ພາຍໃຕ້ການນຳພາຂອງພັກທະນາຄານຢູ່ອຸດົມໄຊເຕີບໃຫຍ່ຂະຫຍາຍຕົວ

     ໃນຕະຫຼອດໄລຍະຫຼາຍປີທີ່ຜ່ານມາ ພາຍໃຕ້ການຊີ້ນໍາໆພາອັນສະຫຼາດສ່ອງໃສ ແລະປີຊາສາມາດ ຂອງພັກປະຊາຊົນປະຕິວັດລາວ ເຮັດໃຫ້ວຽກງານຂະແໜງທະນາຄານໄດ້ຮັບການພັດທະນາຢ່າງບໍ່ຢຸດຢັ້ງ ແລະເຕີບໃຫຍ່ຂະຫຍາຍຕົວເວົ້າສະເພາະຢູ່ພາຍໃນແຂວງອຸດົມໄຊ.

 

     ທ່ານ ບຸນໄທ ສຸພັດທອນ ຫົວໜ້າທະນາຄານແຫ່ງ ສປປ ລາວ ສາຂາພາກເໜືອທີ່ແຂວງອຸດົມໄຊກ່າວວ່າ: ວຽກງານໃນຂົງເຂດຂະແໜງການທະນາຄານແມ່ນວຽກງານໜຶ່ງ ທີ່ສຳຄັນໃນການປະກອບສ່ວນເຮັດໃຫ້ເສດຖະກິດ-ສັງຄົມຂະຫຍາຍຕົວຢ່າງເປັນລະບົບ ແລະຕໍ່ເນື່ອງດັ່ງນັ້ນທາງຄະນະພັກ, ຄະນະນຳຂັ້ນສູນກາງຈົນຮອດທ້ອງຖິ່ນຈຶ່ງໄດ້ເອົາໃຈໃສ່ຊຸກຍູ້ ແລະສົ່ງເສີມເຮັດໃຫ້ວຽກງານດັ່ງກ່າວໄດ້ຮັບການພັດທະນາ ແລະຂະຫຍາຍຕົວຢ່າງບໍ່ຢຸດຢັ້ງໂດຍ ພາຍໃຕ້ແນວທາງຂອງພັກລະບຽບ ກົດຫມາຍຂອງລັດ ຊຶ່ງມັນສະແດງອອກຄື: ປະຈຸບັນວຽກງານດ້ານທະນາຄານ ແລະສະຖາບັນການເງິນໄດ້ມີການຫັນປ່ຽນຢ່າງຈະແຈ້ງ,ມີຫຼາຍສາຂາທະນາຄານ ເກີດຂຶ້ນຢູ່ແຂວງອຸດົມໄຊນັບທັງ ທະນາຄານຂອງລັດ, ເອກະຊົນ ແລະຕ່າງປະເທດ ພ້ອມດຽວກັນນັ້ນ ຍັງປະກອບມີທັງເງິນຝາກ ແລະເງິນກູ້, ການບໍລິການລ້ວນແລ້ວແຕ່ໄດ້ຮັບການພັດທະນາດີ, ມີຜະລິດຕະພັນທີ່ຫຼາກຫຼາຍເພື່ອບໍລິການໃຫ້ແກ່ລູກຄ້ານັບທັງອຸປະກອນການຮັບໃຊ້ຕ່າງໆຈົນສາມາດເຊື່ອມໂຍງ ກັບພາກພື້ນ ແລະສາກົນໄດ້ເປັນຢ່າງດີ.

     ທ່ານ ບຸນໄທ ສຸພັດທອນ ກ່າວຕື່ມອີກວ່າ: ນອກຈາກການຂະຫຍາຍຕົວຂອງບັນດາຂະແໜງການທະນາຄານແລ້ວອີກບັນຫາໜຶ່ງກ່ຽວກັບການຄຸ້ມຄອງທະນາ ຄານທຸລະກິດ, ສະຖານບັນການເງິນຈຸລະພາກ, ການຄຸ້ມຄອງເງິນຕາຕ່າງປະເທດ ແລະການສົ່ງເສີມການນໍາໃຊ້ເງິນກີບແມ່ນເຫັນວ່າມີທ່າອ່ຽງນັບມື້ນັບດີຂຶ້ນເຊັ່ນດຽວກັນ.

     ທັງໝົດນັ້ນ ລ້ວນແລ້ວແຕ່ແມ່ນພາຍໃຕ້ການຊີ້ນໍາໆພາຂອງພັກປະຊາຊົນປະຕິວັດລາວໃນໄລຍະຫຼາຍປີຜ່ານມາ ຊຶ່ງໄດ້ນຳເອົາຜົນງານ ອັນຍິ່ງໃຫຍ່ກວ່າເກົ່າມາສູ່ຂົງເຂດວຽກງານທະນາຄານ ນັບແຕ່ປີ 2013 ເປັນຕົ້ນມາຈົນຮອດປະຈຸບັນທະນາຄານທຸລະກິດມີເງິນຝາກ ເພີ່ມຂຶ້ນບໍ່ຫຼຸດ 14%, ເງິນກູ້ເພີ່ມຂຶ້ນບໍ່ຫຼຸດ 6% ຕໍ່ປີ ແລະຫຼາຍສາຂາກໍໄດ້ຮັບຜົນກຳໄລລື່ນແຜນການ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            
ໄປເທິງສຸດ