ເຊໂປນ ເຜີຍແຜ່ກົດໝາຍວ່າດ້ວຍການດຳເນີນຄະດີເດັກ

     ໂດຍປະຕິບັດຕາມມະຕິ 10 ຂອງພັກປະຊາຊົນປະຕິວັດລາວກ່ຽວກັບການບຸກທະລຸໃນການພັດທະນາຊັບພະຍາກອນມະນຸດ ກໍ່ຄືແຜນຍຸດທະສາດແຫ່ງການພັດທະນາຊັບພະຍາກອນມະນຸດຂອງສານປະຊາຊົນທີ່ກໍານົດໄວ້ໃນ 5 ແຜນງານ 21 ໂຄງການ

ໂດຍສະເພາະແມ່ນແຜນງານທີ 2 ເລັ່ງໃສ່ການຍົກລະດັບຄວາມຮູ້ຄວາມສາມາດຂອງພະນັກງານສານ ປະຊາຊົນໃນການຄົ້ນຄວ້າພິຈາລະນາຄະດີໃຫ້ມີຄວາມວ່ອງໄວ, ຖືກຕ້ອງ ແລະ ເປັນທໍາທັງເປັນການຮັບປະກັນສິດໃນການບໍາລຸງຕາມທີ່ໄດ້ກໍານົດໄວ້ໃນກົດໝາຍ.

     ໃນວັນທີ 4 ກັນຍາ 2017 ເມືອງເຊໂປນ ແຂວງສະຫວັນນະເຂດ ໄດ້ຈັດກອງປະຊຸມເຜີຍແຜ່ປື້ມຄໍາແນະນໍາກ່ຽວກັບການຈັດຕັ້ງປະຕິບັດກົດໝາຍວ່າດ້ວຍການດໍາເນີນຄະດີເດັກຂຶ້ນຢ່າງເປັນທາງການ ໂດຍການ ເປັນປະທານຂອງທ່ານ ວົງໄຊ ໄຊຍະຈັກ ຮອງເຈົ້າເມືອງເຊໂປນ, ທ່ານ ຈັນທະລີ ດວງວິໄລ ຜູ້ພິພາກສາ, ຫົວໜ້າຄະນະສານແຮງງານຂອງສານປະຊາຊົນສູງສຸດ, ມີບັນດາຫ້ອງການອ້ອມຂ້າງເມືອງເຂົ້າຮ່ວມ.

     ເອກະສານທີ່ນໍາມາເຜີຍແຜ່ໃນຄັ້ງນີ້ ມີປື້ມຄູ່ມືແນະນໍາກ່ຽວກັບພາບລວມການແກ້ໄຂຄະດີເດັກປື້ມຄູ່ມືແນະນໍາສໍາລັບການໄກ່ເກ່ຍຄະດີເດັກ, ປືມຄູ່ມືແນະນໍາສໍາລັບທະນາຍຄວາມ ຫຼືຜູ້ປົກປ້ອງຄົນອື່ນ, ປື້ມຄູ່ມືສໍາລັບອົງການສຶບສວນສອບສວນ, ປື້ມຄູ່ມືສໍາລັບນັກສັງຄົມສົງເຄາະ ແລະຜູ້ປະສານງານອື່ນໆ, ປື້ມຄູ່ມືອົງການໄອຍະການ, ປື້ມຄູ່ມືສໍາລັບສານເດັກ ຫຼືຄະນະສານເດັກ, ປື້ມຄູ່ມືສໍາລັບຜູ້ຮັບຜິດຊອບຄວບຄຸມດູແລ ແລະການສຶກສາອົບຮົມເດັກກະທໍາຜິດ, ປື້ມຄູ່ມືສໍາລັບສິດທິຂອງເດັກທີ່ລະເມີດກົດໝາຍ, ປື້ມຄູ່ມືສໍາລັບສິດທິຂອງເດັກທີ່ເປັນຜູ້ຖືກເຄາະຮ້າຍ ຫຼືເປັນພະຍານ. ຊຶ່ງກອງປະຊຸມດັ່ງກ່າວແມ່ນດໍາເນີນເປັນ 5 ວັນແຕ່ວັນທີ 4-8 ກັນຍາ ຈຶ່ງສໍາເລັດ 100% ທັງນີ້ກໍເພື່ອປະຕິບັດຕາມທິດທາງແຜນການໃນການພັດທະນາຊັບພະຍາກອນມະນຸດ ໂດຍສະເພາະແມ່ນໜ່ວຍງານ ບໍາລຸງກໍ່ສ້າງພະນັກງານ, ຕອບສະໜອງວຽກງານສະເພາະໜ້າ ແລະຍາວນານຕາມທີ່ໄດ້ກໍານົດໄວ້ໃນແຜນແມ່ບົດສ້າງລັດແຫ່ງກົດໝາຍ, ເປັນການພັດທະນາຊັບພະຍາກອນມະນຸດທີ່ເຮັດວຽກງານໃນຂົງເຂດ ແກ້ໄຂຄະດີເດັກໃຫ້ມີຄວາມເປັນເອກະພາບ ແລະໄປໃນທິດທາງດຽວກັນ ໃນການແກ້ໄຂຄະດີເດັກກະທໍາຜິດ, ເຮັດໃຫ້ຜູ້ເຂົ້າຮ່ວມມີຄວາມຮູ້  ແລະເຂົ້າໃຈຢ່າງເລິກເຊິ່ງກັບຫຼັກການວິທີການ ແລະຂັ້ນຕອນໃນການແກ້ໄຂຄະດີເດັກ, ເປັນການເຜີຍແຜ່ກົດໝາຍວ່າດ້ວຍການດໍາເນີນຄະດີໃຫ້ສັງຄົມ ຮັບຮູ້ນໍາໃຊ້ໃຫ້ຖືກຕ້ອງຕາມຈຸດປະສົງ ແລະເນື້ອໃນກົດໝາຍດັ່ງກ່າວ ເພື່ອເປັນການແລກປ່ຽນຄໍາຄິດຄໍາເຫັນກ່ຽວກັບການນໍາໃຊ້ກົດໝາຍວ່າດ້ວຍດໍາເນີນຄະດີມີຄວາມສອດຄ່ອງຖືກຕ້ອງກັບສະພາບຄວາມເປັນ ຈິ່ງໃນປະຈຸບັນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ