ຈີນ ເກີນດຸນການຄ້າເພີ່ມຂຶ້ນ

    ປະລິມານ​ການ​ສົ່ງ​ອອກ​ສິນຄ້າ​ຂອງ​ສປ ຈີນ​ໃນ​ເດືອນ​ມັງ​ກອນ​ຜ່ານ​ມາ ​ເພີ່ມ​ຂຶ້ນ​ຢ່າງ​ຫຼວງ​ຫຼາຍ ຂະນະ​ທີ່​ປະລິມານ​ການ​ນຳ​ເຂົ້າ​ສິນຄ້າ​ກໍ​ເພີ່ມ​ຂຶ້ນ​ເຊັ່ນ​ກັນ.

 

     ຕາມ​ຂ່າວ ​ຕ່າງປະ​ເທດລາຍ​ງານ​ວ່າ ​ໃນ​ທ້າຍ​ອາທິດຜ່ານ​ມາ, ເຈົ້າໜ້າທ່ີຈີນໃຫ້ຮູ້ວ່າ, ເດືອນມັງກອນ ຜ່ານມາ, ປະລິມານ​ ການ​ສົ່ງ​ອອກ ​ສິນຄ້າ​ຂອງ ຈີນ ​​ເພີ່ມ​ຂຶ້ນຢ່າງຫຼວງຫຼາຍ,  ​ສ່ວນການ​​ນຳ​ເຂົ້າ ເພີ່ມ​ຂຶ້ນ 11,1% ​ເມື່ອທຽບ​ໃສ່​ປີ​ກາຍ ເຮັດໃຫ້​ຍອດ​ການ​ນຳ​ເຂົ້າ​ສິນຄ້າ ລວມມີ 180 ຕື້ໂດ​ລາ​ ສະຫະລັດ, ເພີ່ມ​ຂຶ້ນ 37% ນອກ​ນີ້ ຈີນ ຍັງ​ມີ​ດຸນ​ການ​ຄ້າ ກັບອາ​ເມ​ລິ​ກາ ​ເພີ່ມ​ຂຶ້ນ​ 2,3% ​ເປັນ 22 ຕື້​ໂດ​ລາ​ .

     ທ່າມກາງ​ຄວາມ​ເຄັ່ງ​ຕຶງ​ທາງ​ການ​ຄ້າ​ລະຫວ່າງ​ລັດຖະບານ​ຈີນ ​ແລະ ອາ​ເມ​ລິ​ກາ ຫຼັງ​ຈາກ​ເດືອນ​ທີ່​ຜ່ານ​ມາ ລັດຖະບານ​ອາ​ເມ​ລິ​ກາ ປັບ​ຂຶ້ນ​ພາສີ​ນຳ​ເຂົ້າ​ສຳລັບ​ຕູ້​ຊັກ​ເຄື່ອງ ​ແລະ ​ແຜງ​ຮັບ​ພະລັງງານ​ແສງ​ອາທິດ​ຈາກ​ຕ່າງປະ​ເທດ ລວມທັງ​ຈາກ​ຈີນ ​ເຊິ່ງ​ເປັນ​ຜູ້​ສົ່ງອອກ​ແຜງ​ໂຊ​ລາ​ລາຍ​ໃຫຍ່​ທີ່​ສຸດ​ໃນ​ໂລກ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ