ໜີ້ຕໍ່ຈີດີພີປະເທດເສດຖະກິດເກີດໃໝ່ຫຼຸດລົງ

​      ເຈ​ພີ​ມໍ​ແກ​ນ ລະບຸ​ວ່າ ອັດຕາ​ສ່ວນ​ໜີ້​ຕໍ່ ຈີ​ດີ​ພີ ປະ​ເທດ​ຕະຫຼາດ​ເກີດ​ໃໝ່ ​ແລະ ຂະ​ແໜງ​ເອກະ​ຊົນ​ຂອງ​ກຸ່ມ​ປະ​ເທດ​ຕະຫຼາດ​ເກີດ​ໃໝ່​ຫຼຸດ​ລົງ​ເປັນ​ເທື່ອ​ທຳ​ອິດ​ໃນ​ຮອບ 6 ປີ.

 

   ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ: ໜີ້​ໃນ​ພາ​ກລັດ ​ແລະ ​ເອກະ​ຊົນ​ຂອງ​ກຸ່ມ​ປະ​ເທດ​ຕະຫຼາດ​ເກີດ​ໃໝ່​ເມື່ອ​ຄິດ​ເປັນ​ສ່ວນ​ຮ້ອຍ​ຂອງ​ຕົວ​ເລກ​ຜະລິດ​ຕະພັນ​ພາຍ​ໃນ(ຈີ​ດີ​ພີ)ຫຼຸດ​ລົງ​ໃນ​ປີ​ນີ້ ຊຶ່ງ​ເປັນ​ເທື່ອ​ທຳ​ອິດ​ນັບ​ຕັ້ງ​ແຕ່​ປີ 2011 , ຫຼັງຈາກ​ທີ່​ເພີ່ມ​ຂຶ້ນ 5 ປີຕິ​ດຕໍ່​ກັນ ໜີ້​ຂອງ​ກຸ່ມ​ປະ​ເທດ​ຕະຫຼາດ​ເກີດ​​ໃໝ່​ຄົງ​ທີ່ ອັນ​ເນື່ອງມາ​ຈາກ​ການ​ຂະຫຍາຍຕົວ​ຫຼາຍ​ຂຶ້ນ​ຂອງ​ກຸ່ມ​ປະ​ເທດ​ພັດ​ທະນາ​ນ້ອຍ ​ແລະ ການ​ກູ້​ເງິນ​ເພີ່ມ​ຂຶ້ນ​ໃນ​ອັດຕາ​ທີ່​ຫຼຸດ​ລົງ ​ແລະ ນັ້ນ​ນ່າຈະ​ຊ່ວຍ​ຫຼຸດ​ຄວາມ​ສ່ຽງ​ຈາກ​ພາວະ​ໄຮ້​ສະຖຽນ​ລະ​ພາບ​ທາງ​ການ​ເງິນ. ​ໂດຍ​ລວມ​ແລ້ວ ລະດັບ​ໜີ້​ຕໍ່​ຈີ​ດີ​ພີ​ຂອງ​ກຸ່ມ​ປະ​ເທດ​ຕະຫຼາດ​ເກີດ​ໃໝ່​ໃນ​ຮອບ​ປີ​ທີ່​ຜ່ານ​ມາ​ຫຼຸດ​ລົງ​ສູ່​ລະດັບ 116,5% ຫຼື​ຫຼຸດ​ລົງ 2,1% ຂະນະ​ທີ່​ປະ​ເທດ​ຕະຫຼາດ​ເກີດ​ໃໝ່​ບໍ່​ລວມສປ ຈີນ​ຫຼຸດ​ລົງ 77,9% ຂອງ​ຈີ​ດີ​ພີ.

   ນັກວິ​ເຄາະ​ຂອງ​ເຈ​ພີ​ມໍ​ແກນ​ກ່າວ​ວ່າ ການ​ຂະຫຍາຍຕົວ​ຂອງ​ສິນ​ເຊື່ອ​ໃນ​ຂະ​ແໜງ​ເອກະ​ຊົນ ຍັງ​ຄົງ​ເພີ່ມ​ຂຶ້ນ 43% ຈາກ​ລະດັບ​ໃນ​ປີ 2008 ​ແຕ່​ມີ​ສາຍ​ເຫດ​ຕົ້ນ​ຕໍ​ມາ​ຈາກ​ການ​ກູ້​ຢືມ​ເງິນ​ໃນ​ຈີນ ຊຶ່ງ​ມີ​ເສດຖະກິດ​ໃຫຍ່​ສຸດ​ເປັນອັນ​ດັບ 2 ຂອງ​ໂລກ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ທັນວາ 2017 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ຄຳເຫັນຜູ້ອ່ານ

ໄປເທິງສຸດ