ສຳເລັດກອງປະຊຸມຄະນະພັກຮາກຖານດ່ານສາກົນວັງເຕົ່າ

   ເພື່ອປະຕິບັດຕາມທິດຊີ້ນໍາຂອງຄະນະພັກຂັ້ນເທີງ ແລະ ສຶບຕໍ່ທິດທາງແຜນການໃນໄລຍະທີ່ຜ່ານມາທາງຄະນະພັກຮາກຖານດ່ານສາກົນວັງເຕົ່າໄດ້ເປີດກອງປະຊຸມຄົບຄະນະພັກຮາກຖານດ່ານສາກົນວັງເຕົ່າຄັ້ງທີ6 ສະໄໝ II ຂຶ້ນໃນວັນທີ 9 ມັງກອນ 2018 ຜ່ານມາໂດຍການເປັນປະທານຂອງທ່ານ ບົວໄລ ປະທານຄະນະໂຄສະນາອົບຮົມ ແຂວງຈໍາປາສັກ,ທ່ານ ບຸນຍະເດດ ທອງສະຫວັນ ຫົວໜ້າດ່ານສາກົນວັງເຕົ່າພ້ອມດ້ວຍບັນດາແຂກທີ່ກ່ຽວຂ້ອງເຂົ້າຮ່ວມ.

   ຕະຫຼອດໄລຍະໜຶ່ງປີຜ່ານມາທາງຄະນະພັກຮາກຖານດ່ານສາກົນວັງເຕົ່າແມ່ນໄດ້ເອົາໃຈໃສ່ວຽກງານປ້ອງກັນຊາດ-ປ້ອງກັນຄວາມສະຫງົບສຸກເປັນບຸລິມະສິດທໍາອິດເນື່ອງຈາກຈຸດພິເສດຂອງດ່ານສາກົນວັງເຕົ່າມີຊາຍແດນຕິດຈອດກັບທາງບົກ,ການກໍານົດເສັ້ນທາງຊາຍແດນລະຫວ່າງລາວ-ໄທ ກໍ່ຍັງບໍ່ທັນສໍາເລັດ,ທັງເປັນປະເທດທີ່ມີແນວທາງການເມືອງທີ່ແຕກຕ່າງກັນ,ສະນັ້ນຈິ່ງມີຄວາມຈໍາເປັນຕ້ອງໄດ້ຈັດວາງພື້ນທີ່ປ້ອງກັນເວນຍາມໃນເວລາກາງຄືນ,ຊຶ່ງແບ່ງອອກເປັນ 3 ຈຸດໃນຂອບເຂດທົ່ວດ່ານ,ໂດຍມີການຕັ້ງຈຸດເຄື່ອນໄຫວ, 

ຕິດຕາມສອດແນມເພື່ອຕອບໂຕ້ກຸ່ມຄົນບໍ່ດີ,ນອກຈາກນັ້ນຄະນະພັກຍັງໄດ້ເປີດກອງປະຊຸມຮ່ວມຄະນະພັກອ້ອມຂ້າງດ່ານໂດຍເປັນຮູບແບບຜັດປ່ຽນກັນເປີດກອງປະຊຸມເດືອນລະຄັ້ງເພື່ອຖອດຖອນບົດຮຽນ,ແລກປ່ຽນຂໍ້ມູນຂ່າວສານເຊິ່ງກັນ ແລະກັນເຮັດໃຫ້ດ່ານວັງເຕົ່າໄລຍະຜ່ານມາມີຄວາມສະຫງົບປອດໄພໂດຍພື້ນຖານດີ.

   ນອກຈາກນີ້ໄດ້ເອົາໃຈໃສ່ໃນການຊຸກຍູ້ບັນດາສະມາຊິກພັກ,ພະນັກງານເພີ່ມທະວີຄວາມຮັບຜິດຊອບໃນການປະຕິບັດໜ້າທີ່ໃຫ້ສູງຂຶ້ນພ້ອມດຽວກັນນີ້ກໍ່ໄດ້ເອົາໃຈໃສ່ໃນການເຜີຍແຜ່ບັນດາລະບຽບການຕ່າງໆໃຫ້ກັບຜູ້ປະກອບການມອບພັນທະເຂົ້າງົບປະມານໄລຍະ 1 ປີຜ່ານມາສາມາດເກັບລາຍຮັບໄດ້ທັງໝົດ 597 ຕື້ກີບ,ຖ້າທຽບໃສ່ແຜນປີປະຕິບັດໄດ້ 91,7%.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ກຸມພາ 2018 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28        

ຄຳເຫັນຜູ້ອ່ານ

ໄປເທິງສຸດ