ທພລ ສາຂາຊຽງຂວາງ ສະໜອງສິນເຊື່ອເຂົ້າໃນ SME 26%

     ໜ່ວຍພັກທະນາຄານພັດທະນາລາວ (ທພລ) ສາຂາຊຽງຂວາງ ເປັນໜ່ວຍພັກໜຶ່ງທີ່ຂຶ້ນ ໂດຍກົງຕໍ່ຄະນະປະຈໍາພັກແຂວງຊຽງຂວາງ ຊຶ່ງໄດ້ດໍາເນີນພາລະ ບົດບາດໜ້າທີ່ໃນການສະໜອງທຶນໃຫ້ປະຊາຊົນບັນດາເຜົ່າ,

ພະນັກງານ, ທະຫານ, ຕໍາຫຼວດ, ນັກທຸລະກິດ, ຜູ້ປະກອບການ ແລະ ຊາວຄ້າຂາຍພາຍໃນແຂວງຊຽງ ຂວາງ ເພື່ອປະກອບເຂົ້າໃນການ ດໍາເນີນທຸລະກິດ, ການຜະລິດ, ສ້າງເສດຖະກິດຄອບຄົວ ແລະ ອື່ນໆ ໂດຍສະເພາະໄດ້ສະໜອງ ສິນເຊື່ອເຂົ້າໃນການຄ້າ-ບໍລິການ ເປັນຕົ້ນໃນພາກທຸລະກິດຂະໜາດ ນ້ອຍ-ຂະໜາດກາງ (SME) ແລະຖືເອົາການພັດທະນາກໍ່ສ້າງພື້ນຖານໂຄງລ່າງເປັນບຸລິມະສິດໃນການສະໜອງທຶນໂຄງການທີ່ ຕິດພັນງົບປະມານຂອງລັດ.

     ສະຫາຍ ດວງສີ ສິງດວງແກ້ວ ເລຂາໜ່ວຍພັກ-ຫົວໜ້າ ທພລ ສາຂາຊຽງຂວາງ ໃຫ້ຮູ້ວ່າ: ໜ່ວຍ ທພລ ສາຂາຊຽງຂວາງ ໃນປະຈຸບັນມີສະມາຊິກທັງໝົດ 21 ສະຫາຍ, ຍິງ 11 ສະຫາຍ, ສະມາຊິກພັກສຳຮອງ 3 ສະຫາຍ, ຍິງ 1 ສະຫາຍ, ພະນັກງານ-ລັດຖະກອນ 61 ສະຫາຍ, ຍິງ 28 ສະຫາຍ; ໃນຕະຫຼອດປີ 2017 ຜ່ານມາຄະນະໜ່ວຍພັກ ທພລ ສາຂາຊຽງຂວາງໄດ້ເອົາໃຈໃສ່ສຶກສາອົບຮົມນຳພາການເມືອງ-ແນວ ຄິດໃຫ້ພະນັກງານ-ສະມາຊິກພັກ ຢ່າງເປັນລະບົບຕໍ່ເນື່ອງໂດຍຕິດ ພັນກັບການດຳເນີນຊີວິດການເມືອງ, ສຳຫຼວດກວດກາດ້ານຕ່າງໆຂອງພະນັກງານເຮັດໃຫ້ພະນັກງານ-ສະມາຊິກພັກມີແນວຄິດອຸ່ນອ່ຽນ, ທຸ່ນທ່ຽງ, ມີຄວາມສາມັກຄີ ແລະບຸກບືນເຄື່ອນໄຫວວຽກງານຕາມການມອບໝາຍ; ພ້ອມນັ້ນ ຍັງເປັນເຈົ້າການປົກປັກຮັກ ສາວັດຖຸສິ່ງຂອງໃຫ້ມີຄວາມປອດໄພ, ຕິດຕາມສະພາບການພົວພັນເຂົ້າ-ອອກສຳນັກງານຫ້ອງການ ແລະຮ່ວມປ້ອງກັນເວນຍາມຕະ ຫຼອດ 24 ຊົ່ວໂມງສາມາດເຮັດ ໃຫ້ຂອບເຂດສໍານັກງານມີຄວາມປອດໄພ 100%.

     ໂດຍຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຂອງອົົງຄະນະ ພັກແຂວງຊຽງຂວາງ ກໍຄືທິດທາງແຜນການຂອງຄະນະອໍານວຍການ ທພລ ສໍານັກງານໃຫຍ່ວາງອອກ, ສະຫາຍເລຂາໜ່ວຍພັກ ໄດ້ຢືນຢັນວ່າ: ຄະນະໜ່ວຍພັກ ທພລ ສາຂາຊຽງຂວາງ ໄດ້ນຳພາ ໃນການຮັບປະກັນໃຫ້ມີແຫຼ່ງທຶນ ພຽງພໍໃນການດຳເນີນທຸລະກິດ ຊຶ່ງເອົາໃຈໃສ່ລະດົມເງິນຝາກໃນ ຫຼາຍຮູບການມາຮອດທ້າຍປີ 2017 ລະດົມເງິນຝາກໄດ້ 491 ຕື້ກວ່າກີບ, ຂະນະດຽວກັນກໍເອົາໃຈໃສ່ໃນການຊີ້ນໍາ-ບັນຊາໃນການນຳໃຊ້ແຫຼ່ງທຶນໂດຍສະເພາະ ໄດ້ສະໜອງແຫຼ່ງທຶນຊຸກຍູ້ສົ່ງເສີມການຜະລິດ ແລະບໍລິການຕາມ ແຜນພັດທະນາເສດຖະກິດ-ສັງຄົມຂອງແຂວງ; ໃນການປ່ອຍສິນ ເຊື່ອກໍໄດ້ເອົາໃຈໃສ່ຍົກສູງຄຸນນະພາບດ້ວຍການຄົ້ນຄວ້າວິເຄາະ, ວິໃຈແຕ່ລະໂຄງການລະອຽດ, ຕິດຕາມກວດກາການນຳໃຊ້ສິນເຊື່ອ ໃຫ້ຖືກຕ້ອງຕາມເປົ້າໝາຍເຊິ່ງ ປະຈຸບັນໄດ້ປ່ອຍສິນເຊື່ອທັງໝົດ 232 ຕື້ກວ່າກີບ; ໃນນີ້ ສະໜອງທຶນເຂົ້າໃນການຄ້າ-ບໍລິການເປັນ ຕົ້ນທຸລະກິດພາກ SME  ແລະຖືເອົາການພັດທະນາກໍ່ສ້າງພື້ນຖານໂຄງລ່າງເປັນບຸລິມະສິດໃນ ການສະໜອງທຶນໂຄງການທີ່ຕິດພັນງົບປະມານຂອງລັດ, ເວົ້າສະເພາະຢູ່ພາຍໃນແຂວງ ທພລ ສາຂາຊຽງຂວາງ ແມ່ນໄດ້ເບີກຈ່າຍເງິນງົບປະມານໃຫ້ບັນດາພະແນກ, ຫ້ອງການບັນດາເມືອງຕ່າງໆເດືອນໜຶ່ງປະມານ 8,5 ຕື້ກີບ.

     ພ້ອມນີ້ ກໍໄດ້ສະໜອງເງິນກູ້ ໃຫ້ຂະແໜງການຕ່າງໆຕໍ່ຍອດສິນເຊື່ອທັງໝົດໃນນີ້ມີຂະແໜງການ ຂົນສົ່ງ-ໄປສະນີສະເລ່ຍ 4,9%;  ຂະແໜງອຸດສາຫະກຳສະເລ່ຍ 2,4%; ຂະແໜງກະສິກຳ-ປ່າໄມ້ສະເລ່ຍ 5,6%; ຂະແໜງບໍລິ ການສະເລ່ຍ 8,3%; ພິເສດໄດ້ສະໜອງເງິນກູ້ໃຫ້ຂະແໜງການຄ້າສົ່ງເສີມທຸລະກິດພາກ SME  ສະເລ່ຍ 26%; ສະໜອງເງິນກູ້ໃຫ້ ບໍລິສັດທີ່ດຳເນີນກິດຈະການຮັບ ເໝົາກໍ່ສ້າງທີ່ຕິດພັນກັບງົບປະ ມານສະເລ່ຍ 53,1% ຕໍ່ຍອດສິນ ເຊື່ອທັງໝົດ.

     ໃນດ້ານການບໍລິການ ແລະຫັນເປັນທັນສະໄໝຕິດພັນກັບການນໍາໃຊ້ຜະລິດຕະພັນໃໝ່, ຄະນະໜ່ວຍພັກ ທພລ ສາຂາຊຽງຂວາງ ຍັງນຳພາວຽກງານບັນຊີບໍລິການປະຕິບັດຫຼັກການບັນຊີໃຫ້ເຂັ້ມ ງວດບັນທຶກບັນຊີຖືກຕ້ອງຊັດເຈນ, ປະຕິບັດລະບົບລາຍງານໃຫ້ ທັນເວລາ, ປັບປຸງການບໍລິການ ໃຫ້ວ່ອງໄວ, ໂປ່ງໃສ, ລູກຄ້າມີ ຄວາມເຊື່ອຖືທະນາຄານຫຼາຍຂຶ້ນ; ປະຈຸບັນມີຕູ້ ATM ບໍລິການລູກຄ້າຢູ່ເມືອງຕ່າງໆ 10 ໜ່ວຍ, ມີຜູ້ ໃຊ້ບັດ ATM ທັງໝົດ12.525 ບັດ ແລະຍັງມີຜະລິດຕະພັນຕ່າງໆ ເຊັ່ນ: ເຄື່ອງຮູດບັດ EDC, ໂມ ບາຍແບງຄີງ, ຊຳລະຄ່າໄຟຟ້າ ຜ່ານປ່ອງບໍລິການຜ່ານໂທລະສັບ ມືຖື ແລະຕູ້ເອທີເອັມ; ຊຳລະຄ່າ ນໍ້າປະປາຜ່ານປ່ອງບໍລິການໂທ ລະສັບມືຖື ແລະຕູ້ເອທີເອັມ; ຊຳລະຄ່າໂທລາຍເດືອນ, ຊື້ບັດເຕີມເງິນ ໂທລະສັບຜ່ານໂທລະສັບມືຖື ແລະຕູ້ເອທີເອັມ;ຊຳລະພາສີ-ອາກອນ, ປະກັນໄພລ້ານຊ້າງມະຫາຊົນ; ວຽກງານເງິນສົດເພື່ອສະໜອງເງິນສົດໃຫ້ພຽງຕາມຄວາມຮຽກຮ້ອງຕ້ອງການຂອງສັງຄົມເປັນຕົ້ນລູກຄ້າເງິນຝາກ ແລະເງິນງົບ ປະມານເງິນເດືອນແມ່ນໄດ້ຕອບ ສະໜອງຕາມຄວາມຕ້ອງການ ແລະທັນເວລາ ໃນປີຜ່ານມາໂດຍສະເພາະໃນປີ 2017 ເຫັນວ່າການດຳເນີນທຸລະກິດໄດ້ຮັບຜົນດີ ສາມາດປະຕິບັດໄດ້ 1.129% ທຽບໃສ່ແຜນການປີ ແລະໄດ້ມີກຳໄລຢ່າງຕໍ່ເນື່ອງ.

     ສະຫາຍເລຂາໜ່ວຍພັກຍັງຢືນຢັນຕື່ມວ່າ: ທິດທາງແຜນການ ສູ້ຊົນປີ 2018 ຍັງສືບຕໍ່ສືກສາອົບຮົມແນວຄິດການເມືອງໃຫ້ສະມາຊິກພັກ ແລະພະນັກງານຢ່າງຕໍ່ເນື່ອງທາງກ້ວາງ ແລະທາງເລິກແນໃສ່ໃຫ້ທຸກຄົນກຳແໜ້ນ ແລະເຊື່ອມຊຶມແນວທາງແຜນນະໂຍບາຍຂອງພັກສາມາດຜັນຂະຫຍາຍເຂົ້າໃນວຽກງານຂອງຕົນ ເປັນຢ່າງດີ; ສືບຕໍ່ປຸກລະດົມເງິນ ຝາກທຸກປະເພດທັງສະກຸນເງິນກີບ ແລະເງິນຕາຕ່າງປະເທດຢ່າງ ແຂງແຮງ ແລະເປັນຂະບວນໂດຍໃຊ້ຮູບການໂຄສະນາ ແລະລົງໄປຫາລູກຄ້າຕົວຈິງ, ຄາດໝາຍສູ້ຊົນ ໃຫ້ໄດ້ປະມານ 481 ຕື້ກວ່າກີບ; ສືບຕໍ່ປ່ອຍເງິນກູ້ດ້ວຍຄວາມຮັບ ຜິດຊອບສູງ ແລະໄປຕາມແຜນພັດທະນາເສດຖະກິດ-ສັງຄົມຂອງ ທ້ອງຖິ່ນ, ສິນເຊື່ອຕ້ອງຕິດພັນກັບການຜະລິດ ແລະການບໍລິການ, ການວິເຄາະຕ້ອງລະອຽດຖີ່ຖ້ວນ ກັນຄວາມສ່ຽງໃຫ້ໄດ້, ປ່ອຍໄປ ແລ້ວຕ້ອງຕິດຕາມກວດກາຢ່າງ ເປັນປົກກະຕິ, ຖ້າເຫັນວ່ານຳໃຊ້ ເງິນກູ້ບໍ່ຖືກຕ້ອງກັບເປົ້າໝາຍ ຕ້ອງໄດ້ແກ້ໄຂຢ່າງທັນການ (ຄາດໝາຍສູ້ຊົນ 315 ຕື້ກວ່າກີບ); ພ້ອມນັ້ນ ກໍຊອກຫາລູກຄ້າໃໝ່, ໂດຍໃຊ້ວິທີລົງຫາລູກຄ້າ ແລະປະ ຊາຊົນໂດຍກົງ, ຕີຖອຍສິນເຊື່ອ ນອກລະບົບ, ໃຫ້ເຂົາເຈົ້າຫັນມານໍາ ໃຊ້ສິນເຊື່ອໃນລະບົບທະນາຄານໃຫ້ຫຼາຍຂຶ້ນ, ສະກັດກັນບໍ່ໃຫ້ເກີດ NPL ຈາກການປ່ອຍເງິນກູ້ໃໝ່; ສືບຕໍ່ບໍລິການລູກຄ້າໃຫ້ມີຄວາມວ່ອງໄວຮັບປະກັນຄວາມຖືກຕ້ອງ, ຊັດເຈນ, ໂປ່ງໃສໃຫ້ລູກຄ້າຍອມຮັບເພີ່ມຂຶ້ນກວ່າເກົ່າ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2018 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
ໄປເທິງສຸດ