ຜົ້ງສາລີ ຍາດເອົາທຶນຊ່ວຍເຫຼືອເພື່ອການພັດທະນາ 40 ກວ່າໂຄງການ

     ຜົ້ງສາລີ ນັບວ່າເປັນອີກ ແຂວງໜຶ່ງທີ່ມີການຍາດແຍ່ງທຶນຈາກແຫຼ່ງທຶນຕ່າງໆດ້ວຍການນຳໃຊ້ທ່າແຮງບົ່ມຊ້ອນທີ່ມີຢູ່ພາຍໃນແຂວງ

ຊຶ່ງເປັນການປະກອບສ່ວນສຳຄັັນໃນການພັດທະນາເສດຖະກິດສັງຄົມ ແລະສົ່ງຜົນໃຫ້ຊີວິດການເປັນຢູ່ຂອງປະຊາຊົນຫຼຸດພົ້ນຈາກຄວາມທຸກຍາກເທື່ອລະກ້າວ,  ໂດຍໃນໜຶ່ງ ປີຜ່ານມາສາມາດຍາດການຊ່ວຍເຫຼືອທາງການເພື່ອການພັດທະນາ ໄດ້ທັງໝົດ 42 ໂຄງການ ມູນຄ່າ 67,78 ຕື້ກີບ.

     ຕາມຂໍ້ມູນຂອງພະແນກແຜນການ ແລະການລົງທຶນແຂວງຜົ້ງສາລີ ໃຫ້ຮູ້ວ່າ: ໃນປີ 2017 ຜ່ານມາ ແຂວງຜົ້ງສາລີ ໄດ້ອໍານວຍຄວາມສະດວກຊຸກຍູ້ສົ່ງເສີມໂຄງການຊ່ວຍເຫຼືອລ້າ ແລະກູ້ຢືມ ຊຶ່ງສາມາດປະ ຕິບັດໄດ້ທັງໝົດ 42 ໂຄງການ ມູນຄ່າ 67,78 ຕື້ກີບ ໃນນັ້ນທຶນພາຍ ໃນມີ 14  ໂຄງການ, ມູນຄ່າ 19,44 ຕື້ກີບ ແລະທຶນຕ່າງປະເທດ 28 ໂຄງການ ມຸນຄ່າ 48,33 ຕື້ກີບ ຊຶ່ງ ໄດ້ແຍກອອກເປັນແຕ່ລະຂະແໜງການເປັນຕົ້ນຂະແໜງກະສິກໍາ ແລະ ປ່າໄມ້ມີ 4 ໂຄງການ ມູນຄ່າ 6,52 ຕື້ກີບ (ເປັນທຶນຊ່ວຍເຫຼືອຂອງຕ່າງ ປະເທດ 100%), ຂະແໜງໂຍທາທິ ການ ແລະຂົນສົ່ງມີ 15 ໂຄງການ ມູນຄ່າ 27,79 ຕື້ກີບ (ເປັນທຶນ ພາຍໃນ 14,09  ຕື້ກີບ  ແລະທຶນ ຕ່າງປະເທດ 13,70 ຕື້ກີບ), ຂະ ແໜງສຶກສາທິການ ແລະກີລາມີ 10 ໂຄງການ ມູນຄ່າ 25,39 ຕື້ ກີບ ເປັນທຶນຕ່າງປະເທດ 21,82 ຕື້ ກີບ, ສ່ວນຂະແໜງສາທາລະນະສຸກ 13 ໂຄງການ ມູນຄ່າ 8,07 ຕື້ກີບ, ທຶນພາຍໃນມີ 1,78 ຕື້ກີບ ແລະທຶນ ຕ່າງປະເທດ 6,29 ຕື້ກີບ.

     ຄຽງຄູ່ກັນນັ້ນ ກໍສາມາດດຶງເອົາ ການລົງທຶນຂອງພາກເອກະຊົນ ພາຍໃນ ແລະຕ່າງປະເທດໂດຍໃນ 1 ປີ ຜ່ານມາ, ອົງການປົກຄອງຂັ້ນແຂວງ  ແລະເມືອງໄດ້ສົມທົບກັບ ພາກສ່ວນກ່ຽວຂ້ອງຄົ້ນຄວ້າ, ປຶກສາຫາລື ແລະສະເໜີຂໍອະນຸຍາດ ການລົງທຶນໄດ້ຈໍານວນ 4 ໂຄງການ, ລວມມູນຄ່າ 30,19 ລ້ານ ໂດລາ ໃນນັ້ນການລົງທຶນພາຍໃນມີ 3 ໂຄງການ ມູນຄ່າ 30 ລ້ານໂດລາ ມາຮອດປະຈຸບັນທົ່ວແຂວງ ຜົ້ງສາລີ ມີໂຄງການລົງທຶນພາກເອ ກະຊົນພາຍໃນ  ແລະຕ່າງປະເທດ ທັງໝົດ 98 ໂຄງການ ມູນຄ່າ 313,89 ລ້ານໂດລາ ປະກອບມີ ການລົງທຶນເອກະຊົນພາຍໃນ 37 ໂຄງການ ມູນຄ່າ 86,24 ລ້ານ ໂດລາ ກວມ 27,47% ແລະການລົງທຶນຕ່າງປະເທດມີ 61 ໂຄງການ ມູນຄ່າ 227,65 ລ້ານໂດລາ ກວມ 72,53%, ສູນກາງອະນຸມັດ 18  ໂຄງການ  ມູນຄ່າ  210,37 ລ້ານໂດລາ, ແຂວງອະນຸມັດ  80 ໂຄງການ ມີມູນຄ່າ 103,52 ລ້ານໂດລາ. 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2018 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      
ໄປເທິງສຸດ