ຫວຽດນາມ ສົ່ງເສີມວິສາຫະກິດອິນເດຍເຂົ້າມາລົງທຶນ

      ທ່ານ ​ເຈິ້ນ ດ້າຍ​ກວາງ ປະທານ​ປະ​ເທດ​ຂອງ ສສ ຫວຽດນາມ​ຢືນຢັນ​ວ່າ ຈະສົ່ງ​ເສີມ​ວິ​ສາ​ຫະກິດ​ອິນ​ເດຍ​ເຂົ້າ​ມາ​ດຳ​ເນີນ​ທຸລະ​ກິດຢູ່​ໃນ​ປະ​ເທດ.

 

    ຕາມ​ຂ່າວສານ​ຫວຽດນາມ​ລາຍ​ງານ​ວ່າ ວັນທີ 13 ກຸມພາຜ່ານ​ມາ ຢູ່ນະຄອນຫຼວງ ຮ່າໂນ້ຍ ​ໄດ້ຕ້ອນຮັບທ່ານ Indronnil Sengupta, ຜູ້ອຳນວຍການໃຫຍ່ກຸ່ມບໍລິສັດ TATA ອິນເດຍ ຢູ່ ຫວຽດນາມ, ທ່ານປະທານປະເທດຫວຽດນາມ ເຈີນດ້າຍກວາງ ຢືນຢັນວ່າ: ຫວຽດນາມ ຍາມໃດກໍ່ຖືເປັນສຳຄັນ ແລະ ສົ່ງເສີມວິສາຫະກິດຕ່າງປະເທດ, ໃນນັ້ນ ມີບັນດາກຸ່ມບໍລິສັດໃຫຍ່ຂອງ ອິນເດຍ ເຂົ້າມາລົງທຶນ ດຳເນີນທຸລະກິດຢູ່ຫວຽດນາມ. ທ່ານປະທານປະເທດ ເຈີນດ້າຍກວາງ ສະເຫນີ: ນອກຈາກຮ່ວມມືກ່ຽວກັບດ້ານພະລັງງານ, ພະລັງງານຜະລິດຄືນໃຫມ່, ກຸ່ມບໍລິສັດ TATA ສືບຕໍ່ເປີດກວ້າງການດຳເນີນທຸລະກິດໄປຍັງຂົງເຂດອື່ນຄື: ທ່າກຳປັ່ນ, ການຜະລິດ ແລະ ປຸງແຕ່ງກາເຟ

    ສ່ວນທ່ານ Indronnil Sengupta ປະກາດວ່າ ບັນດາໂຄງການຂອງກຸ່ມບໍລິສັດ TATA ລົງທຶນຢູ່ຫວຽດນາມ ຄື: ຜະລິດກາເຟ ຢູ່ ບີງເຢືອງ; ໂຄງການຮ່ວມມືຕິດຕັ້ງລົດເກງຂອງກຸ່ມບໍລິສັດໄດ້ນຳເຂົ້າເຄື່ອນໄຫວ ແລະ ຈະເປີດກວ້າງຕະຫລາດໃນໄລຍະຈະມາເຖິງ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ