ຄວາມເຊື່ອໝັ້ນຂອງນັກທຸລະກິດ ມາເລເຊຍ ຈະດີຂຶ້ນ

    ບໍລິສັດD and B ໜຶ່ງ​ໃນ​ຜູ້​ໃຫ້​ບໍລິການ​ຂໍ້​ມູນ​ທາງ​ທຸລະ​ກິດ​ຊື່​ດັງ ​ໄດ້​ເຮັດການ​ສຳ​ຫຼວດຄວາມ​ຄິດ​ເຫັນທາງ​ທຸລະ​ກິດ​ໃນ​ເລື່ອງ​ຄວາມ​ເຊື່ອ​ໝັ້ນ​ທາງ​ທຸລະ​ກິດ​ຂອງ​ມາ​ເລ​ເຊຍ​ພົບ​ວ່າ ນັກທຸລະກິດ​ສ່ວນ​ໃຫຍ່​ຂອງ​ມາ​ເລ​ເຊຍ​ມີ​ຄວາມ​ເຊື່ອ

​ໝັ້ນ​ວ່າທຸລະ​ກິດຈະ​ປັບ​ຕົວ​ດີ​ຂຶ້ນ​ໃນ​ໄຕ​ມາດ​ທີ່ 1 ຂອງ​ປີ 2018.

   ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ: ຜົນ​ການ​ສຳ​ຫຼວດຂອງD and B ພົບ​ວ່າດັດຊະນີ​ຄວາມ​ເຊື່ອ​ໝັ້ນ​ທາງ​ທຸລະ​ກິດ​ຂອງ​ມາ​ເລ​ເຊຍ​ໃນ​ໄຕ​ມາດ 1 ຂອງ​ປີ 2018 ຢູ່​ທີ່ 7,25% ​ເພີ່ມ​ຂຶ້ນ​ຈາກ​ໄຕ​ມາດ​ທີ່ 4 ຂອງ​ປີ 2017 ທີ່​ມີ​ຄວາມ​ເຊື່ອ​ໝັ້ນ​ທາງ​ທຸລະ​ກິດ​ຢູ່​ທີ່ 5,52%, ທ່ານAudrey ChiaປະທານD and B ກ່າວ​ວ່າພາກສ່ວນ​ບໍລິການ ​ແລະ ການ​ຂົນ​ສົ່ງ​ມີ​ທ່າ​ອຽງ​ດີ​ຂຶ້ນ​ເຊັ່ນ​ດຽວ​ກັບ​ຂະ​ແໜງ​ການ​ກໍ່ສ້າງ​ທີ່​ມີ​ທິດ​ທາງ​ບວກ​ໃນ​ໄຕ​ມາດ 1 ຂອງ​ປີ 2018 ​ໂດຍ​ສະ​ເພາະ​ໃນ​ກຸ່ມ​ບໍລິສັດ​ທີ່​ຈະ​ມີ​ການ​ລົງທຶນ​ເພີ່ມ​ຂຶ້ນ 18% ​ໃນ​ປີ 2018 ​ເຊິ່ງການ​ສຳ​ຫຼວດຄັ້ງ​ນີ້ ຍັງ​ພົບ​ວ່າບໍລິສັດ​ທີ່​ທຸລະ​ກິດ​ກ່ຽວ​ກັບ​ເຄື່ອງ​ຈັກ ​ແລະອຸປະກອນຈະ​ເປັນ​ກະ​ແຈ​ສຳຄັນ​ໃນ​ການ​ເຂົ້າ​ມາ​ມີ​ບົດບາດ​ການ​ລົງທຶນ​ຂອງ​ປີ 2018 ​ເຊິ່ງຄິດ​ເປັນ 40% ຕາມ​ມາ​ດ້ວຍ​ທຸລະ​ກິດ​ກ່ຽວ​ກັບ​ເຕັກ​ໂນ​ໂລ​ຊີ​ຄິດ​ເປັນ 28% ​ແລະທຸລະ​ກິດ​ກ່ຽວ​ກັບ​ການ​ຍົກ​ລະດັບ​ທັກ​ສະ​ພະນັກງານ​ຄິດ​ເປັນ 12%.

    ຄາດ​ຄະ​ເນ​ວ່າທຸລະ​ກິດ​ຂອງມາ​ເລ​ເຊຍຈະ​ເຕີບ​ໂຕ​ໃນ​ເລື່ອງ​ການ​ລົງທຶນສາມາດ​ຂະຫຍາຍ​ຕະຫຼາດ​ອອກ​ໄປ​ໄດ້​ໃນ​ປີ2018 ​ໂດຍ​ສະ​ເພາະ​ທຸລະ​ກິດ​ບໍລິການ ​ແລະ ການ​ຂົນ​ສົ່ງ​ທີ່​ຈະ​ໄດ້​ຮັບປະ​ໂຫຍ​ດຈາກ​ຂະ​ແໜງ​ເອກະ​ຊົນ​ທີ່​ມີ​ຄວາມ​ເຂັ້ມ​ແຂງ ລວມທັງ​ຄວາມ​ພ້ອມ​ຂອງ​ລະບົບ​ໂຄງ​ສ້າງ​ພື້ນຖານ​ຂອງ​ມາ​ເລ​ເຊຍທີ່​ຖືກ​ພັດທະນາ​ໂດຍ​ລັດ​ຖະບານ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ