ອັງກິດ ຫວັງບີເອອີປົດພະນັກງານໜ້ອຍທີ່ສຸດ

   ລັດຖະບານ​ອັງກິດ​ຫວັງ​ວ່າ ​ບໍລິສັດ ບີ​ເອອີ ທີ່​ຜະລິດ​ອາວຸດ​ ຂອງ​ອັງກິດ​ປົດ​ພະນັກງານ​ອອກ​ຈຳນວນໜ້ອຍ​ທີ່​ສຸດ.

 

   ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ ລັດຖະບານ​ອັງກິດ​​ກຳລັງ​ເຮັດ​ວຽກ​ຮ່ວມ​ກັບ​ບໍລິສັດ ບີ​ເອອີ ຊິ​ສ​ເຕັມ ຊຶ່ງ​ເປັນ​ບໍລິສັດ​ຜະລິດ​ອາວຸດ​ຂອງ​ອັງກິດ ​ເພື່ອ​​ໃຫ້ການ​ປົດ​ພະນັກງານ​ມີ​ຈຳນວນ​ໜ້ອຍ​ທີ່​ສຸດ ຫຼັງຈາກ​ບໍລິສັດປະກາດ​ປົດ​ພະນັກງານ 2 ພັນ​ຄົນ​ໃນ​ວັນ​ທີ 11 ຕຸລາ​ທີ່​ຜ່ານ​ມາ, ທາງ​ບໍລິສັດ​ແຈ້ງວ່າ ການ​ຫຼຸດ​ຈຳນວນ​ພະນັກງານ​ອາດ​ເກີດ​ຂຶ້ນ​ໃນ​ຮູບ​ແບບ​ຂອງ​ການ​ລາ​ອອກ​ໂດຍ​ສະ​ໝັກ​ໃຈ, ​ໂດຍ​ການ​ປົດ​ພະນັກງານ​ດັ່ງກ່າວ​ມີ​ສາຍ​ເຫດ​ມາ​ຈາກ​ການ​ປັບ​ໂຄງ​ສ້າງ​ພາຍ​ໃນ​ບໍລິສັດ ​ໂດຍ​ບໍ່​ກ່ຽວຂ້ອງ​ກັບ​ການ​ຕັດສິນ​ໃຈ​ໃຊ້​ຈ່າຍ​ງົບປະມານ​ດ້ານ​ອາວຸດ​ຂອງ​ລັດຖະບານ​ແຕ່​ຢ່າງ​ໃດ, ທັງ​ນີ້ ບີ​​ເອອີ ​ເປີດ​ເຜີຍ​ວ່າ ບໍລິສັດ​ຈະ​ປົດ​ພະນັກງານ​ປະມານ 2 ພັນ​ຄົນ ​ໃນ​ທຸລະ​ກິດ​ດ້ານ​ທະຫານ, ການ​ເດີນ​ເຮືອ ​ແລະ ຂ່າວ ​ເພື່ອ​ເພີ່ມ​ຄວາມ​ສາມາ​ດ​ໃນ​ການ​ແຂ່ງຂັນ​ຂອງ​ບໍລິສັດ,

   ຢ່າງ​ໃດ​ກໍ​ຕາມ ຢູ​ໄນ ຊຶ່ງ​ເປັນ​ສະຫະພາບ​ແຮງ​ງານ ອອກ​ຖະ​ແຫຼ​ງການ​ລະບຸ​ວ່າ ການ​ປົດ​ພະນັກງານ​ດັ່ງກ່າວ​ບໍ່​ພຽງ​ແຕ່​ຈະ​ສົ່ງ​ຜົນ​ຕໍ່​ຄວາມ​ສາມາດ​ໃນ​ການ​ປົກ​ປ້ອງ​ຕົນ​ເອງ​ຂອງ​ອັງກິດ ​ແຕ່​ຍັງ​ທຳລາຍ​ຊຸມ​ຊົນ​ທົ່ວ​ອັງກິດ​ທີ່​ຕ້ອງການ​ເພິ່ງ​ພາ​ການ​ຈ້າງ​ວຽກ​ເຮັດ​ດັ່ງກ່າວ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ
ໄປເທິງສຸດ