ອາເມລິກາ ຈະເປັນຜູ້ຜະລິດນ້ຳມັນຂະໜາດໃຫຍ່ສຸດ

   ສຳນັກງານ​ພະລັງງານ​ສາກົນ(​ໄອ​ອີ​ເອ)ລະບຸ​ວ່າ ອາ​ເມ​ລິ​ກາ​ມີ​ທ່າ​ອຽງ​ທີ່​ຈະ​ນຳ​ໜ້າ​ຣັດ​ເຊຍ ຂຶ້ນ​ເປັນ​ປະ​ເທດ​ທີ່​ຜະລິດ​ນ້ຳມັນ​ຫຼາຍ​ທີ່​ສຸດ​ໃນ​ໂລກ​ໃນ​ປີ 2019 ​ເນື່ອງ​ຈາກ​ການ​ຜະລິດ​ນ້ຳມັນ​ຈາກ​ຊັ້ນ​ດິນ​ດາກ​ເພີ່ມ​ຂຶ້ນ.

 

   ຕາມ​ຂ່າວ ​ຕ່າງປະ​ເທດລາຍ​ງານ​ວ່າ ທ່ານ ຟາ​ຕີ ​ໄບຣໍລ ຜູ້ອຳນວຍການ​ ບໍລິຫານ ​ຂອງສຳນັກງານ ​ພະລັງງານ​ສາກົນ(​ໄອ​ອີ​ເອ) ກ່າວ​ວ່າ: ອາ​ເມ​ລິ​ກາ ມີ​ທ່າອຽງ ຈະ​ລື່ນກາຍ ​ຣັດ​ເຊຍ ຂຶ້ນ​ເປັນ​ປະ​ເທດ ​ຜະລິດ​ນ້ຳມັນ​ ຂະໜາດ​ໃຫຍ່ທ່ີ ສຸດ​ໃນ​ໂລກ​ ໃນ​ປີ 2019 ​ເນື່ອງ​ຈາກ ​ການ​ຜະລິດ​ ນໍ້າມັນ​ ຈາກ​ຊັ້ນ​ຫີນ ​ດິນ​ດານ(shale oil) ​ເພີ່ມ​ຂຶ້ນຢ່າງ​ຫລວງຫລາຍ. ປີ​ກາຍ​ນີ້ ການ​ຜະລິດ​ນ້ຳມັນ ​ບັນລຸຫລາຍກວ່າ  10 ລ້ານ​ບາ​ເຣວຕໍ່​ວັນ ​ເປັນ​ຄັ້ງ​ທຳ​ອິດ ​ນັບ​ແຕ່​ປີ 1970.

   ດ້ານ ອີ​ໄອ​ເອ ຄາດຄະວ່າ ການ​ຜະລິດ ​ນ້ຳມັນດິບ​ຂອງ ​ອາເມລິກາ ຈະ​ເພີ່ມ​ຂຶ້ນ ເຖິງ ​ລະດັບ 11 ລ້ານ​ບາ​ເຣວຕໍ່​ວັນ ໃນ​ທ້າຍ​ປີ​ນີ້.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ