ຜົນກອງປະຊຸມໃຫຍ່ຄັ້ງທີ II ຂອງກຳມະບານຮາກຖານເມືອງທົ່ງມີໄຊ

     ທ້າຍອາທິດຜ່ານມາ ທີ່ຫ້ອງປະຊຸມຫ້ອງການສຶກສາທິການ ແລະກີລາເມືອງທົ່ງມີໄຊ ແຂວງໄຊຍະບູລີ ໄດ້ເປີດກອງປະຊຸມໃຫຍ່ ຄັ້ງທີ II ຂອງສະຫະພັນກຳມະບານຮາກຖານຫ້ອງການສຶກສາທິການ ແລະກີລາເມືອງຂຶ້ນພາຍໃຕ້ການເປັນປະທານຂອງສະຫາຍ ທິລະວຸດ ດວງຄຳ ປະທານກຳມະບານຮາກຖານຫ້ອງການສຶກສາທິການ ແລະກີລາເມືອງ,

ໂດຍການເປັນກຽດເຂົ້າຮ່ວມຂອງສະຫາຍ ທອງລ່ຽນ ແກ້ວມະນີ ກຳມະການພັກເມືອງ ເລຂາຄະນະພັກຮາກຖານ ຫ້ອງການສຶກສາທິການ ແລະກີລາ ເມືອງທົ່ງມີໄຊ, ມີບັນດາສະຫາຍປະທານກຳມະບານຮາກຖານອ້ອມຂ້າງເມືອງ ຕະຫຼອດຮອດສະມາຊິກ ກຳມະບານພາຍໃນໜ່ວຍຮາກຖານຫ້ອງການສຶກສາທິການ ແລະກີລາເມືອງເຂົ້າຮ່ວມ.

     ຕະຫຼອດໄລຍະ 3 ປີຜ່ານມາ 2015-2017 ກຳມະບານຮາກຖານດັ່ງກ່າວກໍ່ໄດ້ເອົາໃຈໃສ່ເຄື່ອນ ໄຫວຕາມພາລະບົດບາດ, ສິດ ແລະໜ້າທີ່ຂອງຕົນຮັບຜິດຊອບໂດຍສະເພາະແມ່ນໄດ້ເອົາໃຈໃສ່ປັບປຸງອົງການຈັດຕັ້ງຂອງກຳມະບານໃຫ້ມີຄວາມໜັກແໜ້ນ, ເຂັ້ມແຂງ ຕິດພັນກັບການຈັດຕັ້ງປະຕິບັດ ຕາມເນື້ອໃນຂໍ້ແຂ່ງຂັນ 5 ເປັນເຈົ້າຂອງສະຫະພັນກຳມະບານລາວວາງອອກໄດ້ເປັນຢ່າງດີ. ກຳມະບານຮາກຖານຫ້ອງການສຶກສາທິການ ແລະກີລາເມືອງມີ 3 ຈຸຮ່ວມຊີວິດຂື້ນກັບມີສະມາຊິກ ທັງໝົດ 40 ສະຫາຍ, ຍິງ 15 ສະຫາຍ, ໃນນີ້ຂະຫຍາຍໃໝ່ໄດ້ 1 ສະຫາຍ, ສະມາຊິກກຳມະບານເປັນ ຄະນະບໍລິຫານງານສະຫະພັນກຳ ມະບານເມືອງ 1 ສະຫາຍ, ສະມາຊິກພັກສົມບູນ 31 ສະຫາຍ, ຍິງ 11 ສະຫາຍ, ສໍາຮອງ 1 ສະຫາຍ, ສະມະຊິກຊາວໜຸ່ມ 20 ສະຫາຍ, ຍິງ 10 ສະຫາຍ, ສະມະຊິກແມ່ ຍິງ, 15 ສະຫາຍ.

     ຜ່ານການກວດກາປະເມີນຜົນ ຂໍ້ແຂ່ງຂັນ 5 ເປັນເຈົ້າ ຕິດພັນກັບການຈັດແບ່ງປະເພດສະມາຊິກ ກຳມະບານນັ້ນສາມາດຄັດເລືອກ ໄດ້ປະເພດບຸກຄົນ ແລະປະເພດ ໜ່ວຍດັ່ງນີ້: ປະເພດຮາກຖານໄດ້ ປະເພດແຂງ, ປະເພດສະມາຊິກ ກຳມະບານແຂງ 38 ສະຫາຍ, ຍິງ 14 ສະຫາຍ, ປະເພດກາງ 1 ສະຫາຍ, ຍິງ 1 ສະຫາຍ, ບໍ່ໄດ້ ແບ່ງ 1 ສະຫາຍ, (ສາເຫດໄປຮຽນຕໍ່). ກອງປະຊຸມຄັ້ງນີ້ ຍັງໄດ້ພ້ອມກັນ ໃຊ້ສິດປະຊາທິປະໄຕແບບເປີດເຜີຍຂອງສະມາຊິກກຳມະບານ ທຸກສະຫາຍປ່ອນບັດຄັດເລືອເອົາ ຄະນະປະທານກຳມະການຮາກຖານຊຸດໃໝ່ ເຊີ່ງມີຜູ້ລົງສະໝັກ ຈຳນວນ 8 ສະຫາຍ, ເລືອກເອົາ ຈຳນວນ 5 ສະຫາຍ, ກອງປະຊຸມ ໃຫຍ່ໄດ້ເປັນເອກະພາບເລືອກເອົາສະຫາຍ ບັນເທີງ ອິນປັນຍາ ເປັນປະທານກຳມະບານຮາກຖານ, ເລືອກເອົາສະຫາຍ ເສົາໃຈລຸນເປັນຮອງປະທານ ທັງເປັນຄະນະກວດກາ, ແລະເລືອກເອົາສະຫາຍ ສົມສັກ ແສງອາລຸນ ເປັນຄະນະປະທານຮັບຜິດຊອບວຽກງານການເງີນ. ສະຫາຍນາງ ເລີດນະຄອນລັດຖະຫວັນ, ແລະ ສະຫາຍ ນາງ ສົມລິດ ແສງທະວີ ເປັນຄະນະ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ