ພາກກາງ ແລະພາກໃຕ້ ຖອດຖອນບົດຮຽນຕິດຕາມໂຄງການຫັນເປັນທັນສະໄໝ

     ກອງປະຊຸມຖອດຖອນບົດຮຽນການຕິດຕາມໂຄງການຫັນເປັນທັນສະໄໝຂອງຂະແໜງແຜນການການລົງທຶນໃຫ້ແກ່ພະນັກງານວິຊາການຂອງພະແນກແຜນການ ແລະການລົງທຶນຂອງແຂວງພາກກາງ ແລະພາກໃຕ້ໄດ້ຈັດຂຶ້ນໃນວັນທີ 22 ກຸມພາຜ່ານມານີ້ທີ່ຫ້ອງປະຊຸມພະແນກແຜນການ  ແລະການລົງທຶນ ແຂວງອັດຕະປື

ໂດຍການເປັນປະທານກ່າວເປີດຂອງທ່ານ ສຸລິຈັນ ພອນແກ້ວ ຫົວໜ້າພະແນກແຜນການ ແລະການລົງທຶນແຂວງອັດຕະປື, ມີຜູ້ຕາງໜ້າຈາກກະຊວງແຜນການ ແລະການລົງທຶນ, ກະຊວງພາຍໃນພ້ອມດ້ວຍພະນັກງານວິຊາ ການຂອງພະແນກແຜນການ ແລະ ການລົງທຶນຈາກແຂວງພາກກາງ ແລະພາກໃຕ້ເຂົ້າຮ່ວມ.

     ໃນໂອກາດກ່າວໄຂກອງປະຊຸມ ທ່ານ ສຸລິຈັນ ພອນແກ້ວ ໄດ້ກ່າວວ່າ: ກອງປະຊຸມຖອດຖອນບົດຮຽນການຕິດຕາມໂຄງການຫັນເປັນ ທັນສະໄໝຂອງຂະແໜງແຜນການ ການລົງທຶນໃຫ້ແກ່ພະນັກງານວິຊາ ການຂອງພະແນກແຜນການ ແລະການລົງທຶນຂອງແຂວງພາກກາງ ແລະພາກໃຕ້ຈັດຂຶ້ນບົນພື້ນຖານ ການປະຕິບັດຕາມມະຕິກອງປະຊຸມ ໃຫຍ່ຄັ້ງທີ 10 ຂອງພັກປະເທດ ລາວເຮົາພວມຫັນການຄຸ້ມຄອງລັດ ດ້ວຍກົດໝາຍ ແລະຫັນໄປສູ່ການ ເຊື່ອມໂຍງກັບພາກພື້ນ ແລະສາກົນ ດັ່ງນັ້ນຈຶ່ງຕ້ອງໄດ້ເພີ່ມທະວີ ແລະເອົາໃຈໃສ່ໃນການຫັນເປັນທັນສະ ໄໝເພື່ອໃຫ້ທ່ວງທັນກັບສາກົນມີ ຄວາມສະດວກວ່ອງໄວທັນການ ແລະມີຄວາມເປັນເອກະພາບຖືກຕ້ອງສອດຄ່ອງກັບລະບຽບການກ້າວໄປເຖິງການຍົກສູງການປະຕິບັດ ວຽກງານໃຫ້ມີປະສິດທິຜົນສູງ.

     ກອງປະຊຸມບັນດາຜູ້ເຂົ້າຮ່ວມໄດ້ຮຽນຮູ້ບົດຮຽນກ່ຽວກັບການຫັນເປັນທັນສະໄໝການຄຸ້ມຄອງ ແລະຮ່າງເອກະສານທາງລັດຖະການ ແລະບາງບົດຮຽນຕົວຢ່າງຂອງການສ້າງນິຕິກໍາຮອງຮັບວຽກງານຄຸ້ມຄອງ ແລະຈໍລະຈອນເອກະສານ ແລະຕົວຢ່າງການນໍາໃຊ້ເຄື່ອງມືທັນສະໄໝເຂົ້າໃນການຄຸ້ມຄອງເອກະສານ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ມິຖຸນາ 2018 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
ໄປເທິງສຸດ