ວີຣັນສືບຕໍ່ແລ່ນ 385 ກິໂລແມັດວຽງຈັນ-ຫຼວງພະບາງເດືອນໜ້າ

     ໃນວັນທີ 28 ກັນຍາ ຜ່ານມາທີ່ຮ້ານອາຫານຊັນທາລານະຄອນຫຼວງວຽງຈັນ ໄດ້ຈັດພິທີຖະແຫຼງຂ່າວກ່ຽວກັບໂຄງການທີມວີ ຣັນແລ່ນ  385 ກມ ວຽງຈັນ-ຫຼວງພະບາງການກຸສົນລະດົມທຶນເພື່ອຊ່ວຍເຫຼືອໂຮງໝໍເພື່ອນລາວສຳລັບເດັກນ້ອຍ 

ຊຶ່ງເປັນໂຮງໝໍແຫ່ງດຽວ ໃນພາກເໜືອຂອງລາວທີ່ໃຫ້ການປິ່ນປົວຫຼັງການເກີດ, ເບິ່ງແຍງເດັກທີ່ເກີດໃໝ່ ແລະໃຫ້ການບໍລິການດ້ານການແພດທົ່ວໄປສຳລັບເດັກ ນ້ອຍໃນແຂວງຫຼວງພະບາງ ແລະ ບັນດາແຂວງທາງພາກເໜືອ ໂດຍທີ່ ບໍ່ໃຫ້ກຽດເຂົ້າຮ່ວມ ທ່ານນາງ ມານິດາ ສິດທິມໍລະດາ ຜູ້ກໍ່ຕັ້ງທີມວິ ຣັນ, ທ່ານ ຄາໂລ ປາຄາລາ ຫົວໜ້າທີມແລ່ນແຕ່ລະປີພ້ອມດ້ວຍພາກ ສ່ວນກ່ຽວຂ້ອງ ແລະຊື່ມວນຊົນເຂົ້າຮ່ວມ.

     ໂຄງການແລ່ນ 385 ກມ ນີ້ ແມ່ນເລີ່ມຕົ້ນໃນປີ 2014 ໂດຍທີມ ວີຣັນຮ່ວມກັບສະຖານທູດອົສຕາລີ ປະຈຳລາວ ສາມາດລະດົມທຶນໄດ້ ກວ່າ 11,000 ໂດລາ ເພື່ອສົມທົບເຂົ້າໃນການສ້າງໂຮງໝໍເພື່ອນລາວ ສຳລັບເດັກນ້ອຍແຫ່ງນີ້ ແລະໄດ້ສືບຕໍ່ລະດົມທຶນຜ່ານໂຄງການດັ່ງກ່າວ ໃນປີ 2015, ປີ 2016 ເພື່ອປະກອບສ່ວນໃນການຊື້ອຸປະກອນການ ແພດພ້ອມທັງຢາປົວພະຍາດໃຫ້ແກ່ໂຮງໝໍເພື່ອນລາວສຳລັບເດັກນ້ອຍ ຊຶ່ງນັບຕັ້ງແຕ່ເປີດໃຫ້ບໍລິການໃນປີ 2014 ໂຮງໝໍເພື່ອນລາວສຳລັບ ເດັກນ້ອຍໄດ້ປິ່ນປົວ ແລະເບິ່ງແຍງເດັກນ້ອຍສະເລ່ຍປະມານ 20,000 ຄົນຕໍ່ປີ ເຊັ່ນດຽວກັນ, ໃນປີ 2017 ນີ້ ທີມວີຣັນຮ່ວມກັບສະຖານທູດອົສຕາລີ ປະຈຳລາວຈັດໂຄງການແລ່ນ 358 ກມ ວຽງຈັນ-ຫຼວງພະບາງຂຶ້ນອີກຄັ້ງເພື່ອສືບຕໍ່ໂຄງການດີໆແບບນີ້ໃຫ້ລູກຫຼານເຮົາໄດ້ຮັບ ການປິ່ນປົວທີ່ດີ ແລະທັງເປັນການປະກອບສ່ວນຊ່ວຍເຫຼືອການຫຼຸດຜ່ອນອັດຕາການຕາຍຂອງເດັກໃນປະເທດອີກ.

     ສໍາລັບການແລ່ນ 358 ກມ ວຽງຈັນ-ຫຼວງພະບາງໃນປີນີ້ແມ່ນ ມີຈຳນວນນັກແລ່ນເຂົ້າຮ່ວມໂຄງ ການຫຼາຍຂຶ້ນ ຊຶ່ງນັກແລ່ນແມ່ນມາ ຈາກຫຼາຍສາຂາອາຊີບທີ່ແຕກຕ່າງກັນ.

     ການແລ່ນຈາກວຽງຈັນ-ຫຼວງພະບາງແມ່ນຈະໃຊ້ໄລຍະເວລາ 5 ວັນທັງໝົດແບ່ງອອກເປັນ 2 ກຸ່ມ ໂດຍກຸ່ມທຳອິດມີນັກແລ່ນຫຼັກ 3 ທ່ານທີ່ຈະແລ່ນນຳກັນຕັ້ງແຕ່ວຽງຈັນເຖິງຫຼວງພະບາງດ້ວຍໄລຍະ ທາງ 358 ກມຕໍ່ຄົນ ນຳໂດຍທ່ານ ຄາໂລ ບາຄາລາ  ນັກແລ່ນມາລາ ທອນຊາວຟິລິປິນສະມາຊິກທີມວີຣັນ, ທ່ານ ດານຽນ ໂອເຊ ນັກແລ່ນ ວິບາກ ແລະອົສຕາຣາ ມາລາທອນ (Ultera Marathon) ຊາວເຢຍລະມັນ ແລະທ່ານ ອີນທີ ເດືອນສະຫວັນ ນັກທຸລະກິດ ແລະນັກກີລາ ໄອຣອນແມນ ຫຼື ໄຕກີລາຊາວລາວ ຊຶ່ງນັກແລ່ນທັງ 3 ທ່ານນີ້ຈະແລ່ນ ດ້ວຍໄລຍະທາງສະເລ່ຍ 75 ກມ-80 ກມຕໍ່ວັນ.

     ກຸ່ມທີສອງແມ່ນຈະແລ່ນແບບ ຜັດປ່ຽນປະກອບມີນັກແລ່ນ 4 ທ່ານ ທີ່ຈະແລ່ນຜັດປ່ຽນໃນໄລຍະທາງ 80 ກມຕໍ່ມື້  ຊຶ່ງນັກແລ່ນແຕ່ລະ ທ່ານຈະແລ່ນໄລຍະ 20 ກມ ຕໍ່ມື້ໃຊ້ ເວລາທັງໝົດ 5 ວັນ ຈາກວຽງຈັນ ເຖິງຫຼວງພະບາງເຊັ່ນກັນ, ໃນນັ້ນ ປະກອບມີນາງ ສົມເພັດ ວຽງດາ ລາ ສະມາຊິກທີມວີຣັນ ນາງ ຈູບີ່ ດາລູວັນ ສີສົມເພັດ ທີມວີຣັນ, ທ່ານ ພູເຂົາ ພົມມາ ພະນັກງານບໍລິສັດ ລາວໂທລະຄົມ ແລະທ່ານ ບັນເດີ ນັກແລ່ນຊາວຟິລິປິນທີ່ຈະຊ່ວຍແລ່ນຜັດປ່ຽນໃນກຸ່ມນີ້.

     ພິເສດໄປກວ່ານັ້ນໃນປີນີ້ຈະມີ ນັກແລ່ນທີ່ເຂົ້າຮ່ວມໂຄງການນີ້ ຮ່ວມກັນແລ່ນສົ່ງນັກແລ່ນອອກຈາກ ຕົວເມືອງນະຄອນຫຼວງວຽງຈັນ ດ້ວຍໄລຍະທາງ 25 ກມ ຊຶ່ງຈະມີ ນັກແລ່ນຈາກຫຼາຍພາກສ່ວນເຂົ້າຮ່ວມບໍ່ວ່າຈະເປັນສິນລະປິນຊື່ດັງ ສັກ ວົງເຊລ, ນາງ ມານິດາ ສິດທິມໍ ລະດາ ຜູ້ກໍ່ຕັ້ງທີມວິຣັນ, ນັກແລ່ນມາຣາທອນ ຕິກ ສີລິກຸນໂພໄຊ ສະມາຊິກທີມວີຣັນ, ທ່ານ ພິໄຊ ສຸວັນໄຊ ສະມາຊິກທີມວີຣັນ, ທ່ານ ສົມບູນ ຫາລາດມະນີວົງ ຈາກສະຖານທູດ ອົສຕາລີ, ທ່ານ ຕຸກກີ້ ເພັດທະນູສອນ ໄຊຍະລາ ນັກແລ່ນ ມາຣາທອນ ຈາກທີມວີຣັນ, ທ່ານ ຮວາ ພອນປະເສີດ ສະມາຊິກທີມ ວີຣັນ, ນາງ ເຈິຣາດິນ ແຢມອາສາ ສະໝັກຈາກອົສຕາລີ, ນາງ ລັດດາວອນ ຄູນທະລັງສີ ສະມາຊິກທີມວີຣັນ ທ່ານ ສຸພັກສອນ ສີລາເພັດ ນັກຂ່າວຈາກສະຖານນີໂທລະພາບແຫ່ງຊາດ, ນັກແລ່ນທັງໝົດຈະເລີ່ມອອກຈາກປະຕູໄຊ ນະຄອນຫຼວງວຽງຈັນ ໃນວັນ 16 ຕຸລາ 2017 ເວລາ 4 ໂມງເຊົ້າ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ທັນວາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ຄຳເຫັນຜູ້ອ່ານ

ໄປເທິງສຸດ