ອຸດສາຫະກຳເຫຼັກກ້າໂລກອາດພົບຄວາມສ່ຽງເພີ່ມ

   ຜູ້​ຊ່ຽວຊານ​ກ່າວ​ວ່າ ຫຼັງ​ຈາກ​ຂະ​ແໜງ​ເຫຼັກ​ກ້າ​ທົ່ວ​ໂລກ​ເຄີຍ​ພົບ​ພາວະ​ຕົກ​ຕໍ່າ​ເພາະ​ເຫຼັກ​ກ້າ​ລົ້ນ​ຕະຫຼາດ ຂະ ​ແໜງ​ເຫຼັກ​ກ້າ​ທົ່ວ​ໂລກ​ກໍ​ຟື້ນ​ຕົວ​ຂຶ້ນ ​ໂດຍ​ໄດ້​ຮັບ​ແຮງ​ຊຸກຍູ້​ຈາກ​ການ​ປັບ​ຫຼຸດ​ກຳລັງ​ການ​ຜະລິດ​ເຫຼັກ​ກ້າ​ໃນສປ ​ຈີນ.

 

   ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ: ການ​ຟື້ນ​ຕົວ​ນີ້​ກຳລັງ​ປະ​ເຊີນ​ກັບ​ຄວາມ​ສ່ຽງ ​ເນື່ອງ​ຈາກ​ມີ​ການ​ປັບ​ເພີ່ມ​ກຳລັງ​ການ​ຜະລິດ​ສ່ວນ​ເກີນ​ໃນ​ພາກ​ພື້ນ​ຕາ​ເວັນ​ອອກກາງ ​ແລະ ອາຊີ, ທັງ​ນີ້​ຈີນ​ລະບຸ​ວ່າ ຈີນ​ໄດ້​ປັບ​ຫຼຸດ​ການ​ຜະລິດ​​ເຫຼັກ​ກ້າ​ແບບ​ຖືກ​ກົດໝາຍ​ລົງ​​ໄປ​ແລ້ວ​ເກື​ອບ 100 ລ້ານ​ໂຕນ ​ແລະ ປັບ​ຫຼຸດ​ກຳລັງ​ການ​ຜະລິດ​ເຫຼັກ​ກ້າ​ຄຸນ​ນະພາ​ບ ຕໍ່າ​ທີ່​ຜິດ​ກົດ​ໝາຍ​ໄປ​ແລ້ວ 120 ລ້ານ​ໂຕນ ນັບ​ຕັ້ງ​ແຕ່​ເດືອນ​ມັງກອນ ​ແຕ່​ກຳລັງການ​ຜະລິດ​ເຫຼັກ​ກ້າ​ທົ່ວ​ໂລກ​ຫຼຸດ​ລົງ​ພຽງ​ເລັກ​ນ້ອຍ​ເທົ່າ​ນັ້ນ. ອົງການ​ເພື່ອ​ຄວາມ​ຮ່ວມ​ມື ​ແລະ ພັດທະນາ​ເສດຖະກິດ(​ໂອ​ອີ​ຊີ​ດີ)ລະບຸ​ໃນ​ລາຍ​ງານ​ຫຼ້າ​ສຸດ​ວ່າ ກຳລັງ​ການ​ຜະລິດ​ເຫຼັກ​ກ້າ​ທົ່ວ​ໂລກ​ຢູ່​ທີ່ 2,36 ຕື້​ໂຕນ​ໃນ​ໄລຍະ​ຕົ້ນ​ປີ​ນີ້ ​ໂດຍ​ຫຼຸດ​ລົງ​ພຽງ 0,6% ຈາກ 2,37 ຕື້​ໂຕນ​ໃນ​ປີ 2016.

   ກຳລັງ​ການ​ຜະລິດ​ທີ່​ເພີ່ມ​ຂຶ້ນ​ນີ້ ອາດ​ຈະ​ເປັນ​ການ​ຜະລິດ​ເພື່ອ​ສົ່ງ​ອອກ​ໃນ​ບາງ​ສ່ວນ ​ໃນ​ຂະນະ​ທີ່​ສະມາຄົມ​ເຫຼັກ​ກ້າ​ໂລກ​ປະ​ເມີ​ນວ່າ ອຸປະ​ສົງ​ເຫຼັກ​ກ້າ​ໃນ​ພາກ​ພື້ນ​ຕາ​ເວັນ​ອອກ​ກາງ​ອາ​ດ​ເພີ່ມ​ຂຶ້ນ​ພຽງ 3,7 ລ້ານ​ໂຕນ​ໃນ​ປີ​ນີ້ ​ແລະ ປີໜ້າ, ​ໂດຍ​ອີຣານຕັ້ງ​ເປົ້າ​ທີ່​ຈະ​ສົ່ງ​ອອກ​ເຫຼັກ​ກ້າ 20-25 ລ້ານ​ໂຕນ​ໃນ ປີ 2025 ​ຫຼື​ເກືອບ 1 ​ໃນ 3 ຂອງ​ປະລິມານ​ການ​ສົ່ງ​ອອກ​ເຫຼັກ​ກ້າ​ຂອງ​ຈີນ​ໃນ​ປີ​ນີ້.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ