ມູບໍ່ແປກໃຈຣູນນີ້ໄດ້ຮັບການຕ້ອນຮັບຢ່າງຖືກຕ້ອງ

   ໂຊເຊ ມູຣິນໂຢ້ ຜູ້ຈັດການທີມ ແມນຢູ ເຜີຍວ່າບໍ່ແມ່ນເລື່ອງແປກທີ່ ເວນ ຣູນີ້ ໄດ້ຮັບການຕ້ອນຮັບຢ່າງຖືກຕ້ອງໃນເກມລີເທິນໂຮງລະຄອນແຫ່ງຝັນເພາະເປັນທຳນຽມປະຕິບັດຂອງທີມ ແລະ ແຟນບານແດນຜູ້ດີຢູ່ແລ້ວ ແລະ ເຊື່ອດ້ວຍວ່າ ຈັກມື້ໜຶ່ງ ຣູນີ້ ຈະກັບມາບ້ານຫຼັງນີ້.

 

   ຣູນີ້ ຍ້າຍກັບມາເມີຊີໄຊ ພ້ອມສະຖິຕິດາວຍິງຂອງ ແມນຢູ  253 ລວມທຸກລາຍການ ຄື ເຊີ ບອບບີ້ ຊາລຕັນ ແຕ່ການກັບມາແຫ່ງໂຮງລະຄອນແຫ່ງຄວາມຝັນຄັ້ງທຳອິດຂອງ ຣູນີ້ ຈົບແບບບໍ່ສວຍງາມ ເສຍໄປ 4-0 ໂດຍເສຍ 3 ປະຕູໃນຊ່ວງ 7 ນາທີສຸທ້າຍ.

    ຜົນງານຊ່ວງທ້າຍໆ ຂອງ ກອງໜ້າໄວ 31 ປີໃນທີມ ແມນຢູ ຈະບໍ່ປານໃດ ແຕ່ແຟນບານ ເຣັດ ອາມີ ຕົບມືໃຫ້ຢ່າງແຮງ ຕອນປ່ຽນຕົວອອກນາທີ 82 ຊຶ່ງ ມູຮິນໂຢ້ບໍ່ແປກ ໃຈ ມັນເປັນທຳມະຊາດຂອງແຟນບານອັງກິດເປັນທຳມະຊາດຂອງທີມໃຫຍ່ ເມື່ອນັກເຕະເປັນນັກເຕະຜູ້ໃຫຍ່ຂອງທີມ ແລະ ເປັນສ່ວນສຳຄັນໃນປະຫວັດສາດສະໂມສອນ.

     ທີມໃນອັງກິດທຸກທີມເປັນແບບນີ້ ຂ້ອຍເວົ້າໄດ້ພຽງທີ່ສະແຕມຟອມ ບຣິດ ແລະ ໂອລແທຟຟອດ ແຕ່ທັງສອງສະໜາມເວລາເຮົາມີອະດີດນັກເຕະຄົນສຳຄັນ ກັບມາ ພວກເຂົາໄດ້ຮັບການຕ້ອນຮັບທີ່ມະຫັດສະຈັນສະເໝີ ມັນບໍ່ແມ່ເລື່ອງໜ້າແປກໃຈ ເຂົາຢູບ້ານ ແລະ ຂ້ອຍເຊື່ອວ່າຈັກມືໜຶ່ງເຂົາຈະກັບມາບ້ານ ມູຣິນໂຢ້ ທີ່ຈັບໄມ້ຈັບມືກັບອະດີດກັບຕັນທີມຕອນປ່ຽນຕົວ ເວົ້າ.  

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ