ການເງິນແຂວງຄຳມ່ວນ ປັບປຸງການຈັດຕັ້ງພາຍໃນພະແນກ

     ເພື່ອໃຫ້ສອດຄ່ອງກັບຄວາມ ຮຽກຮ້ອງຕ້ອງການຂອງໜ້າທີ່ວຽກງານ ແລະຄົບຖ້ວນຕາມໂຄງປະກອບຂອງການຈັດຕັ້ງ, ທັງເພື່ອເປັນການປະຕິບັດຕາມມະຕິຕົກລົງຂອງທ່ານລັດຖະມົນຕີກະຊວງການເງິນວ່າດ້ວຍການຍົກຍ້າຍ ແລະແຕ່ງຕັ້ງພະນັກງານໃຫ້ແທດເໜາະກັບໜ້າທີ່ວຽກງານໃນໄລຍະໃໝ່,

ໃນວັນທີ 6 ເມສາ 2018 ທີ່ພະແນກການເງິນ ແຂວງໄດ້ຈັດພິທີປະກາດການຈັດຕັ້ງພາຍໃນຂົງເຂດຕົນເຂົ້າຮ່ວມມີທ່ານ ບຸນມີ ພິມມະສອນ ຮອງເຈົ້າແຂວງໆຄຳມ່ວນ, ທ່ານ ບຸນເລັ່ງ ກຸນອາວົງ ຫົວໜ້າພະແນກການເງິນແຂວງ, ຕາງໜ້າຄະນະຈັດຕັ້ງແຂວງ, ກົມຈັດຕັ້ງພະນັກງານກະຊວງການເງິນຕະຫຼອດຮອດພະແນກການກ່ຽວຂ້ອງ, ສະມາຊິກພັກ-ພະນັກງານພາຍໃນຂົງເຂດດັ່ງກ່າວເຂົ້າຮ່ວມ.

     ໃນພິທີ ທ່ານ ຫອມຮັກ ສຸນະວັນ ຮອງຫົວໜ້າພະແນກຄຸ້ມຄອງພະນັກງານກົມຈັດຕັ້ງ ແລະພະນັກງານກະຊວງການເງິນໄດ້ຂຶ້ນຜ່ານຂໍ້ຕົກລົງຂອງທ່ານລັດຖະມົນຕີກະຊວງການເງິນວ່າດ້ວຍການແຕ່ງຕັ້ງຍົກຍ້າຍ ແລະຊັບຊ້ອນພະນັກງານ ໃນຂົງເຂດການເງິນແຂວງຄຳມ່ວນ ປະກອບມີຄືດັ່ງນີ້: ຍົກຍ້າຍທ່ານ ບຸນໂຮມ ສຸວັນນະລາດ ຮອງຫົວໜ້າ ສ່ວຍສາອາກອນໄປຮັບໜ້າທີ່ໃໝ່ຢູ່ພະແນກການເງິນ, ທ່ານ ກຸງທະລາ ຈຸນລະມະນີ ຮອງຫົວໜ້າຫ້ອງກວດ ກາບັນຊີວິສາຫະກິດສ່ວຍສາອາກອນ ແລະທ່ານ ສຸກທະວົງ ທຳມະວົງ ພະນັກງານວິຊາການສ່ວຍສາອາ ກອນໄປຮັບໜ້າທີ່ໃໝ່ຢູ່ຂະແໜງກວດກາ, ທ່ານ ເກດສະໜອນ ສີຄຳໃສສັງກັດຢູ່ຂະແໜງກວດກາພະແນກ ການເງິນໄປຮັບໜ້າທີ່ໃໝ່ຢູ່ສ່ວຍສາອາກອນ, ທ່ານ ສົມຄວນ ແສນທະວີສຸກ ຫົວໜ້າໜ່ວຍງານສ່ວຍສາອາກອນປະຈຳເມືອງຄູນຄຳຍົກຍ້າຍມາ ຢູ່ສ່ວຍສາອາກອນແຂວງ, ທ່ານ ອຸໄລ ລັດຖະຈັກ ຫົວໜ້າຫ້ອງການ ກວດກາການເງິນ (ພະແນກການເງິນ) ຍົກຍ້າຍມາເປັນຮອງຫົວໜ້າສ່ວຍສາອາກອນປະຈໍາແຂວງ.

     ສຳລັບການຍົກຍ້າຍ-ແຕ່ງຕັ້ງຫົວໜ້າ, ຮອງຫົວໜ້າຂະແໜງຄັງເງິນແຫ່ງຊາດປະຈຳແຂວງ, ຫົວໜ້າຮອງຫົວໜ້າປະຈຳເມືອງທ່າແຂກມີຄື: ຂະແໜງຈັດຕັ້ງ ແລະບໍລິຫານ, ທ່ານ ພູມີໄຊ ຜູຄໍາຮົງ ຫົວໜ້າຫ້ອງການຈັດຕັ້ງບໍລິຫານ ແລະກວດກາ-ກວດການເປັນຫົວໜ້າ, ທ່ານ ວົງກົດ ວົງພູທອນ ຮອງຫົວໜ້າຫ້ອງການຈັດຕັ້ງບໍລິຫານ ແລະກວດກາ-ກວດການເປັນຮອງ, ຂະແໜງບັນຊີສັງລວມ, ທ່ານ ບຸນຄຳ ໄຊຍະແສງ ຫົວໜ້າຫ້ອງບັນຊີສັງລວມ ແລະຂໍ້ມູນຂ່າວສານເປັນຫົວໜ້າ, ທ່ານ ສິນນະລາດ ທຽມຈັນດາ ຮອງຫົວໜ້າຫ້ອງບັນຊີສັງ  ລວມ ແລະຂໍ້ມູນຂ່າວສານເປັນຮອງ, ຂະແໜງບໍລິຫານແຫຼ່ງເງິນ ແລະເງິນສົດ, ທ່ານນາງ ບໍ່ແກ້ວ ບຸນຍະສອນ ຫົວໜ້າຄັງເງິນແຫ່ງຊາດປະຈຳເມືອງທ່າແຂກເປັນຫົວໜ້າ, ທ່ານ ທັນປະເສີດ ຄິມສະໜອນ ຮອງຫົວໜ້າຫ້ອງແຜນການ ແລະບໍລິຫານແຫຼ່ງເງິນເປັນຮອງ, ຂະແໜງບໍລິຫານຄັງເງິນ, ທ່ານນາງ ຈັນທາ ກອງວິໄລ ຫົວໜ້າຫ້ອງການ ແລະບໍລິຫານແຫຼ່ງເງິນເປັນຫົວໜ້າ, ທ່ານນາງ ມາລາສີ ໂຄດອາສາ ຮອງຫົວໜ້າຫ້ອງຄັງເງິນສົດ ແລະສາງເປັນຮອງ, ຂະແໜງກວດກາລາຍຈ່າຍງົບປະມານ, ທ່ານນາງ ພອນນິມິດ ໄຊຍະວົງ ຫົວໜ້າຫ້ອງບໍລິ ການເປັນຫົວໜ້າ, ທ່ານ ວິໄລສັກ ໄຊຍະເພັດ ຮອງຫົວໜ້າຫ້ອງການ ບໍລິຫານເປັນຮອງ, ຄັງເງິນແຫ່ງຊາດປະຈຳເມືອງທ່າແຂກ, ທ່ານນາງ ຂັນທະລີ ແສງມະນີ ຫົວໜ້າຄັງເງິນສົດ ແລະສາງເປັນຫົວໜ້າ, ທ່ານນາງ ຄຳສະໄຫວ ສຸວັນນະສານ ພະນັກງານວິຊາການເປັນ ຮອງຫົວໜ້າ.

     ສ່ວນການຕົກລົງແຕ່ງຕັ້ງຫົວໜ້າ-ຮອງຫົວໜ້າຂະແໜງສ່ວຍສາ ອາກອນມີຄື: ຂະແໜງຈັດຕັ້ງ ແລະບໍລິຫານການເງິນ, ທ່ານ ແກ້ວໂອໄດ ພະໄຊສູນທອນ ຫົວໜ້າຄຸ້ມຄອງ ເກັບລາຍຮັບ ແລະແຜນການຂໍ້ມູນ ຂ່າວສານເປັນຫົວໜ້າ, ທ່ານ ນາງ ກິນນະລີ ອ່ອນນະວົງ ຮອງຫົວໜ້າຫ້ອງກວດກາບັນຊີວິສາຫະກິດ ແລະທ່ານ ຄຳເພັດ ໄຊຍະວົງ ຮອງຫົວໜ້າຫ້ອງການຄຸ້ມຄອງເກັບລາຍຮັບ ແລະແຜນການຂໍ້ມູນຂ່າວສານເປັນ ຮອງ, ຂະແໜງກວດກາພາຍໃນ, ທ່ານ ເກດສະກັນ ແສງປະດິດ ຫົວໜ້າຫ້ອງການກວດກາບັນຊີວິສາຫະກິດຂຶ້ນເປັນຫົວໜ້າ, ທ່ານ ຄຳຜິວ ແສງມະນີ ຫົວໜ້າໜ່ວຍງານສ່ວຍສາ ອາກອນປະຈຳເມືອງເຊບັ້ງໄຟ ແລະທ່ານ ພູມີ ດີດວງພັນ ຫົວໜ້າໜ່ວຍ ງານສ່ວຍສາອາກອນປະຈຳເມືອງ ທ່າແຂກເປັນຮອງ, ຂະແໜງແຜນການ, ບໍລິຫານລາຍຮັບ, ທ່ານ ວາດສະໜາ ເທບພານຸຮັກ ຮອງຫົວໜ້າ ຫ້ອງການຈັດຕັ້ງ-ບໍລິຫານ, ໃບເກັບເງິນ ແລະສິ່ງພິມເປັນຫົວ, ທ່ານ ເກດສະໜອນ ສີຄຳໃສ ແລະທ່ານ ພົງເພັດ ແສງລະດີພະນັກງານວິຊາ ການຂຶ້ນເປັນຮອງ, ຂະແໜງກວດກາຫຼັງການແຈ້ງລາຍຮັບ, ທ່ານ ຂັນທີ ໂສມຣາຊະວົງສ໌ ຮອງຫົວໜ້າຫ້ອງກວດກາສ່ວຍສາອາກອນ ຂຶ້ນເປັນຫົວໜ້າ, ທ່ານ ວັດທະນາ ພົງສະຫວັດ ຮອງຫົວໜ້າໜ່ວຍງານ ສ່ວຍສາອາກອນປະຈຳເມືອງທ່າ ແຂກ ແລະທ່ານ ກິນດາວົງ ຫັດທະລາດ ພະນັກງານວິຊາການຂຶ້ນເປັນຮອງ, ສ່ວຍສາອາກອນປະຈຳເມືອງທ່າແຂກ, ທ່ານ ທອງຄຳ ສາຍສຳພັນ ຫົວໜ້າຫ້ອງອາກອນລາຍໄດ້ ແລະຄ່າທຳນຽມເປັນຫົວໜ້າ, ທ່ານ ແກ້ວໂອສົດ ນູລິນທະວົງສ໌ ຮອງຫົວໜ້າຫ້ອງການອາກອນລາຍໄດ້ ແລະ ຄ່າທຳນຽມເປັນຮອງ, ສ່ວຍສາອາກອນເມືອງຍົມມະລາດ, ທ່ານ ພອນໄຊ ແສງອານັນ ຫົວໜ້າຫ້ອງການ ຈັດຕັ້ງບໍລິຫານ, ໃບເກັບເງິນ ແລະ ສົ່ງພິມເປັນຫົວໜ້າ, ທ່ານ ທະນົງສັກ ເພຍໄຊ ຫົວໜ້າໜ່ວຍງານ ສ່ວຍສາອາກອນປະຈຳເມືອງຍົມ ມະລາດເປັນຮອງ, ສ່ວຍສາອາກອນ ປະຈຳເມືອງຄູນຄຳ, ທ່ານ ວິລະສຸກ ແສນມັງທອງ ຮອງຫົວໜ້າໜ່ວຍງານສ່ວຍສາອາກອນປະຈຳເມືອງຄູນຄຳເປັນຫົວໜ້າ, ທ່ານ ວົງເພັດ ພິລາມະໂຄດ ພະນັກງານວິຊາການຂຶ້ນເປັນຮອງ, ສ່ວຍສາອາກອນເມືອງເຊບັ້ງໄຟ, ທ່ານ ກອງມະນີ ແກ້ວລະກຸນ ຫົວໜ້າຫ້ອງການກວດກາສ່ວຍສາອາກອນເປັນຫົວໜ້າ, ສ່ວນຕໍາແໜ່ງເດີມທີ່ມີຢູ່ ແລ້ວໃຫ້ຮັກສາໄວ້ຄືເກົ່າ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            
ໄປເທິງສຸດ