ອາເມລິກາ ຈັດສັນງົບປ້ອງກັນປະເທດ 700 ຕື້ໂດລາ

   ທ່ານ ​ໂດ​ນັລທຳ ປະທານາທິບໍດີ​ຂອງ​ອາ​ເມ​ລິ​ກາ​ເປີດ​ເຜີຍ​ລາຍ​ລະອຽດ​ງົບປະມານ​ປີ 2019 ​ເຊິ່ງມີ​ການ​ຕັດ​ຫຼຸດ​ງົບປະມານ​ໃນ​ໂຄງການ​ສະຫວັດດີ​ການ​ສັງຄົມ ​ແລະ ອື່ນໆ ​ແຕ່​ເພີ່ມ​ງົບ​ປ້ອງກັນ​ປະ​ເທດ​ເປັນ 700 ຕື້​ໂດ​ລາ​ສະຫະລັດ.

 

   ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ ​ແຜນ​ງົບປະມານ​ມູນ​ຄ່າ 4 ພັນ​ຕື້​ໂດ​ລາ​ຂອງ​ປະທານາທິບໍດີ​ໂດ​ນັລທຣຳ ຖືກ​ຍື່ນ​ຕໍ່​ຄະນະ​ກຳມາ​ທິການ​ງົບປະມານ​ສະພາ​ຜູ້​ແທນ​ຮາກ​ຖານ​ໃນ​ວັນ​ທີ 12 ກຸມພາ​ຜ່ານ​ມາ ​ເຊິ່ງຄາດ​ວ່າ ຈະ​ເປັນ​ງົບປະມານ​ຂາດ​ດຸນ​ເຖິງ 1 ພັນ​ຕື້​ໂດ​ລາ ​ແລະ ສະ​ເໜີ​ຕັດ​ງົບປະມານ​ຈຳນວນ​ຫຼາຍ​ດ້ານ ສະຫວັດດີ​ການ​ສັງຄົມ​ເຊັ່ນ, ​ເມ​ດິ​ແຄ ​ແລະ ງົບ​ດ້ານ​ຄວາມ​ຊ່ວຍ​ເຫຼືອ​ຕ່າງປະ​ເທດ ​ແລະ ການ​ທູ​ດລະຫວ່າງ​ປະ​ເທດ”, ຂະນະ​ທີ່​ກະຊວງ​ປ້ອງກັນ​ປະ​ເທດ​ຂໍ​ງົບປະມານ​ສູງ​ເຖິງ 6,86 ​ຮ້ອຍ​ຕື້​ໂດລາ​ເພີ່ມ​ຂຶ້ນ​ຈາກ 6,12  ​ຮ້ອຍ​ຕື້​ໂດ​ລາ​ຂອງ​ປີ 2018 ​ແລະ ​ເປັນ​ໜຶ່ງ​ໃນ​ແຜນ​ງົບປະມານ​ຄັ້ງ​ໃຫຍ່​ທີ່​ສຸດ​ຂອງ​ກະຊວງ​ປ້ອງ​ກັນ​ປະ​ເທດ.

   ​ຕາມ​ຂໍ້​ສະ​ເໜີ​ຂອງ​ກະຊວງ​ປ້ອງ​ກັນ​ປະ​ເທດ​ຈະ​ເພີ່ມ​ກຳລັງ​ທະຫານ​ອີກ 25.900 ຄົນ ​ແລະ ຈະ​ເພີ່ມ​ອີກ 56.600 ຄົນ​ພາຍ​ໃນ​ປີ 2023 ​ແລະ ​ເພີ່ມ​ການ​ລົງທຶນ​ດ້ານ​ເຮືອບິນ, ​ເຮືອ ​ແລະ ລະບົບ​ປ້​ອງກັນ​ລູກ​ສອນ​ໄຟ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ