ຮ້ານແມນເສື້ອແວັດເປີດບໍ່ເຖິງປີມີລູກຄ້າສັ່ງຈອງແໜ້ນ

     ຍ້ອນຄວາມມັກຮັກໃນການອອກແບບ-ຕັດຫບິບເຄື່ອງຊຸດແວັດ ເຊິ່ງເປັນຊຸດທີ່ເບິ່ງແລ້ວລຽບງາມ ແລະສຸພາບຈິ່ງເຮັດໃຫ້ເກີດຄວາມຫຼົງໄຫຼມັກມາແຕ່ສະໄໝຍັງຮຽນຈິ່ງຕັດສິນໃຈລົງທຶນຢູ່ເມືອງຫຼວງພະບາງເປີດຮ້ານຕັດຫຍິບເສື້ອແວັດ

ໂດຍໃສ່ຊື່ຮ້ານແມນເສື້ອແວັດເປີດມາບໍ່ທັນເຖິງປີມີລູກຄ້າຈາກບັນດາກົມກອງ ຫ້ອງການສັ່ງຈອງແໜ້ນສາມາດສ້າງລາຍຮັບໃຫ້ກັບຄອບຄົວດີຂື້ນເທື່ອລະກ້າວ

     ທ່ານ ນອຍສິນ (Noi sinh) ນັກທຸລະກິດໜຸ່ມເພື່ອນບ້ານຊາວຫວຽດນາມ, ອາຍຸ 29 ປີ ໄດ້ເປີດໃຈໃຫ້ສໍາພາດພິເສດຕໍ່ທີມຂ່າວໜັງສືພີມພວມ ເຮົາວ່າ: ກ່ອນທີ່ຈະພາຄອບຄົວມາເປີດຮ້ານຕັດເສື້ອແວັດຢູ່ເມືອງຫຼວງພະບາງ, ເມືອງມໍລະດົກໂລກແມ່ນ ໄດ້ມາທ່ຽວກ່ອນແລ້ວ ແລະເຫັນເລີຍເກີດມັກຮັກເມືອງຫຼວງພະບາງແຫ່ງນີ້ເພາະມີຄວາມສວຍງາມຕະການຕາຈິ່ງໄດ້ພາເມຍມາເປີດຮ້ານຕີສະໜຸກເກີ້ຢູ່ບ້ານສັງຄະໂລກ ແລະຕົນເອງ ກໍ່ໄດ້ໄປຊ່ວຍວຽກພີ່ນ້ອງຮ້ານຕັດຫຍິບຢູ່ນະຄອນຫຼວງວຽງຈັນເປັນເວລາ 2 ປີ ແລະໄດ້ທຽວໄປມາຫາຄອບຄົວ ຢູ່ທີ່ຫຼວງພະບາງເປັນປະຈໍາ.

     ຕະຫຼອດໄລຍະເວລາທີ່ໄປຊ່ວຍວຽກຕັດຫຍິບນໍາພີ່ນ້ອງແບບນັ້ນຈິ່ງຢາກມີຮ້ານເປັນຂອງຕົນເອງ ແລະໄດ້ປຶກສານໍາເມຍຢຸດເຊົາຮ້ານຕີສະໜຸກເກີ້ມາໄດ້ໄລຍະໜຶ່ງຈິ່ງຕົກລົງກັນຈະເປີດຮ້ານຕັດເສືອຜ້າເປັນປະເພດເສື້ອແວັດ, ເຄື່ອງແຟຊັນຕາມຍຸກສະໄໝຈາກນັ້ນຕົນເອງກໍ່ໄດ້ໄປສຶກສາຄວາມເປັນໄປໄດ້ເຖິງຄວາມຕ້ອງການຂອງລູກຄ້າຢູ່ປະເທດເປັນເວລາ 8 ເດືອນຫຼັງຈາກກັບມາກໍ່ໄດ້ ຕັດສິນໃຈມາເປີດຮ້ານຕັດເສື້ອແວັດ ໃນເດືອນຕຸລາປີ 2016 ທີ່ບ້ານໂພສີເມືອງຫຼວງພະບາງແຂວງຫຼວງພະບາງຊຶ່ງໜ້າກັບໝວດໂຮງຮຽນປະຖົມ-ອະນຸບານຮຸ່ງເວື່ອງ. ນັບຫຼັງເປີດມາບໍ່ທັນເຖິງປີມີລູກຄ້າຈາກບັນດາກົມກອງຫ້ອງການສັ່ງຈອງຕັດເສື້ອແວັດນໍາຫຼາຍຖືວ່າຄີວແໜ້ນແຕ່ລະມື້ເຮັດໃຫ້ຄອບຄົວມີລາຍຮັບດີຂື້ນກວ່າຕອນເປີດຮ້ານສະໜຸກເກີ້.

     ສໍາລັບຄໍາຂວັນປະຈໍາໃຈຂອງ ຮ້ານແມ່ນ” ບໍລິການຕັດຫຍິບວ່ອງໄວ, ໃສ່ໃຈຄຸນນະພາບຄວາມງາມ ຕາມໃຈລູກຄ້າສັ່ງ”. ທຸກແບບຂອງຊຸດແວັດ ຍິງ-ຊາຍ, ເສື້ອໄໝ, ສິ້ນໄໝນອກຈາກຂອງທາງຮ້ານແລ້ວລູກຄ້າສາມາດສັ່ງໄດ້ຕາມໃຈມັກເພາະທາງຮ້ານພ້ອມບໍລິການທຸກສະຕາຍ ຂອງແຟຊັນຢູ່ແລ້ວ, ສ່ວນແພເນື້ອດີທີ່ນໍາມາຕັດເຄື່ອງນັ້ນແມ່ນນໍາເຂົ້າ ມາຈາກປະເທດໄທໂດຍກົງ. ປະຈຸບັນທາງຮ້ານມີຈັກເຄື່ອງຫຍິບທັງໝົດ 8 ໜ່ວຍ, ມີພະນັກງານ 5 ຄົນ, ຍິງ 3 ຄົນ. ສ່ວນລາຄາເຄື່ອງຊຸດແວັດ, ເສື້ອແວັດຂອງຜູ້ຍິງ ຫຼື ຜູ້ຊາຍ ນັ້ນລາເປັນກັນເອງສາມາດຖາມໄດ້ ແລະໃນອະນາຄົດຫາກມີລູກຄ້າເພີ່ມຂື້ນຫຼາຍຍັງຈະໄດ້ຂະຫຍາຍສາອອກໄປແຫ່ງໃໝ່ຕື່ມອີກແນໃສ່ເພື່ອບໍລິການລູກຄ້າໃຫ້ໄດ້ຕາມຄວາມຕ້ອງການ.

     ພ້ອມນີ້ ທ່ານ ນອຍສິນ ຍັງໄດ້ເຊີນຊວນໃຫ້ຜູ້ທີ່ມີຄວາມມັກຮັກຊຸດແວັດ, ເຄື່ອງສຸພາບທີ່ສວຍງາມກໍ່ສາມາດໄປແວ່ສັ່ງຊື້ນໍາທາງຮ້ານເພີ່ນ ໄດ້ສະຖານທີ່ຕັ້ງຢູ່ບ້ານໂພສີເມືອງຫຼວງພະບາງ ແຂວງຫຼວງພະບາງ ຊຶ່ງໜ້າກັບໝວດໂຮງຮຽນປະຖົມ ແລະອະນຸບານຮຸ່ງເວື່ອງ ແລະພິເສດໃນເດືອນກັນຍານີ້ທາງຮ້ານເພິ່ນຍັງ ມີໂປໂມຊັນພິເສດໃຫ້ກັບລູກຄ້າຕື່ມ ອີກສໍາລັບລູກຄ້າທີ່ຕັດຊຸດແວັດມີ ສ່ວນຫຼຸດ 10% ຂອງມູນຄ່າ, ແຖມໂບ ແລະກາລະວັດພ້ອມຮັບປະກັນ ສິນຄ້າໃຫ້ 1 ປີ ຕື່ມອີກທ້າຍນີ້ຍາກບອກຜູ້ອ່ານວ່າຮ້ານແມນເສື້ອແວັດ(MEN VESTON) ຫຼາຍຄົນອາດຈະເຂົ້າໃຈວ່າເປັນຮ້ານຕັດເຄື່ອງສໍາລັບຜູ້ຊາຍເທົ່ານັ້ນທີ່ຈິ່ງແລ້ວ” ແມນ ” ເປັນຊື່ຫຼິ້ນຂອງເຈົ້າ ຂອງຮ້ານເດີ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ທັນວາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ຄຳເຫັນຜູ້ອ່ານ

ໄປເທິງສຸດ