ມູຍີ້ມລູກທີມຫຼີ້ນແບບເປັນຕາດີໃຈ

   ໂຊເຊ ມູຣິນໂຢ້ ຜູ້ຈັດການທີມ ແມນຢູ ພໍໃຈທີ່ນັກເຕະຫຼີ້ນກັນແບບມີຄວາມສຸກໃນເກມ ຄາລາບາວ ຄັບ ຮອບ 3 ທີ່ຊະນະ ເບີຕັນ 4-1 ບອກທີມຂອງຕົນຈະໃຫ້ຄວາມສຳຄັນກັບລາຍການນີ້.

 

    ໂຊເຊ ມູຣິນໂຢ້ ຜູ້ຈັດການທີມ ແມນຢູ ສະໂມສອນໃຫຍ່ ພຣີເມຍລີກ ອັງກິດ ເວົ້າວ່າຮູ້ສຶກດີໃຈທີ່ລູກທີມຂອງຕົນຫຼີ້ນກັນຢ່າງມີຄວາມສຸກ ຫຼັງຈາກທີ່ພວກເຂົາເປີດສະໜາມໂອລ ແທຟຟອດ ເອົາຊະນະ ເບີຕັນ ອັລບ້ຽນຈາກ ເດີ ແຊມປ້ຽນຊີບ 4-1 ໃນເກມຄາລາບາວຄັບ ຮອບ 3 ໃນວັນພຸດທີ່ 20 ກັນຍາ ທີ່ຜ່ານມາ.

    ເຈົ້າຖິ່ນໂຊຟອມໄດ້ຢ່າງດີ ຈົນຜ່ານເຂົ້າສູ່ຮອບ 4 ໄດ້ແບບບໍ່ຢາກປານໃດ ໂດຍພວກເຂົາໄດ້ປະຕູຈາກການເຮັດ 2 ລູກຂອງ ມາຄັສ ແຣຊຟອດ ໃນນາທີທີ 5 ກັບ 17 ແລະ ຈາກ ເຈສຊີ່ ລິນກາຣດ ກັບ ອອງໂຕນີ ມາຣກຊິຍາລ ຄົນລະລູກໃນນາທີທີ 36 ກັບ 60 ຕາມລໍາດັບ ສ່ວນທີມຢາມໄດ້ປະຕູປອບໃຈຈາກ ລອຍ ດາຍເອີ ໃນຊ່ວງທົດເວລາບາດເຈັບຂອງເຄິ່ງຫຼັງ.

    ມູຣິນໂຢ້ ເຜີຍວ່າ ຕອນນີ້ເຮົາຫຼີ້ນກັນຢ່າງມີຄວາມສຸກ ແລະ ຄືສິ່ງທີ່ຂ້ອຍຕ້ອງການ ອອງໂຕນີ ມາກຊິຍາລ ຢາກໂຊການຫຼີ້ນແບບຕ່າງໆ ເຊິ່ງບາງຄັ້ງລາວກະເຮັດໄດ້ດີແຕ່ບາງຄັ້ງກະບໍ່ດີປານໃດ ຢ່າງໃດກໍຕາມ ເຂົາກໍພະຍາຍາມຢູ່ຕະຫຼອດເວລາ ເຊິ່ງການທຸ່ມເທ ແລະ ການຫຼີ້ນແບບມີຄວາມສຸກແບບນັ້ນຖືວ່າສໍາຄັນ.

    ຖ້າເກີດມັນເປັນການແຂ່ງຂັນຢ່າງເປັນທາງການແລ້ວມັນກໍຄືເປັນລາຍການທີ່ສໍາຄັນທັ້ງສໍາລັບ ແມນຢູ ແລະ ສໍາລັບຂ້ອຍໃນຖານະຜູ້ຈັດການທີມຄົນໜຶ່ງ.

    ວົງການບານເຕະອັງກິດຈະລອດຫຼືບໍ່ຖ້າບໍ່ມີລາຍການນີ້ ຫຼື ຈະດີຂື້ນຖ້າບໍ່ມີລາຍການນີ້ຫຼື້ບໍ່ ມັນອາດຈະເປັນຢ່າງນັ້ນກໍໄດ້ ມັນຈະເຮັດໃຫ້ມີສະພາບຮ່າງກາຍທີ່ສົດສຳລັບເກມລະດັບທະວີບຢູໂຣບ ແຕ່ຕອນນີ້ເຮົາມີສະພາບຮ່າງກາຍມີລາຍການນີ້ໃຫ້ລົງຫຼີ້ນຊຶ່ງເຮົາກໍຕ້ອງເຄົາລົບສະປອນເຊີ, ເຄົາລົບຄູ່ແຂ່ງ ແລະ ນັກເຕະຫຼາຍຄົນຂອງເຮົາກໍກຳລັງພະຍາຍາມຫຼີ້ນໃຫ້ດີທີ່ສຸດ ຜູ້ຈັດການທີມຄົນປ໋ອກຕຸ່ຍການ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ