ອາລີບາບາທຸ່ມງົບ 15 ຕື້ໂດລາ ພັດທະນາປັນຍາປະດິດ

   ບໍລິສັດອາລີບາບາກຣຸບ ໂຮລດິງ ລາຍໃຫຍ່ດ້ານອີຄອມເມີຊຈາກສປ ຈີນ ເປີດເຜີຍໂຄງການອາລີບາບາ ເດໂມອະຄາເດ ເພື່ອສ້າງສູນວິໄຈ ແລະ ພັດທະນາ(ອາຣແອນດີ) 8 ແຫ່ງ ມູນຄ່າ 15 ຕື້ໂດລາສະຫະລັດໃນ ຈີນ,

ອິດສະຣາແອນ, ອາເມລິກາ, ຣັດເຊຍ ແລະ ສິງກະໂປ.

   ຕາມ​ຂ່າວ​ຕ່າງປະ​ເທດ​ລາຍ​ງານ​ວ່າ ໃນວັນທີ 11 ຕຸລາ ຜ່ານມາ ອາລີບາບາທຸ່ມເງິນຫຼາຍກວ່າ 15 ຕື້ໂດລາສະຫະລັດ ເພື່ອເພີ່ມການວິໄຈ ແລະ ພັດທະນາໃຫ້ຫຼາຍຂຶ້ນ ໃນໄລຍະ 3 ປີຕໍ່ໜ້າ ເພື່ອພັດທະນາເຕັກໂນໂລຊີ, ຊຸກຍູ້ທຸລະກິດ ແລະ ສຳຫຼວດໂຄງການຕ່າງໆ ຊຶ່ງອາດເຮັດໃຫ້ອຸດສາຫະອື່ນໆປ່ຽນແປງໄປໄດ້, ໂດຍວາງແຜນຈະສ້າງຫ້ອງທົດລອງວິໄຈຈຳນວນ 7 ຫ້ອງ ແລະ ຈ້າງນັກວິທະຍາສາດ 100 ຄົນຈາກທົ່ວໂລກ ເພື່ອສຶກສາລົງເລິກເຖິງປັນຍາປະດິດ, ອິນເຕີເນັດ, ສິ່ງຂອງ ແລະ ຄອມພີວເຕີ ໂດຍບໍລິສັດຈະເນັ້ນເລື່ອງການຮຽນຮູ້ຄອມພີວເຕີ ແລະ ການຮັກສາຄວາມປອດໄພໃນເຄືອຂ່າຍ.

   ອາລີບາບາມີວິສາວະກອນ ແລະ ນັກວິທະຍາສາດຢູ່ແລ້ວປະມານ 25 ພັນຄົນ ແລະ ໃຊ້ງົບປະມານໃນການສຶກສາວິໄຈປະມານ 3 ຕື້ໂດລາຕໍ່ປີ, ເຈຟ ຈຽງ ເຈົ້າໜ້າທີ່ດ້ານເຕັກໂນໂລຊີຂອງອາລີບາບາກ່າວວ່າ ຫ້ອງປະຕິບັດການດັ່ງກ່າວຈະຊ່ວຍແກ້ບັນຫາຕ່າງໆ ທີ່ບໍລິສັດກຳລັງປະເຊີນຢູ່ໃນສາຍທຸລະກິດ ນອກຈາກນີ້ ຍັງສົ່ງຜົນໃຫ້ອາລີບາບາຂຶ້ນເປັນຜູ້ນຳໃນການພັດທະນາເຕັກໂນໂລຊີອີກດ້ວຍ.

ຄະແນນລາຍການນີ້
(1 Vote)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ຕຸລາ 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

ຄຳເຫັນຜູ້ອ່ານ

ໄປເທິງສຸດ