ເສດຖະກິດເມືອງດາກຈຶງ ມີຈັ່ງຫວະການຂະຫຍາຍຕົວດີຂຶ້ນ

     ໄລຍະ 3 ປີຜ່ານມາ ເສດຖະກິດເມືອງດາກຈຶງແຂວງເຊກອງ ໄດ້ມີການຂະຫຍາຍຕົວຢ່າງຕໍ່ເນື່ອງ ແລະມີຈັ່ງຫວະໝັ້ນທ່ຽງ ໂດຍລວມຍອດຜະລິດຕະພັນພາຍໃຫ້ບັນລຸໄດ້ 300 ຕື້ກວ່າກີບ ເພີ່ມຂຶ້ນສະເລ່ຍ 16,38% ຕໍ່ປີທຽບໃສ່ແຜນ  5 ປີ ຂອງເມືອງເທົ່າກັບ 85% ລາຍຮັບສະເລ່ຍໃສ່ປະຊາຊົນໄດ້ 12 ລ້ານກວ່າກີບ.

 

     ຕາມການລາຍງານຂອງທ່ານ ໄລສວນ ມິດສຸວັນ ເຈົ້າເມືອງໆ ດາກຈຶງໃຫ້ຮູ້ເມື່ອບໍ່ດົນນີ້ວ່າ: ການພັດທະນາເສດຖະກິດ-ສັງຄົມຢູ່ພາຍໃນເມືອງດາກຈຶງມາຮອດປະຈຸບັນ ແມ່ນມີການພັດທະນາຂຶ້ນຢ່າງຕໍ່ ເນື່ອງ ໂດຍລວມຍອດຜະລິດຕະ ພັນພາຍໃນ ຫຼື GDP ບັນລຸໄດ້ 309,06  ຕື້ກີບ, ສະເລ່ຍໃສ່ຫົວ ຄົນໜຶ່ງໄດ້  12 ລ້ານກວ່າກີບ ຫຼື ເທົ່າກັບ 1.623 ໂດລາຕໍ່ຄົນຕໍ່ປີ, ທຽບໃສ່ປີ 2014 ເພີ່ມຂຶ້ນ 478 ໂດລາ, ທຽບໃສ່ແຜນການ 5 ປີ ເທົ່າກັບ 85% ຊຶ່ງລາຍຮັບສ່ວນຫຼາຍໄດ້ຈາກການຜະລິດກະສິກຳ, ການບໍລິການ ແລະອຸດສາຫະກຳ.

     ການລົງທຶນພັດທະນາພື້ນຖານໂຄງລ່າງໃນໄລຍະ 3 ປີຄື: 2014-2017 ຜ່ານມາ ເມືອງດາກຈຶງ ມີທັງໝົດ 203 ໂຄງການ, ລວມມູນຄ່າ 240,96 ຕື້ກີບ ທຽບໃສ່ ແຜນ 5 ປີຂອງເມືອງບັນລຸໄດ້ 99% ໃນນີ້ໂຄງການລົງທຶນຂອງ ລັດທີ່ສະພາອະນຸມັດຢູ່ເມືອງ 46 ໂຄງການ ກວມເອົາ 34,22%; ທຶນຊ່ວຍເຫຼືອເພື່ອການພັດທະນາ 136  ໂຄງການກວມເອົາ 49,08% ໂຄງການລົງທຶນເອກະຊົນພາຍໃນ ແລະຕ່າງປະເທດ 13 ໂຄງການ ກວມເອົາ 14,29% ແລະທຶນປະກອບສ່ວນຂອງປະຊາຊົນ 1 ໂຄງ ການກວມເອົາ 0,06% ສ່ວນ ໃຫຍ່ແມ່ນສຸມໃສ່ພັດທະນາພື້ນຖານ ໂຄງລ່າງເປັນຕົ້ນເສັ້ນທາງ, ໄຟຟ້າ, ກໍ່ສ້າງໂຮງຮຽນ, ສຸກສາລາ... ເພື່ອປູພື້ນຖານແກ່ການພັດທະນາເສດຖະກິດ ແລະແກ້ໄຂຄວາມທຸກຍາກ ຂອງປະຊາຊົນ.

     ຂະນະທີ່ວຽກງານກໍສ້າງຮາກຖານການເມືອງ, ພັດທະນາຊົນນະບົດ ແລະລົບລ້າງຄວາມທຸກຍາກ ຕິດພັນກັບວຽກງານ 3 ສ້າງເມືອງ ໄດ້ເອົາໃຈໃສ່ຈັດຕັ້ງປະຕິບັດຢ່າງຈິງຈັງ ແລະຕໍ່ເນື່ອງ, ເຮັດໃຫ້ປະຊາຊົນມີຊີວິດການເປັນຢູ່ທີ່ດີຂຶ້ນ ໂດຍປະຈຸບັນທົ່ວເມືອງຍັງເຫຼືອຄອບ ຄົວທຸກຍາກ 15,42%.

     ສຳລັບທິດທາງແຜນການໃນ 2 ປີຕໍ່ໜ້າ 2018-2019 ທ່ານເຈົ້າ ເມືອງໆດາກຈຶງກ່າວວ່າ: ເມືອງຈະສຸມໃສ່ປະຕິບັດ 5 ວຽກຄື: 1) ຊຸກຍູ້ສົ່ງເສີມປະຊາຊົນປູກພືດທີ່ເປັນທ່າແຮງເພື່ອເປັນສິນຄ້າສົ່ງອອກ. 2), ຫັນລົງກໍສ້າງຮາກຖານການເມືອງ, ພັດທະນາຊົນນະບົດ ແລະແກ້ໄຂຄວາມທຸກຍາກ ໂດຍຖືເອົາ ການສ້າງບ້ານກຸ່ມບ້ານພັດທະນາຕາມ 4 ເນື້ອໃນ 4 ຄາດໝາຍ, ຈັດສັນທີ່ຢູ່ອາໄສ ແລະອາຊີບທີ່ໝັ້ນ ຄົງໃຫ້ປະຊາຊົນ. 3) ຍາດແຍ່ງ ການລົງທຶນເຂົ້າໃນການພັດທະນາພື້ນຖານໂຄງລ່າງເປັນຕົ້ນແມ່ນເສັ້ນທາງ, ສຸກສາລາ, ໂຮງຮຽນ, ໄຟຟ້າ, ນ້ຳສະອາດ, ຊົນລະປະທານ ແລະອື່ນໆທີ່ອຳນວຍຄວາມສະດວກ ແກ່ການດຳລົງຊີວິດຂອງປະຊາຊົນ, 4) ເພີ່ມທະວີການຄຸ້ມຄອງ ລັດຄຸ້ມຄອງເສດຖະກິດ-ສັງຄົມ ດ້ວຍລະບຽບກົດໝາຍ  ແລະສຸດທ້າຍສູ້ຊົນເຮັດອັດຕາການຂະຫຍາຍຕົວຂອງເສດຖະກິດ ໂດຍລວມຍອດ ຜະລິດຕະພັນພາຍໃນ ຫຼື GDP ສະເລ່ຍໃສ່ຫົວຄົນໃຫ້ບັນລຸ 15,2 ລ້ານກີບໃນປີ 2019.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            
ໄປເທິງສຸດ