ຊີດານເຕືອນທຸກຄົນໃຈເຢັນໆຫຼັງເກມຫຼີ້ນບໍ່ດີ

    ຊີເນດິນ ຊີດານ ຜູ້ຈັດການທີມ ມາດຣິດ ຍໍ້າບໍ່ມີຫຍັງໜ້າເປັນຫ່ວງກັບການເສຍ ເຣອັລ ເບຕິສ 0-1 ຄາບ້ານ ທຳໃຫ້ເກມໃນບ້ານ 3 ນັດຫຼັງສຸດ ສະເໝີ 2 ເສຍ 1 ແລະ ຖືກບາເຊໂລນາ ນຳໄປເປັນ 7 ແຕ້ມ ຢືນຢັນ ໃຈເຢັນໆ ບໍ່ມີຫຍັງໜັກໃຈ ແລະ ລະດູການນີ້ຍັງເຫຼືອເກມໃຫ້ຫຼີ້ນອີກຫຼາຍ.

 

    ມາດຣິດ ເປີດລະດູການໃໝ່ບໍ່ໄດ້ດັ່ງໃຈ ຫຼີ້ນໄປ 5 ນັດຊະນະ 2 ສະເໝີ 2 ເສຍ 1 ນັດ ແຕ່ສິ່ງທີ່ໜ້າສົນໃຈຄື ຜົນງານບໍ່ຊະນະທັງ 3 ນັດຂອງທີມ ລວມເຖິງເກມນີ້ທີ່ຖືກ ອັນໂຕນິໂອ ຊານາເບຍ ຍິງປະຕູໄຊນາທີ 94 ເປັນການຫຼີ້ນໃນບ້ານທັ້ງສາມນັດ ແລະ ນີ້ເປັນຊ່ວງຜົນງານໃນບ້ານບໍ່ຄ່ອຍດີແຕ່ຍຸກ ໂຊເຊ ມູຣິນໂຢ້ ເດືອນເມສາປີ 2011 ແຕ່ຊີດານ ບໍ່ຕື່ນຕະໜົກໃດໆ.

   ຜົມບໍ່ຄິດວ່າສະຖານະການມັນຈະລະອຽດອ່ອນບ່ອນໃດ ເຮົາເສຍແຕ້ມ ແຕ່ມັນກໍຍັງມີເກມອີກຫຼາຍນັດ ທຸກຢ່າງທີ່ເຮົາເຮັດມາບໍ່ໄດ້ຖືກຖີ້ມລົງຖັງຂີ້ເຫຍື້ອຈາກການມີເກມໃນບ້ານບໍ່ດີ 3 ນັດ ເຮົາຂາດຄວາມຄົມ ຂ້ອຍເປັນຜູ້ຈັດການຂອງທີມນີ້ ແລະ ສິ່ງທີ່ເຮົາຕ້ອງເຮັດຄື ສະຫງົບໄວ້ ພັກຜ່ອນ ແລ້ວຄິດເຖິງເກມຕໍ່ໄປ ຊີດານເວົ້າ.

    ຂະນະດຽວກັນ ການເສຍ 0-1 ເຮັດໃຫ້ມາດຣິດຈົບສະຖິຕິຍິງທຸກນັດມາ 73 ນັດ ຕັ້ງແຕ່ເດືອນເມສາ 2016 ລົງພຽງເທົ່ານັ້ນ ວັນນີ້ບານບໍ່ເຂົ້າປະຕູ ນີ້ຄືບານ ເຮົາຕ້ອງກັບໄປວິເຄາະກັນ ມັນບໍ່ແມ່ນເກມທີ່ດີ ແຕ່ກໍບໍ່ເຖິງຂະ   ໜາດເປັນເກມທີ່ບໍ່ດີ ລະດູການທີ່ແລ້ວເຮົາຊະນະໃນເກມທີ່ບໍ່ໜ້າຊະນະ ແລະ ຕອນນີ້ມັນກັບກັນ.

   ຢ່າໄປຕົກໃຈ ຂ້ອຍບໍ່ມີເຫດຜົນຫຍັງທີ່ເຮົາຈະກັງວົນ ເຮົາມີເກມທີ່ດີ ຊານ ເຊບາສຕຽນ ຊະນະ ໂຊເຊຍດາດ 3-1 ນັດທີ່ແລ້ວ ເພາະສະນັ້ນບໍ່ຕ້ອງກັງວົນ ສິ່ງທີ່ຂ້ອຍເຮັດຄືຄວ້າໄຊຊະນະ ຂ້ອຍບໍ່ຢາກປ່ຽນແປງຫຍັງ ເຈົ້າອາດປ່ຽນຫັ້ນປ່ຽນນີ້ ແຕ່ແນວຄິດຕ້ອງຄືເກົ່າລົງໄປຫຼີ້ນເພື່ອໄຊຊະນະ ໂດຍສະເພາະເກມໃນບ້ານ.

   ຈາກນັ້ນ ຊີດານ ຖືກຖາມຟອມການຫຼີ້ນຂອງໂຣນັລໂດ້ ທີ່ພົ້ນແບນກັບມາຫຼີ້ນນັດທໍາອິດ ໂດຍຜູ້ຈັດການທີມຄົນຝຣັ່ງ ເວົ້າວ່າ ຂ້ອຍບໍ່ຄິດວ່າຈະມີຫຍັງຕ້ອງກັງວົນທັ້ງກັບຄຣິສເຕຍໂນ້ ແລະ ທີມ ສິ່ງຕ່າງໆມັນບໍ່ໄດ້ດັ່ງໃຈ ແຕ່ຂ້ອຍຢືນຢັນ ເຈົ້າຕ້ອງເຮັດໃຈໃຫ້ສະຫງົບ ຍັງເຫຼືອອີກຫຼາຍ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ