ບຸນມີແຟຊັນ ເນັ້ນບໍລິການເພື່ອໃຫ້ທຸລະກິດເປັນທີ່ຮູ້ຈັກຂອງສັງຄົມ

     ແຟຊັນແມ່ນການແຕ່ງກາຍ ຊະນິດໜຶ່ງ ທີ່ກຳລັງໄດ້ຮັບຄວາມນິຍົມສັງຄົມລາວໃນປະຈຸບັນ ບໍ່ວ່າຈະເປັນງານສຳຄັນຕ່າງໆທີ່ເປັນທາງການ ແລະບໍ່ເປັນທາງການ,

ຊຶ່ງແຟຊັນໄດ້ເຂົ້າມາເປັນສ່ວນໜຶ່ງໃນການເສີມສ້າງບຸກຄະລິກຂອງຜູ້ຄົນໃຫ້ມີຄວາມໜ້າເຊື່ອຖື ແລະເພື່ອຕອບໂຈດກັບຄວາມຕ້ອງການດັ່ງກ່າວ ຈຶ່ງເຮັດໃຫ້ມີນັກທຸລະກິດຫຼາຍທ່ານເບິ່ງເຫັນໂອກາດ ແລ້ວເຂົ້າມາພັດທະນາສິ່ງ ນີ້ໃຫ້ເປັນທ່າແຮງຂອງທຸລະກິດ ເຊັ່ນດຽວກັບຮ້ານ ບຸນມີ ແຟຊັນ ທີ່ເພີ່ນຖືເອົາການບໍລິການເປັນຫົວໃຈສຳຄັນຂອງການດຳເນີນທຸລະກິດເພື່ອຊື້ໃຈລູກຄ້າ.

     ທ່ານ ບຽນ ຈັງ ກວັນ ເຈົ້າຂອງຮ້ານ ບຸນມີແຟຊັນ ໃຫ້ສຳພາດກັບທີມຂ່າວເສດຖະກິດ-ສັງຄົມວ່າ: ກ່ອນຈະມາເປັນຮ້ານບຸນ ມີແຟຊັນເທົ່າທຸກວັນນີ້ ມີອາຍຸມາ ເຖິງ 4 ປີ ແລະເປັນທີ່ຮູ້ຈັກຂອງ ຄົນພາຍໃນນະຄອນຫຼວງ ແລະບັນດາແຂວງຕ່າງໆໃນທົ່ວປະເທດ ນັ້ນ, ໃນເບື້ອງຕົ້ນທີ່ເພີ່ນເລີ່ມເຂົ້າມາລາວ ເພື່ອມາສຶກສາຕະຫຼາດ ດ້ານການຕັດ ແລະອອກແບບເສື້ອຜ້າ (ເສື້ອແວັດ), ທັງນີ້ກໍເພາະວ່າ ເຫັນທ່າແຮງຈາກຄົນລາວທີ່ເຂົ້າໄປໃຊ້ບໍລິການຕັດເຄື່ອງຢູ່ ສສ ຫວຽດນາມ ຈຶ່ງສ້າງຄວາມສົງໄສວ່າເປັນຫຍັງຢູ່ປະເທດລາວ ບໍ່ມີນາຍຊ່າງທີ່ມີສີມືບໍ ຫຼື ຍ້ອນຫຍັງ ແລະພໍມາສຶກສາຈາກຕົວຈິງ ກໍພົບວ່າມີຄົນລາວຈຳນວນໜຶ່ງພໍໃສ່ຊູດ (ໃສ່ເສື້ອແວັດ) ແລ້ວບໍ່ງາມ ນັ້ນ ເປັນເພາະຊ່າງຕັດ ຫຼື ແນວໃດ, ຈາກຈຸດນີ້ ເລີຍເຮັດໃຫ້ເພີ່ນ ຕັດສິນໃຈເຂົ້າມາເປີດທຸລະກິດ ຮ້ານຕັດຫຍິບຢູ່ລາວ ພາຍຫຼັງທີ່ ເພີ່ນເຂົ້າມາທ່ຽວ ແລະເບິ່ງຕະຫຼາດ ຂອງລາວໃນປີ 2013.

     ພາຍຫຼັງທີ່ເຂົ້າມາດຳເນີນທຸລະກິດຢູ່ລາວ ແນ່ນອນວ່າສິ່ງທີ່ ເປັນອຸປະສັກທີ່ສຸດແມ່ນເລື່ອງຂອງພາສາທີ່ໃຊ້ໃນການສື່ສານກັບລູກຄ້າ ແລະເພື່ອເປັນການແກ້ ໄຂບັນຫາດັ່ງກ່າວ ໃນເວລາກ່ອນ ຈະເປີດຮ້ານປະມານ 2 ເດືອນ ເພີ່ນຕ້ອງໄປຮຽນພາສາລາວ ກ່ອນໃຫ້ງ່າຍໃນການສື່ສານ ໂດຍໃນການຮຽນນີ້ເພີ່ນກໍໄປຮຽນຕົວ ຈິງກັບຮ້ານຕັດເຄື່ອງຮ້ານໜຶ່ງ ເພື່ອສຶກສາຄວາມຕ້ອງການຂອງ ຕະຫຼາດລາວ ແລະທັງຮຽນພາສາໄປພ້ອມ ຈາກທີ່ຕົນເອງກໍມີປະສົບການໃນການຮຽນຕັດເຄື່ອງ ແລະເປັນນາຍຊ່າງມາ 16 ປີ, ພໍມາເລີ່ມເປີດຮ້ານເປັນຂອງຕົນເອງໃນປີ 2014 ແລະໄດ້ເລີ່ມໃຫ້ບໍລິການແກ່ສັງຄົມນັບແຕ່ນັ້ນມາ ຈົນເຖິງດຽວນີ້ ທາງຮ້ານໄດ້ມີລູກຄ້າເພີ່ມຫຼາຍຂຶ້ນ ທັງເປັນລູກຄ້າໃໝ່ ແລະລູກຄ້າປະຈຳທີ່ຢູ່ພາຍໃນນະຄອນຫຼວງ ແລະບັນດາແຂວງຕ່າງໆໃນທົ່ວປະເທດ, ເນື່ອງຈາກ ວ່າ ທາງຮ້ານຖືສຳຄັນການບໍລິການທີ່ຖືກໃຈລູກຄ້າໂດຍສະເພາະແມ່ນການແນະນຳໃນການເລືອກສິນຄ້າກ່ອນຕັດ, ຕັດອອກມາແລ້ວ ຖືກໃຈ, ງາມສົມກັບລາຄາ ແລະການບໍລິການອື່ນໆຫຼັງການຂາຍ, ຊຶ່ງຖ້າຫາກເຮົາບໍລິການດ້ວຍໃຈແລ້ວ ແນ່ນອນວ່າ ມັນຈະສ້າງຄວາມປະທັບໃຈທີ່ດີໃຫ້ແກ່ລູກຄ້າ ເພື່ອໃຫ້ລູກຄ້າມາໃຊ້ບໍລິການກັບຮ້ານເຮົາ, ພ້ອມດຽວກັນນັ້ນ ເຂົາເຈົ້າຍັງຈະແນະນຳລູກຄ້າໃໝ່ໃຫ້ມາໃຊ້ບໍລິການນຳເຮົາອີກດ້ວຍ.

     ປະຈຸບັນ ຮ້ານບຸນມີແຟຊັນໄດ້ ເປີດໃຫ້ການບໍລິການຫຼາກຫຼາຍຢ່າງເປັນຕົ້ນແມ່ນຮັບຕັດ-ຂາຍສົ່ງ ແລະຂາຍຍ່ອຍເສື້ອແວັດທັງ ຍິງ-ຊາຍ, ເສື້ອຝ້າຍ ແລະເສື້ອໄໝລາວ, ໃນລາຄາເລີ່ມຕົ້ນ 8 ແສນກີບຂຶ້ນໄປ, ນອກນັ້ນ ຍັງມີບໍລິການຮັບຕັດຕາມຄວາມຕ້ອງການຂອງລູກຄ້າ ໂດຍສະເພາະແພຂອງລູກຄ້າເອງ ຫຼື ລູກຄ້າຕ້ອງການ ຕັດເຊັ່ນຄື່ອງແບບຂອງພະນັກງານ ເປັນຈຳນວນຫຼາຍທາງຮ້ານ ກໍຈະມີສ່ວນຫຼຸດໃຫ້, ນອກຈາກຮັບ ຕັດແລ້ວທາງຮ້ານຍັງຮັບສອນ ສໍາລັບທ່ານໃດທີ່ຕ້ອງການຮຽນຕັດເຄື່ອງແບບມືອາຊີບ ຈົບແລ້ວສາມາດເປີດຮ້ານເປັນຂອງຕົນເອງໄດ້, ຫາກທ່ານໃດສົນໃຈຢາກ ຕັດເສື້ອແວັດງາມ ກໍສາມາດເຂົ້າມາເບິ່ງແບບກ່ອນ ຫຼື ຈະໂທຖາມ ສະຖານທີ່ຕັ້ງຢູ່ບ້ານທົ່ງພານທອງ ເມືອງສີສັດຕະນາກ ເຊິ່ງໜ້າກັບຮ້ານຂາຍລົດ Honda ໂທ 02096748668, 020 9738 6868 ໂດຍຮ້ານຈະເປີດໃຫ້ບໍລິ ການທຸກມື້ແຕ່ເວລາ 9 ໂມງຫາ 21 ໂມງ, ສ່ວນເສົາ-ອາທິດ ເປີດ 9 ໂມງຫາ 18 ໂມງ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2018 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

ຄຳເຫັນຜູ້ອ່ານ

ໄປເທິງສຸດ