ໂຮງງານດິນບ໋ອກປະສານ 450 ປີ ສຶກສາຕະຫຼາດກ່ອນຈຶ່ງ ຜະລິດແນວທາງທຸລະກິດຂອງຕົນ

     ໂຮງງານດິນບ໋ອກປະສານ 450 ປີ ເປັນໂຮງງານຜະລິດດິນບ໋ອກທີ່ແຂງແຮງ, ທົນຄວາມຮ້ອນ ຊຶ່ງໄດ້ອອກແບບສູດການຜະລິດຈາກປະເທດອົສຕຣາລີ ແລະຜະລິດດ້ວຍເຄື່ອງອັດໄຮໂດຣລິກທີ່ໄດ້ຄຸນນະພາບມາດຕະຖານ.

 

     ທ່ານນາງ ສຸກັນຍາ ເດດມີໄຊ ເຈົ້າຂອງໂຮງງານ  450 ປີບ໋ອກປະສານ ຊຶ່ງໃຫ້ສຳພາດກັບທີມງານນັກຂ່າວໜັງສືພິມເສດຖະກິດ-ສັງຄົມວ່າໂຮງງານນີ້ເກີດຂຶ້ນ: ພາຍຫຼັງກະຊວງວິທະຍາສາດ ແລະເຕັກໂນໂລຊີເຜີຍແຜ່ສິນຄ້າທີ່ນໍາເອົາເຄື່ອງ ຜະລິດຕະພັນການອອກແບບຜະລິດ ດິນບ໋ອກປະສານທີ່ສູນການຄ້າລາວ ໄອເຕັກຈຶ່ງເກີດມີຄວາມສົນໃຈໄປສຶກສາຄວາມຮູ້ຢູ່ຈັງຫວັດຈັນທະບູລີທີ່ປະເທດໄທກໍ່ຄືໄດ້ສຶກສາວິໃຈ ການນຳເອົາວັດຖຸດິບ, ສຶກສາກ່ຽວ ກັບເທັກນິກການຜະລິດ ແລະສຶກສາການຕະຫຼາດແລ້ວມາສ້າງຕັ້ງໂຮງງານ 450 ປີບ໋ອກປະສານຂື້ນມາເພື່ອປະກອບເຂົ້າໃນການກໍ່ສ້າງຢູ່ລາວໃຫ້ມີທ່າແຮງເພີ່ມຂື້ນ.

     ໂຮງງານ 450 ປີບ໋ອກປະສານ ແມ່ນໄດ້ນຳໃຊ້ວັດຖຸດິບທີ່ໄດ້ຜ່ານການວິໃຈເຂົ້າໃນການຜະລິດ ແລະ ເນັ້ນໃຫ້ມີຄຸນນະພາບມາດຕະຖານ ເພື່ອໄວ້ວາງໃຈຕໍ່ລູກຄ້ານອກຈາກນັ້ນແລ້ວບ໋ອກປະສານຍັງຕອບໂຈດຜູ້ທີ່ຢາກສ້າງເຮືອນທີ່ທັນສະໄໝ, ສ້າງກຳແພງ, ຈັດສວນ, ເຮັດອ່າງ ນ້ຳ, ແຕ່ງເຮືອນ ຊຶ່ງສາມາດອອກ ແບບທາດ້ວຍຕົນເອງຢ່າງເປັນເອກະລັກບໍ່ຊໍ້າໃຜ.

     ສິ່ງສຳຄັນຖ້າໃຊ້ດິນບ໋ອກຈະຊ່ວຍຫຼຸດຄວາມຮ້ອນພາຍໃນເຮືອນ ອີກທັງດິນບ໋ອກຈາກໂຮງງານ 450 ປີຍັງມີຄວາມແຂງແຮງທົນທານ ປະຢັດເວລາ, ປະຢັດງົບປະມານຕົ້ນ ທຶນ ໂດຍບໍ່ຈຳເປັນຕ້ອງມີຊ່າງທີ່ມີ ຄວາມຊຳນິຊຳນານມາຊ່ວຍແນະນຳກໍ່ສ້າງມາດກໍ່ສາເອງໄດ້ສຳລັບ ຜະລິດຕະພັນຂອງບ໋ອກປະສານມີຢູ່ 4 ປະເພດຄື: ບ໋ອກກໍ່ສ້າງ ທົ່ວໄປ, ບ໋ອກປູພື້ນ, ບ໋ອກໂຄ້ງອ້ອມເສົາ ແລະບ໋ອກໂຄ້ງອ່າງນ້ຳ ແລະ ມີລາຄາແມ່ນເລີ່ມຕົ້ນຢູ່ 2500 ຫາ 4000 ກີບ.

     ທ່ານນາງ ສຸກັນຍາ ເດດມີໄຊ ຍັງບອກອີກວ່າ: ພາຍຫຼັງເປີດໃຊ້ບໍ ລິການບໍ່ພໍຮອດປີກະແສຕອບຮັບຈາກສັງຄົມຖືວ່າດີ ຊຶ່ງສາມາດສ້າງ ຄວາມເຊື່ອໝັ້ນແກ່ລູກຄ້າເພາະວ່າ ໂຮງງານຂອງພວກເຮົາມີສິນຄ້າມາດຕະຖານ  ແລະບໍລິການດີພ້ອມນັ້ນ ໃນເວລາລູກຄ້າທີ່ເຂົ້າມາສັ່ງຈອງຊື້ແມ່ນຈະມີພະນັກງານວິຊາການໄປ ແນະນຳເທັກນິກການກໍ່ສ້າງເພື່ອໃຫ້ ລູກຄ້າຮູ້ເຂົ້າໃຈໂດຍບໍ່ຈຳເປັນຕ້ອງມີຊ່າງມາຊ່ວຍກໍ່ເຮັດເອງໄດ້, ແນວໃດກໍ່ດີ, ເຈົ້າຂອງໂຮງງານຍອມຮັບວ່າການເຮັດທຸລະກິດໄດ້ກໍ່ຕ້ອງສຶກສາຕະຫຼາດກ່ອນເຊັ່ນດຽວກັບໂຮງງານ 450 ປີ ກ່ອນຈະສ້າງໂຮງ ງານຜະລິດແມ່ນໄດ້ວາງແຜນການວ່າຈະຜະລິດ 800 ກ້ອນຕໍ່ມື້ແຕ່ປະຈຸບັນລູກຄ້າສັ່ງຫຼາຍແມ່ນໄດ້ຜະລິດ 1600 ກ້ອນຕໍ່ມື້.

     ທ່ານໃດສົນສັ່ງຊື້ ຫຼື ເປັນຕົວແທນຈໍາໜ່າຍສາມາດຕິດຕໍ່ໄດ້ທີ່ໂຮງງານ 450 ປີບ໋ອກປະສານຊຶ່ງ ຕັ້ງຢູ່ບ້ານາແຄເມືອງໄຊທານີນະຄອນຫຼວງວຽງຈັນ ໂທ: 020 5579 9991, 020 55955444.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ