ປະທານສູນກາງແນວລາວສ້າງຊາດ ຢ້ຽມຢາມວິທະຍາຄານເຕັກນິກການທະຫານກອງທັບ

 ເນື່ອງໃນໂອກາດລະນຶກວັນສ້າງຕັ້ງກອງທັບປະຊາຊົນລາວ ຄົບຮອບ 69 ປີ ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດພ້ອມດ້ວຍຄະນະໄດ້ລົງຢ້ຽມຢາມ

ແລະພົບປະໂອ້ລົມນາຍ ແລະ ພົນທະຫານຢູ່ວິທະຍາຄານເຕັກນິກການທະຫານກອງທັບໃນວັນທີ 16 ມັງກອນ 2018, ໂດຍການຕ້ອນຮັບຂອງພັນເອກ ສິງຄຳເທບວົງສິມ ຫົວໜ້າການເມືອງວິທະຍາຄານເຕັກນິກການທະຫານກອງທັບ,ມີທ່ານພົນຈັດຕະວາ ຄອນສະຫວັນ ມິງຈຳປາບານຮອງຫົວໜ້າກົມໃຫຍ່ເຕັກນິກກອງທັບ,ມີຄະນະພັກ-ຄະນະອຳນວຍການພ້ອມດ້ວຍນາຍ ແລະ ພົນທະຫານທົ່ວວິທະຍາຄານເຕັກນິກການທະຫານກອງທັບເຂົ້າຮ່ວມ.

  ພັນໂທຈັນສະໝອນ ລັດສະໃໝ ຮອງອຳນວຍການໂຮງຮຽນ,ໄດ້ຂຶ້ນລາຍງານຫຍໍ້ຈຸດພິເສດທີ່ຕັ້ງ,ພາລະບົດບາດ,ໜ້າທີ່ການເມືອງ,ໂຄງປະກອບການຈັດຕັ້ງແລະໝາກຜົນໃນການປັບປຸງກໍ່ສ້າງກົມກອງໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນປະເທດວາງອອກ ແລະ ທິດທາງອົບຮົມກໍ່ສ້າງໃນຊຸມປີຕໍ່ໜ້າໃຫ້ປະທານສູນກາງແນວລາວສ້າງຊາດໄດ້ຮັບຊາບ.

  ຈາກນັ້ນທ່ານໄຊສົມພອນ ພົມວິຫານ ໄດ້ໃຫ້ການໂອ້ລົມໂດຍທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດທີ່ພະນັກງານ-ນັກຮົບໃນວິທະຍາຄານເຕັກນິກການທະຫານກອງທັບຍາດມາໄດ້,ພ້ອມທັງເນັ້ນໜັກໃຫ້ຄະນະພັກ-ຄະນະບັນຊາ ແລະ ພະນັກງານຫຼັກແຫຼ່ງທົ່ວວິທະຍາຄານເຕັກນິກການທະຫານກອງທັບເພີ່ມທະວີການສຶກສາອົບຮົມການເມືອງນຳພາແນວຄິດຢ່າງເປັນປົກກະຕິພ້ອມທັງຫັນເອົາວຽກງານ 4 ປູກ 4 ລ້ຽງຂອງກົມໃຫຍ່ພະລາທິການວາງອອກເພື່ອສ້າງເງື່ອນໄຂໃຫ້ກົມກອງມີລາຍຮັບເພີ່ມຂຶ້ນ ແລະ ກ້າວຂຶ້ນເພິ່ງຕົນເອງ,ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ແລະ ສຳເລັດທຸກໜ້າທີ່ທີ່ຂັ້ນເທິງມອບໝາຍໃຫ້.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ເພີ່ມເຕີມໃນໝວດນີ້:

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ເມສາ 2018 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

ຄຳເຫັນຜູ້ອ່ານ

ໄປເທິງສຸດ