ຮ້ານວິພາວັນເຊື່ອທຸລະກິດຮ້ານອາຫານໄປໄດ້ງາມຖ້າເຮັດສະອາດແຖມໂປຣໂມເຊິນ

     ທຸກວັນນີ້ທຸລະກິດຮ້ານອາຫານກຳລັງເພີ່ມຂຶ້ນຫຼາຍພ້ອມນັ້ນການມີຄູ່ແຂ່ງການຕະຫຼາດກໍ່ນັບມື້ເພີ່ມຂຶ້ນຫຼາຍເຊັ່ນດຽວກັນແຕ່ສະເພາະ ອາຫານທີ່ສົດມີຄຸນນະພາບປຸງແຕ່ງມາດີຜ່ານສີມືແມ່ຄົວທີ່ເກັ່ງ ແລະມີເມນູຫຼາກຫຼາຍແຖມໂປຣໂມເຊິນເປັນບາງໄລຍະຈະຊ່ວຍເພີ່ມຍອດຂາຍໄດ້ພໍສົມຄວນ.

 

     ທ່ານນາງ ວິພາວັນ ວົງໄຊ ເຈົ້າຂອງຮ້ານອາຫານວິພາວັນໄດ້ໃຫ້ ສຳພາດກັບທີມຂ່າວໜັງສືພິມເສດຖະກິດ-ສັງຄົມວ່: ໃນຄອບຄົວຂອງຕົນນັບແຕ່ລຸ້ນແມ່ຕູ້ຈົນເຖິງລຸ້ນແມ່ ແລະມາຮອດລຸ້ນຕົນເອງແມ່ນມີ ຄວາມມັກຮັກໃນການປຸງແຕ່ງ ແລະໃນເວລາໄປງານລ້ຽງ, ງານນອກສະຖານທີ່ຕ່າງໆແມ່ນໄດ້ສຶກສາໄປນຳພ້ອມນັ້ນໄດ້ເອົາມາດັດມາແປງ ເພື່ອຊຶມຊັບເອົາປະສົບການແຕ່ງລົດຊາດທີ່ຖືກປາກຫຼາຍຄົນມາໃສ່ການປຸງແຕ່ງອາຫານ ໂດຍຈຸດນີ້ເປັນແນວຄິດແຮງບັນດານໃຈ ແລະໄດ້ສ້າງຮ້ານອາຫານວິພາວັນຂຶ້ນມາເພື່ອບໍ ລິການໃຫ້ກັບລູກຄ້າໃນປະຈຸບັນຮ້ານວິພາວັນແມ່ນບໍລິການທາງດ້ານອາຫານ ຊຶ່ງໄດ້ເອົາວັດຖຸດິບທີ່ ໄດ້ຄຸນນະພາບມາໃຊ້ໃນການປຸງແຕ່ງ ໂດຍສະເພາະຈະເນັ້ນປະກອບອາຫານທະເລທີ່ສົດໃໝ່ເຊັ່ນ: ກຸ້ງ, ປູ, ຫອຍ ແລະປາເພາະວ່າວັດຖຸດິບຊະນິດນີ້ຢູ່ປະເທດເຮົາຈະຂ້ອນຂ້າງ ຫາຍາກດັ່ງນັ້ນຈຶ່ງໄດ້ເນັ້ນປຸງອາຫານທີ່ມີສ່ວນປະກອບເປັນຫຼັກແມ່ນອາຫານທະເລທີ່ໄດ້ມາປຸງແຕ່ງເປັນເມນູເຂົ້າຜັດກຸ້ງ, ໝີ່ທະເລ, ໝີ່ຈ໋ອບທະເລທະເລຊ໋ອດ, ລາດໜ້າໝູນຸ້ມ ແລະອື່ນໆນອກນັ້ນຈະມີເມ ນູຫຼາກຫຼາຍໃຫ້ເລືອກ 100 ກວ່າເມນູແຕ່ສະເພາະເມນູເດັ່ນທາງຮ້ານ ຂອງເຮົາປະຈຸບັນແມ່ນປະເພດເມນູປາກະເພາະທອດນ້ຳປາ, ປູຜັດຜົງກະຫຼີ່ ແລະກຸ້ງຊ໋ອດໄຂ່ມັນພ້ອມນີ້ຮ້ານວິພາວັນຍັງມີໂປຣໂມເຊິນ ສ່ວນຫຼຸດ 20% ແຕ່ສະເພາະຈະ ຫຼຸດໃນຫ້າວັນຫ້າກຸ່ມຄື: ວັນຈັນຈະຫຼຸດສະເພາະອາຫານກຸ່ມປູ, ວັນຄານແມ່ນໄດ້ຫຼຸດກຸ່ມກຸ້ງ, ວັນພຸດແມ່ນໄດ້ຫຼຸດກຸ່ມປາ, ວັນພະຫັດແມ່ນໄດ້ຫຼຸກກຸ່ມປາມຶກ ແລະວັນສຸກແມ່ນໄດ້ຫຼຸດກຸ່ມຫອຍທ່ານນາງ ວິພາວັນ ຍັງບອກໃຫ້ຮູ້ອີກວ່າຮ້ານອາຫານວິພາວັນຂອງພວກເຮົາເປັນຮ້ານທີ່ໄດ້ເປີດບໍລິການໃໝ່ ຊຶ່ງໄດ້ສະແດງອອກຈຸດເດັ່ນຢູ່ບ່ອນວ່າພາຍຫຼັ້ງເປີດບໍລິການບໍ່ຮອດເດືອນແຕ່ກໍ່ຍຶດຄວາມເຊື່ອ ໝັ້ນໃນແຜນຍຸດທະສາດທີ່ກຳນົດ ໄວ້ແຕ່ທີ່ຕົນເຮັດໃຫ້ລູກຄ້າເພິ່ງພໍໃຈ ພ້ອມນັ້ນກໍ່ແມ່ນການດູແລເບິ່ງແຍງເອົາໃຈໃສ່ບຸກຄະລາກອນທີ່ເປັນຜູ້ຮັກສາໃຫ້ມີຄວາມສຳຄັນເປັນຢ່າງດີ ແລະອີກໜຶ່ງຮ້ານຂອງເຮົາໄດ້ສຸມເອົາໃຈໃສ່ດ້ານການບໍລິການ ແລະດ້ານການປຸງແຕ່ງອາຫານທີ່ໄດ້ມາດຕະຖານຊຶ່ງໄດ້ເອົາດ້ານນີ້ສາມາດສ້າງຄວາມເຊື່ອໝັ້ນຕໍ່ຜູ້ໃຊ້ບໍລິໂພກຫຼາຍຂື້ນ.

     ສຳລັບທ່ານໃດທີ່ສົນໃຈຢາກກິນອາຫານທະເລທີ່ສົດທີ່ປຸງແຕ່ງ ໂດຍວັດຖຸດິບທີ່ໄດ້ມາດຕະຖານ ແລະປອດໄພຈາກສານພິດ,ດີຕໍ່ສຸຂະພາບ ແລະມີລົດຊາດຖືກປາກກໍ່ມາລອງ ຊີມຄວາມແຊບອາຫານຂອງຮ້ານ ໄດ້ສະຖານທີ່ຕັ້ງຢູ່ບ້ານທົງຂັນຄຳເມືອງຈັນທະບູລີຕະຫຼາດວັງທອງ 450 ປີນະຄອນຫຼວວຽງຈັນ ຫຼື ທ່ານໃດຢາກສັ່ງຈອງໂຕະລ່ວງໜ້າກໍ່ສາມາດຕິດຕໍ່ເບີ 020 29222992 ຊຶ່ງເປີດບໍລິການເວລາ 11:00-14:00  ແລະ17:00-22:00.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ທັນວາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ຄຳເຫັນຜູ້ອ່ານ

ໄປເທິງສຸດ