ກຸ່ມທຸລະກິດໂຮງສີເຂົ້າ ແລະກຸ່ມສົ່ງເສີມພືດກະສິກຳສະຫຼຸບວຽກງານ

     ກອງປະຊຸມສະຫຼຸບວຽກງານຮອບດ້ານຂອງກຸ່ມທຸລະກິດໂຮງສີເຂົ້າ, ເກັບຊື້ເຂົ້າ ແລະກຸ່ມສົ່ງເສີມພືດກະສິກຳເພື່ອສົ່ງອອກປະຈຳປີ 2017 ເມືອງພຽງ ແຂວງໄຊຍະບູລີ ໄດ້ຈັດຂຶ້ນໃນວັນທີ 14 ພະຈິກ 2017 ທີ່ຫ້ອງປະຊຸມບ້ານນາແຄມ ໂດຍການເປັນປະທານຂອງທ່ານ ສຸວັນທອງ ພູມມາວົງ ຮອງເຈົ້າເມືອງໆພຽງ, ມີກຳມະການພັກເມືອງ, ຫົວໜ້າຮອງ ຫົວໜ້າຫ້ອງການ, ພະນັກງານວິຊາ ການພ້ອມດ້ວຍສະມາຊິກກຸ່ມເກັບຊື້ເຂົ້າຮ່ວມ.

 

     ກອງປະຊຸມໄດ້ຜ່ານບົດສະຫຼຸບ ວຽກງານຮອບດ້ານຂອງກຸ່ມທຸລະກິດໂຮງສີເຂົ້າ, ເກັບຊື້ເຂົ້າ ແລະກຸ່ມສົ່ງເສີມພືດກະສິກຳເພື່ອສົ່ງອອກ, ຊຶ່ງໃນໄລຍະໜຶ່ງປີຜ່ານມາກຸ່ມໂຮງສີເຂົ້າ, ເກັບຊື້ເຂົ້າແມ່ນໄດ້ລົງທຶນສົ່ງ ເສີມແນວພັນເຂົ້າມະລິພັນປີທັງໝົດ 400 ກວ່າເປົາເທົ່າກັບ 10 ພັນກວ່າກິໂລ, ລວມມູນຄ່າ ເປັນເງິນ 80 ລ້ານກວ່າກີບ ໃຫ້ບັນດາບ້ານຕ່າງໆພາຍໃນເມືອງພ້ອມທັງເກັບຊື້ພ້ອມ ແລະກໍ່ສາມາດສົ່ງອອກຂາຍໃຫ້ຕ່າງແຂວງຕ່າງເມືອງເຂົ້າສານໄດ້ທັງໝົດ 1 ພັນກວ່າໂຕນ, ເຂົ້າເປືອກ 400 ກວ່າໂຕນ. ສຳລັບກຸ່ມພືດກະສິກຳເພື່ອສົ່ງອອກແມ່ນ ກໍ່ສາມາດເກັບຊື້ ແລະສົ່ງອອກຂາຍ ໄດ້ທັງໝົດ 2 ພັນໂຕນ ລວມມູນຄ່າເປັນເງີນ 4 ຕື້ກວ່າກີບ ໃນນັ້ນສາລີຝັກ 200 ກວ່າໂຕນ, ສາລີເມັດ 800 ກວ່າໂຕນ, ໝາກງາ 200 ກວ່າໂຕນ ແລະໝາກເດືອຍ 1 ພັນກວ່າໂຕນ. 

     ກອງປະຊຸມຄັ້ງນີ້ຕາງໜ້າທັງກຸ່ມ ທຸລະກິດກໍ່ໄດ້ຂື້ນປະກອບຄຳຄິດຄຳ ເຫັນຕໍ່ກັບການເກັບຊື້ພືດກະສິກຳ ໂດຍສະເພາະແມ່ນທາງດ້ານລາຄາໃຫ້ໄປຕາມກົນໄກທ້ອງຕະຫຼາດຕົວຈິງບໍ່ໃຫ້ມີການລຸດຫຼືເພີ່ມລາຄາໃນການຊື້-ຂາຍເພື່ອເຮັດໃຫ້ບັນດາກຸ່ມ ເກັບຊື້ບໍ່ມີຄວາມຂັດແຍ່ງເຊິ່ງກັນ ແລະກັນ ແລະເຮັດໃຫ້ວຽກງານການສົ່ງອອກຂາຍສິນຄ້າຢູ່ພາຍໃນເມືອງມີການຂະຫຍາຍຕົວກໍ່ຄືເຮັດໃຫ້ເສດຖະກິດຂອງເມືອງນັບມື້ນັບເພີ່ມຂຶ້ນເລື້ອຍໆ.

     ໂອກາດນີ້ ທ່ານ ສຸວັນທອງ ພູມມາວົງ ຮອງເຈົ້າເມືອງທັງເປັນຜູ້ຊີ້ນຳວຽກງານເສດຖະກິດຂັ້ນເມືອງກໍ່ໄດ້ໃຫ້ກຽດມີຄຳເຫັນຊີ້ນຳໃຫ້ຂະແໜງການກ່ຽວຂ້ອງຂັ້ນເມືອງສຶບ ຕໍ່ເອົາໃຈໃສ່ຕິດຕາມກວດກາດ້ານ ການຊື້-ຂາຍສົ່ງອອກຂອງທຸລະກິດດັ່ງກ່າວໃຫ້ຖືກຕ້ອງຕາມລະບຽບ ທີ່ວາງໄວ້ຢ່າງເຂັ້ມງວດລວມໄປເຖິງໃຫ້ບັນດາກຸ່ມທຸລະກິດທັງສອງກຸ່ມ ເອົາໃຈໃສ່ເຄື່ອນໄຫວວຽກງານໄປ ຕາມພາລະບົດບາດສິດ, ໜ້າທີ່ຂອງຕົນໃຫ້ເຂັ້ມແຂງ, ເພື່ອສ້າງເງື່ອນໄຂໃຫ້ການຄ້າ, ການລົງທຶນກໍ່ຄືນັກທຸລະກິດທັງພາຍໃນ  ແລະຕ່າງປະເທດທີ່ລົງທຶນພາຍໃນເມືອງມີທຸລະກິດຍືນຍົງ, ສ້າງລາຍຮັບໃຫ້ກຸ່ມດຳເນີນທຸລະກິດກຄືສ້າງລາຍຮັບໃຫ້ເມືອງເຮັດໃຫ້ເສດຖະກິດຂອງ ເມືອງ ມີການຂະຫຍາຍຕົວຢ່າງບໍ່ຢຸດຢັ້ງ.

 

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2018 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

ຄຳເຫັນຜູ້ອ່ານ

ໄປເທິງສຸດ