ມອບ-ຮັບໃບຢັ້ງຢືນຄອບຄົວວັດທະນະທຳໃໝ່ ໃຫ້ 2 ບ້ານ ເມືອງບົວລະພາ

     ເພື່ອເປັນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກເມືອງບົວລະພາ ກ່ຽວກັບການສ້າງຄອບຄົວ ແລະບ້ານວັດທະນະທຳໃຫ້ໄດ້ 70% ຂອງຄອບຄົວ ແລະບ້ານໃນທົ່ວເມືອງ

ແລະເປັນການຈັດຕັ້ງປະຕິບັດຕາມຂໍ້ຕົກລົງຂອງທ່ານເຈົ້າເມືອງໆບົວລະພາວ່າ ດ້ວຍການມອບ-ຮັບໃບຢັ້ງຢືນຄອບຄົວວັດທະນະທຳໃໝ່ໃຫ້ກັບ ຄອບຄົວທີ່ປະຕິບັດໄດ້ຕາມ 5 ມາດຖານ ຂອງຄອບຄົວວັດທະນະທຳໃໝ່ບ້ານໂຄກ ແລະບ້ານທ່າພະໂຈ້ນ ເມືອງບົວລະພາ ແຂວງຄຳມ່ວນ ໃນຕອນເຊົ້າຂອງວັນທີ 29 ພະຈິກ 2017 ທີ່ຜ່ານມາທີ່ບ້ານ ທ່າພະໂຈ້ນ ເມືອງບົວລະພາ ໄດ້ຈັດພິທີມອບ-ຮັບໃບຢັ້ງຢືນຄອບຄົວວັດທະນະທຳໃໝ່ໃຫ້ແກ່ 2 ບ້ານຄື: ບ້ານໂຄກ ແລະບ້ານທ່າພະໂຈ້ນ ເຂົ້າຮ່ວມໃນພິທີຄັ້ງນີ້ ໂດຍແມ່ນທ່ານ ໄຊສະຫວັນ ສິງຈຳປາໄຊ ຮອງຫົວໜ້າຫ້ອງການ ຖະແຫຼງຂ່າວ, ວັດທະນະທຳ ແລະທ່ອງທ່ຽວ ເມືອງບົວລະພາທັງ ເປັນຫົວໜ້າກອງເລຂາການສ້າງຄອບຄົວ ແລະບ້ານວັດທະນະທຳຂັ້ນເມືອງ ພ້ອມດ້ວຍບັນດານາຍບ້ານ, ຮອງນາຍບ້ານການຈັດຕັ້ງບ້ານທຸກພາກສ່ວນຕະຫຼອດຮອດພໍ່ແມ່ປະຊາຊົນ ທັງ 2 ບ້ານເຂົ້າຮ່ວມນຳຢ່າງພ້ອມພຽງ.

     ໃນພິທີດັ່ງກ່າວ ທ່ານ ໄຊສະຫວັນ ສິງຈຳປາໄຊ ຮອງຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະທ່ອງທ່ຽວ ເມືອງບົວລະພາ ກໍ່ໄດ້ໂອ້ລົມ ແລະໃຫ້ຄຳຄິດເຫັນ ທ່ານກໍ່ໄດ້ຍ້ອງຍໍຊົມເຊີຍ ຕໍ່ກັບອຳນາດການປົກຄອງບ້ານ, ພໍ່ແມ່ປະຊາຊົນທັງ 2 ບ້ານ ທີ່ໄດ້ ເຂົ້າຮ່ວມໃນກອງປະຊຸມຄັ້ງນີ້ ພ້ອມກັນນັ້ນ ທ່ານກໍ່ໄດ້ອະທິບາຍ ຕື່ມກ່ຽວກັບມາດຖານ, ເງື່ອນໄຂຂອງການສ້າງຄອບຄົວ ແລະບ້ານວັດທະນະທຳ ແລະທ່ານຍັງໄດ້ຮຽກຮ້ອງໃຫ້ທຸກພາກສ່ວນຕ້ອງໄດ້ເພີ່ມທະວີເອົາໃຈໃສ່ກ່ຽວກັບມາດຖານ, ເງື່ອນໄຂຂອງການສ້າງຄອບຄົວ ແລະບ້ານວັດທະນະທຳ ເພື່ອຮັກສາໄດ້ເຖິງມູນເຊື້ອຄວາມສາມັກຄີອັນເປັນປືກແຜ່ນແໜ້ນໜາ ແລະຮັກສານາມມະຍົດ ຂອງຄອບຄົວວັດທະນະທຳໃຫ້ຢືນຍົງຕະຫຼອດໄປ ແລະພ້ອມກັນສຸມໃສ່ການກໍ່ສ້າງບ້ານຂອງຕົນໃຫ້ກາຍເປັນບ້ານວັດທະນະທຳ ແລະບ້ານພັດທະນາຂອງເມືອງໃຫ້ໄດ້ໃນໄວໆນີ້.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ