ກະຊວງສຶກສາປາຖະກະຖາສາມວັນປະຫວັດສາດ

     ວັນທີ 24 ມິຖຸນາ 2017 ກະຊວງສຶກສາທິການ ແລະກິລາ ໄດ້ຈັດກອງປະຊຸມປາຖະກະຖາວັນຄ້າຍວັນເກີດຂອງປະທານສຸພານຸວົງ, ວັນເຊັນສົນທິສັນຍາມິດຕະພາບ ຄົບຮອບ 40 ປີ ແລະວັນສ້າງຕັ້ງສາຍພົວພັນການທູດລາວ-ຫວຽດນາມ ຄົບຮອບ 55 ປີ ທີ່ສະໂມສອນມະຫາວິທະຍາໄລແຫ່ງຊາດ ນະຄອນຫຼວງວຽງຈັນ

ພາຍໃຕ້ເປັນປະທານ ທ່ານ ສົມສະຫວາດ ເລັ່ງສະຫວັດ ອະດີດກົມການເມືອງສູນກາງພັກ, ອະດີດຮອງນາຍົກລັດຖະມົນຕີ, ອະດີດປະທານຄະນະກຳມະການຮ່ວມມືລາວ-ຫວຽດນາມ ມີບັນດາຄະນະພັກກະຊວງສຶກສາ, ຄະນະພັກໂຄສະນາອົບຮົມສູນກາງພັກ ພ້ອມດ້ວຍພະນັກງານຄູອາຈານ ແລະນ້ອງນັກຮຽນທີ່ເຂົ້າຮ່ວມ.

     ທ່ານ ສົມສະຫວາດ ເລັ່ງສະຫວັດ ໄດ້ເຜີຍແຜ່ເອກະສານເລົ່າມູນເຊື້ອຊີວິ ແລະການເຄື່ອນໄຫວການປະຕິວັດຂອງທ່ານປະທານສຸພານຸວົງ ໂດຍໄດ້ຍົກໃຫ້ເຫັນຜົນງານຄຸນງາມຄວາມດີທີ່ເປັນໜຶ່ງໃນບັນດາຜູ້ນຳທີ່ດີເດັ່ນ ແລະເຄົາລົບຮັກຂອງປະຊາຊົນຊົນລາວ ພ້ອມທັງເພີ່ມພູນບຸນຄູນສ້າງ ແລະແນະນຳຮໍ່າຮຽນເອົາແບບຢ່າງຄຸນງາມຄວາມດີຂອງປະທານສຸພານຸວົງ ຈາກນັ້ນ ທ່ານປະທານໄດ້ເຜີຍແຜ່ເອກະສານວັນທີ່ສັນຍາມິດຕະພາບ-ການຮ່ວມມື ແລະວັນສ້າງຕັ້ງສາຍພົວພັນການ ທູດລາວ-ຫວຽດນາມໂດຍໃນສະພາບແວດລ້ອມແຫ່ງກຳເນີດໃນການເຕີບໃຫຍ່ຂະຫຍາຍຕົວຂອງ ຄວາມສາມັກຄີຂອງການຮ່ວມມື ຮອບດ້ານລະຫວ່າງສອງອ້າຍນ້ອງລາວ-ຫວຽດນາມ ພ້ອມທັງເລົ່າມູນເຊື້ອອັນພົ້ນເດັ່ນຂອງການພົວພັນ ການຮ່ວມມືມິດຕະພາບ ແລະໃຫ້ສືບຕໍ່ຂະຫຍາຍສາຍພົວພັນມິດຕະພາບ ອັນຍິງໃຫຍ່ຂອງຄວາມສາມັກຄີພິ ເສດໃນການຮ່ວມມືຮອບດ້ານ.

     ກອງປະຊຸມຄັ້ງນີ້ກໍ່ເພື່ອສະເຫຼີມ ສະຫຼອງວັນປະຫວັດສາດສໍາຄັນ ດັ່ງກ່າວໃຫ້ມີຄວາມໝາຍເລິກຊຶ່ງ ແລະກວ້າງຂວາງ ເພື່ອໂຄສະນາສຶກສາອົບຮົມພະນັກງານ, ສະມາຊິກພັກ ແລະພັກປະຊາຊົນລາວບັນດາເຜົ່າທຸກຊົນຊັ້ນໃຫ້ມີຄວາມຮູ້ກ່ຽວກັບມູນເຊື້ອແຫ່ງການພົວພັນມິດຕະພາບຄວາມສາມັກຄີພິເສດ ແລະການຮ່ວມມືຮອບດ້ານລະຫວ່າງ ລາວ-ຫວຽດນາມ ພ້ອມກັນເປັນເຈົ້າການທະນຸຖະໜອມເພີ່ມຄູນສ້າງມູນເຊື້ອດັ່ງກ່າວໃຫ້ຈະເລີນງອກງາມຍິ່ງຂື້ນ ແລະສືບຕໍ່ເສີມຂະຫຍາຍມູນເຊື້ອດັ່ງກ່າວໃນເງື່ອນໄຂໃໝ່ໆ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ທັນວາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ຄຳເຫັນຜູ້ອ່ານ

ໄປເທິງສຸດ