຄະນະ ກໍາມະບານຮາກຖານທະນາຄານທຸລະກິດລັດ, ບັນດາສະຫາຍຄະນະກໍາມະບານຮາກຖານ ແລະສະມາຊິກກໍາມະບານ ທຄຕລ ເຂົ້າຮ່ວມຢ່າງຫຼວງຫຼາຍ.

      ກອງປະຊຸມກາງສະໄໝໃນຄັ້ງ ນີ້, ສະຫາຍປະທານກໍາມະບານ ຮາກຖານ ທຄຕລ ໄດ້ຜ່ານບົດສະ ຫຼຸບການເຄື່ອນໄຫວວຽກງານກໍາມະບານຮາກຖານ ທຄຕລ ແຕ່ປີ 2015-2017 ແລະທິດທາງແຜນ ການແຕ່ປີ 2018-2019 ຊຶ່ງກໍາມະບານຮາກຖານ ທຄຕລ ໄດ້ຈັດຕັ້ງກອງປະຊຸມໃຫຍ່ຄັ້ງທີ IX ຂັ້ນຂອງຕົນໃນຕົ້ນປີ 2015 ຊຶ່ງໃນໄລຍະຜ່ານມາສາມາດຍາດໄດ້ຜົນ ສໍາເລັດໃນຫຼາຍດ້ານ ໂດຍສະເພາະໄດ້ຖືສໍາຄັນວຽກງານສຶກສາອົບຮົມການເມືອງ-ແນວຄິດ ອັນໄດ້ ເຮັດໃຫ້ສະມາຊິກກໍາມະບານມີຄວາມເຂົ້າໃຈແຈ້ງຕໍ່ແນວທາງ ນະໂຍບາຍຂອງພັກ ແລະລະບຽບການຕ່າງໆຫຼາຍຂຶ້ນ, ສະພາບແນວຄິດໂດຍລວມມີຄວາມສະຫງົບ ແລະມີການຫັນປ່ຽນໃນທິດທາງທີ່ ຕັ້ງໜ້າ ສະແດງອອກສະມາຊິກ ແຕ່ລະຄົນມີຄວາມຕື່ນຕົວທາງດ້ານການເມືອງ, ມີຄວາມເຊື່ອໝັ້ນຕໍ່ການນຳພາຂອງພັກ, ມີສະຕິຕໍ່ການຈັດຕັ້ງ ແລະຫ້າວຫັນໃນ ການປະຕິບັດໜ້າທີ່ດ້ວຍຄວາມ ຮັບຜິດຊອບສູງ.

     ໃນຕະຫຼອດ 3 ປີ ຜ່ານມາ ກໍາ ມະບານຮາກຖານ ທຄຕລ ໄດ້ປະກອບສ່ວນເຂົ້າໃນການດໍາເນີນ ທຸລະກິດຢ່າງມີປະສິດທິຜົນ ແລະສາມາດສ້າງກໍາໄລເພີ່ມຂຶ້ນໃນ ແຕ່ລະປີ; ນອກນີ້ ຍັງສໍາເລັດການສ້າງ ແລະພັດທະນາຜະລິດຕະ ພັນໃໝ່ ຄື: I-Bank Version 3, BCEL One, ບັດ Smart Tax, ບັດ Smart Vat, ໂຄງການບັດນັກສຶກສາ, ໂຄງການບັດລັດຖະກອນ, ປັບປຸງ ລະບົບ Bill Payment, ພັດທະນາລະບົບ E-Commerce, ພັດທະນາຕູ້ຝາກເງິນ ແລະພັດທະນາລະບົບກວດຄົ້ນຫາຄວາມສ່ຽງໃນການລັກຂໍ້ມູນບັດ; ພ້ອມນັ້ນກໍ່ສໍາເລັດ ການຄົ້ນຄວ້າແຜນຍຸດທະສາດ ໄລຍະຍາວຂອງ ທຄຕລ ແຕ່ປີ 2016-2020 ຊຶ່ງໄດ້ຮັບຮອງຈາກກອງປະຊຸມສະພາບໍລິຫານ ແລະກອງປະຊຸມຜູ້ຖືຮຸ້ນ ທຄຕລ ຢ່າງເປັນທາງການ; ສໍາເລັດໂຄງການເກັບເງິນເສຍຄ່າທາງລົດ ແລະສໍາເລັດໂດຍພື້ນຖານໂຄງການຊໍາລະຄ່າບໍລິໂພກຜ່ານ One pay (Scan QR Code).

     ຈາກນັ້ນ, ສະຫາຍ ສົມພອນ ຮຸ່ງຍະຈິດ ໄດ້ສະເໜີວຽກງານກອງທຶນ ແລະວຽກງານຂະບວນການ ຊຶ່ງມາຮອດທ້າຍປີ 2017 ມີເງິນຄັງ 276,75 ລ້ານກີບ ເພີ່ມຂຶ້ນຈາກປີ 2015 ຈໍານວນ 210,35 ລ້ານກີບ ແລະຄັງຊ່ວຍ ເຫຼືອສັງຄົມ 109,01 ລ້ານກີບ; ສ້າງກອງທຶນຊ່ວຍເຫຼືອເຊິ່ງກັນ ນັບແຕ່ປິ 2002 ມາຮອດທ້າຍປີ 2017 ມີສະມາຊິກກອງທຶນທັງໝົດ 857 ຄົນ, ມີຍອດກອງທຶນ 14,54 ຕື້ກີບສາມາດສ້າງລາຍ ຮັບຈາກການປ່ອຍກູ້ໄດ້ 783,93 ລ້ານກີບ; ນອກນີ້ ຍັງສ້າງຂະບວນການຕ່າງໆໂດຍມີການຍ່າງເພື່ອສຸຂະພາບ, ອອກແຮງງານລວມ, ແຂ່ງຂັນນັບເງິນດ້ວຍມື, ໄດ້ແຂ່ງ ຂັນກິລາລະຫວ່າງພາຍໃນ ແລະພາຍນອກ, ຈັດຕັ້ງຂະບວນການປູກຕົ້ນໄມ້, ເຂົ້າຮ່ວມຊົມຫໍພິພິຕະພັນທີ່ສໍາຄັນຂອງຊາດ, ເຂົ້າຮ່ວມບໍລິຈາກເລືອດເນື່ອງໃນວັນສໍາຄັນຕ່າງໆ, ລະດົມທຶນຊ່ວຍ ເຫຼືອໂຮງຮຽນທີ່ຫ່າງໄກ ແລະທຸກຍາກ; ພ້ອມນີ້ ກໍໄດ້ປະຕິບັດນະໂຍບາຍຕໍ່ພະນັກງານຢ່າງເປັນປົກກະຕິ ຊຶ່ງໃນແຕ່ລະປີສະມາຊິກກຳມະບານທີ່ຈັດໃນປະເພດ I ກວມ ຫຼາຍກວ່າ 90%.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            
ໄປເທິງສຸດ