ສີໄຄພລາຊ່າ ເອົາການສຶກສາເປັນຈຸດນຳຂອງທຸລະກິດ

     ຍຸກປະຈຸບັນ ຮ້ານຊັບພະສິນຄ້າຢູ່ພາຍໃນບ້ານຂອງເຮົານັບ ມື້ເພີ່ມຂຶ້ນເປັນຈຳນວນຫຼວງຫຼາຍ, ຊຶ່ງໄດ້ສະແດງໃຫ້ເຫັນເຖິງຄວາມ ຈະເລີນກ້າວໜ້າ ແລະມີການພັດທະນາຢ່າງຕໍ່ເນື່ອງເພື່ອເຮັດໃຫ້ບ້ານເມືອງຂອງເຮົາຮຸ່ງເຮືອງສີວິໄລຫຼາຍກວ່າເກົ່າ,

ກຸ່ມລູກຄ້າກໍຈະມີທາງເລືອກໃໝ່ໆຢ່າງຫຼວງຫຼາຍ, ແຕ່ພັດກົງກັນຂ້າມເພາະສິ່ງເຫຼົ່ານີ້ກັບກາຍເປັນສິ່ງທ້າທາຍແກ່ຜູ້ປະກອບການທີ່ຈະພັດທະນາທຸ ລະກິດໃຫ້ມີຄວາມຫຼາກຫຼາຍຄວບຄູ່ກັບສ້າງຄວາມແຕກຕ່າງເພື່ອເປັນ ຈຸດເດັ່ນຄືດັ່ງທີ່ສູນການຄ້າສີໄຄ ພຣາຊາດຳເນີນຢູ່ໃນປະຈຸບັນໂດຍ ເອົາການສຶກສາເປັນຈຸດນຳຂອງທຸລະກິດ.

     ທ່ານ ບຸນຫົງ ທຳມະວົງ ຜູ້ບໍລິຫານສູນການຄ້າສີໄຄພລາຊາ ໃຫ້ສຳພາດເມື່ອບໍ່ດົນມານີ້ໃຫ້ຮູ້ວ່າ: ຄືດັ່ງທີ່ຫຼາຍຄົນຮູ້ນຳກັນແລ້ວ ວ່າຄວາມຈະເລີນຮຸ່ງເຮືອງເປັນ ໜຶ່ງໃນຄວາມຫວັງຂອງອີກຫຼາຍໆ ຄົນທີ່ຢາກໃຫ້ເກີດກັບບ້ານເມືອງ ກໍຄືປະເທດຂອງຕົນ ຊຶ່ງບໍ່ຕ່າງ ຫຍັງກັບທີ່ປະຈຸບັນການພັດທະນາ ຂອງບ້ານເຮົາພວມເລັ່ງການພັດທະນາພື້ນຖານໂຄງລ່າງ ແລະນັ້ນ ກໍ່ກວມເອົາການພັດທະນາສິ່ງອຳນວຍຄວາມສະດວກໃນການຊື້-ຂາຍແລກປ່ຽນ ໂດຍສະເພາະແມ່ນ ໃຫ້ຫຼຸດຜ່ອນການເດີນທາງອອກ ໄປຊື້ເຄື່ອງໃຊ້ສອຍຢູ່ປະເທດເພື່ອນບ້ານ, ດ້ວຍເຫດນີ້ຈຶ່ງເຮັດໃຫ້ນັກລົງທຶນຈຳນວນໜຶ່ງຫັນມາສ້າງຮ້ານສັບພະສິນຄ້າຢູ່ພາຍໃນນັບມື້ເພີ່ມ ແລະເປີດໃຫ້ບໍລິການກໍມີຫຼາຍບໍ່ວ່າຈະເປັນສາຂາຮ້ານສັບພະສິນຄ້າຊື່ດັງ, ນັກລົງທຶນທີ່ມີຄວາມຊຳນານສະເພາະດ້ານ ແລະອື່ນໆມາລົງທຶນສ້າງໃຫ້ເປັນສູນການຄ້າທີ່ທຽບເທົ່າກັບຕ່າງປະເທດ ຊຶ່ງກໍເປັນສີ່ງທີ່ດີສຳລັບກຸ່ມຜູ້ບໍລິໂພກ ແລະທັງເປັນການຝຶກທັກສະຄວາມສາມາດແກ່ຜູ້ປະກອບການທັງຫຼາຍວ່າຈະຫາທາງອອກກໍຄືຈະພັດທະນາທຸລະກິດຂອງຕົນເອງແບບໃດໃຫ້ມີຄວາມໂດດເດັ່ນ ແລະແຕກຕ່າງຈາກຄູ່ແຂ່ງຈຶ່ງຈະສາມາດຍາດສ່ວນແບ່ງຂອງຕະຫຼາດໄດ້, ແຕ່ກົງກັນຂ້າມຮ້ານສີໄຄ ພລາຊາຈະຄິດຕ່າງໂດຍຈຸດຕ່າງ ດັ່ງກ່າວຈະສົ່ງຜົນດີກັບອີກຫຼາຍໆ ຄົນໂດຍສະເພາະແມ່ນການສ້າງສູນການຄ້າໃຫ້ກາຍເປັນສູນລວມຂອງການຮຽນຮູ້.

     ສູນການຄ້າສີໄຄພລາຊາເປັນສູນການຄ້າທີ່ມີທັງໝົດ 6 ຊັ້ນ, ປະຈຸບັນໄດ້ເປີດໃຫ້ພໍ່ຄ້າຊາວຂາຍ ໄດ້ເຂົ້າຈັບຈອງ ແລະວາງຂາຍ ແລ້ວຈຳນວນໜຶ່ງຕາມຄວາມເໝະສົມກັບຄວາມຕ້ອງການຕົວຈິງໃນປະຈຸບັນນີ້ເປັນຕົ້ນແມ່ນຊັ້ນ 6 ເປັນຫ້ອງຮັບແຂກ ຫຼື ອາພາດ ເມັນເພື່ອອຳນວຍຄວາມສະດວກ ໃຫ້ກັບຜູ້ມາຈັດງານຕ່າງໆສາມາດພັກໄດ້, ດຽວນີ້ສ້າງໃກ້ສຳ ເລັດແລ້ວ, ສ່ວນຊັ້ນທີ 5 ຈະເປັນ ບ່ອນຈັດງານລ້ຽງ, ອີເວັ້ນຕ່າງໆ ທີ່ສາມາດບັນຈຸໄດ້ຫຼາຍພັນຄົນ, ຊັ້ນ 4 ເປັນສູນລວມຂອງການສຶກສາ ແລະຊັ້ນ 3 ແນ່ນອນວ່າມີການສຶກສາແລ້ວ, ເມື່ອຝົນຕົກແດດອອກເດັກກໍຕ້ອງມີຜູ້ພາມາ ແລະໃນຂະນະທີ່ຜູ້ໃຫຍ່ລໍຖ້າເດັກຮຽນກໍສາມາດຊ໋ອບປີ້ງ ແລະບໍລິໂພກອາຫານໄດ້ຢູ່ໃນຊັ້ນນີ້ ຫຼື ຊັ້ນ 2 ແລະຊັ້ນ 1 ກໍໄດ້ເພາະເປັນໂຊນໄອທີ, ຂາຍເຄື່ອງແຟຊັນ, ເຄື່ອງເງິນ, ຄຳ, ອັນຍະມະນີ, ເຄື່ອງປະດັບ ແລະຮ້ານປື້ມ, ຊຸບເປີມາເກັດ, ສູນອາຫານທະເລ ແລະອື່ນໆ.

     ທ່ານ ບຸນຫົງ ທຳມະວົງ ກ່າວຕື່ມວ່າ: ເຖິງແມ່ນວ່າສູນການຄ້າສີໄຄ ພລາຊາ ຈະຫາກ່ໍເປີດໃຫ້ບໍລິການ ແລະມີພຽງຮ້ານທີ່ເຂົ້າມາ ຂາຍແຕ່ 20% ເທົ່ານັ້ນ, ແຕ່ເຊື່ອແນ່ວ່າສູນການຄ້າແຫ່ງນີ້ຈະເປັນທາງເລືອກທີ່ດີອີກທາງໜຶ່ງໃຫ້ກັບພໍ່ຄ້າຊາວຂາຍ ແລະຜູ້ຊື້ທີ່ຕ້ອງ ການຄວາມແຕກຕ່າງໄດ້ພາລູກຫຼານມາເປັນຜ່ອນໃນເວລາທີ່ເໝາະສົມ. 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ