ສພຂ ສາລະວັນສຳເລັດກອງປະຊຸມສະໄໝສາມັນເທື່ອທີ 3

   ກອງປະຊຸມສະໄໝສາມັນ ເທື່ອທີ 3 ຂອງສະພາປະຊາຊົນ ແຂວງສາລະວັນ ຊຸດທີ I ໄດ້ດໍາ ເນີນມາແຕ່ວັນທີ 25 ຫາ 27 ກໍລະ ກົດ 2017 ຢູ່ທີ່ຫ້ອງປະຊຸມສະໂມສອນໃຫຍ່ຂອງ

ແຂວງ ໂດຍການເປັນປະທານຂອງທ່ານ ຄຳເຫຼັກ ອິນດາວົງ ກໍາມະການພັກແຂວງ ປະທານສະພາປະຊາຊົນແຂວງ ສາລະວັນ, ໃຫ້ກຽດເຂົ້າຮ່ວມໂດຍ ທ່ານ ສີສຸວັນ ວົງຈອມສີ ກໍາມະ ການສູນກາງພັກເລຂາພັກແຂວງ ເຈົ້າແຂວງໆສາລະວັນ, ທ່ານ ບຸນ ປອນ ສີສຸລາດ ກຳມະການຄະນະ ປະຈຳສະພາ ແຫ່ງຊາດ, ປະທານກຳມາທິການເສດຖະກິດ ເຕັກໂນ ໂລຊີ ແລະສິ່ງແວດລ້້ອມ ທັງແມ່ນສະມາຊິກສະພາແຫ່ງຊາດປະຈຳເຂດເລືອກຕັ້ງທີ 14 ແຂວງສາລະ ວັນ, ມີບັນດາທ່ານການນໍາພັກລັດ ແລະ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 14 ພ້ອມດ້ວຍສະພາປະຊາຊົນແຂວງເຂົ້າຮ່ວມ.

   ຕະຫຼອດໄລຍະເວລາ 3 ວັນ ໃນການດຳເນີນກອງປະຊຸມສະມາຊິກສະພາປະຊາຊົນແຂວງ ໄດ້ຍົກສູງຄວາມຮັບຜິດຊອບທາງດ້ານການເມືອງໃນຖານະເປັນຕົວແທນແຫ່ງສິດ ແລະຜົນປະໂຫຍດຂອງປະຊາຊົນບັນດາເຜົ່າໄດ້ພ້ອມກັນປະກອບຄຳຄິດຄຳເຫັນໃສ່ຮ່າງບົດລາຍງານຕ່າງໆ ເພື່ອເຮັດໃຫ້ໜັກແໜ້ນ, ພ້ອມທັງຊີ້ແຈງອະທິບາຍເນື້ອໃນຕ່າງໆເຮັດໃຫ້ກອງປະຊຸມບັນລຸຜົນສຳເລັດຕາມລະດັບຄາດໝາຍທີ່ກຳນົດໄວ້ດັ່ງນີ້, ກອງປະຊຸມໄດ້ຮັບຟັງການລາຍງານໂດຍສັງເຂບກ່ຽວກັບການຈັດຕັ້ງວຽກງານຈຸດສຸ່ມ 6 ເດືອນຜ່ານມາ ແລະທິດທາງ 6 ເດືອນ ທ້າຍປີ,  ຮັບຟັງລາຍງານ ສະຫຼຸບການຈັດຕັ້ງປະຕິບັດແຜນ ພັດທະນາເສດຖະກິດສັງຄົມປີ 2016 ແລະຜັນຂະຫຍາຍ 6 ເດືອນ ຕົ້ນປີ ແລະ 6 ເດືອນທ້າຍປີ 2017,  ພ້ອມດ້ວຍງົບປະມານຂອງແຂວງ, ນອກນັ້ນກໍ່ໄດ້ຮັບຟັງການລາຍ ງານການຄຸ້ມຄອງສິນຄ້າ, ນະໂຍບາຍ ແລະມາດຕະການການແກ້ໄຂຕາມການສະເໜີຂອງອົງການປົກ ຄອງແຂວງ, ເອົາໃຈໃສ່ຄຸ້ມຄອງເສດຖະກິດຂອງແຂວງໃຫ້ມີສະ ຖຽນລະພາບ ແລະ ໝັ້ນທ່ຽງຂະຫຍາຍຕົວໃນລະດັບ 7,2%  ເພື່ອໃຫ້ ບັນລຸຕາມຄາດໝາຍຕ່າງໆຕ້ອງ ເພີ່ມທະວີຄວາມເອົາໃຈໃສ່ຕໍ່ການ ຈັດຕັ້ງປະຕິບັດລັດຖະທຳມະນູນ, ໄດ້ຮັບຟັງການລາຍງານກ່ຽວກັບການປະຕິບັດສິດສ່ັງຟ້ອງຄະດີ ອາຍາຂຶ້ນສານ ແລະ ການເຂົ້າຮ່ວມ ດຳເນີນຄະດີແພ່ງຢູ່ທີ່ຫ້ອງປະຊຸມສານ, ໄດ້ຮັບຟັງການລາຍງານ ຂອງຄະນະປະຈຳສະພາປະຊາຊົນ ແຂວງ, ກ່ຽວກັບການເຄື່ອນໃຫວ ແຕ່ກອງປະຊຸມສະໃໝສາມັນເທື່ອ ທີ 2 ຫາກອງປະຊຸມສະໃໝສາມັນ ເທື່ອທີ 3 ແລະທິດທາງ 6 ເດືອນ ທ້າຍປີ 2017, ກອງປະຊຸມໄດ້ພິຈາລະນາຮັບຮອງຮ່າງນິຕິກຳຈຳ ນວນ 1 ສະບັບຄື: ຮ່າງນິຕິກຳວ່າດ້ວຍການຄຸ້ມຄອງຄຸນນະພາບນ້ຳດື່ມທີ່ຜະລິດຈາກໂຮງງານພາຍໃນແຂວງ ແລະ ພິຈາລະນາຮັບຮອງເອົາການສະເໜີແຕ່ງຕັ້ງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງຕາມການສະເໜີຂອງເຈົ້າແຂວງ.  

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ທັນວາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ຄຳເຫັນຜູ້ອ່ານ

ໄປເທິງສຸດ