ເດີຮາດຣ໋ອກ ມອບເຄື່ອງກີລາໃຫ້ໂຮງຮຽນທີ່ເມືອງປາກອູ

  ທີມບານເຕະເດີຮາດຣ໋ອກ ເອັຟຊີ ລວມພົນຄົນມັກ-ຮັກໃນສຽງເພງຮາດຣ໋ອກລະດົມນໍ້າໃຈສະມາຊິກພາຍໃນທີມ ແລະ ບັນດາພາກສ່ວນໃນນະຄອນຫຼວງວຽງຈັນກໍ່ຄືສະຫະພັນ

ບານເຕະນະຄອນຫຼວງວຽງຈັນ ແລະ ສະໂມສອນບານເຕະປະສານມິດໄດ້ນຳເອົາເຄື່ອງອຸປະກອນກີລາຫຼາຍລາຍການ ແລະ ເຄື່ອງນຸ່ງໂສ້ງ-ເສື້ອມືສອງຈາກພີ່ນ້ອງເຊື້ອຊາດລາວຊາວອາເມລິກາລວມມູນຄ່າ 5 ລ້ານກວ່າກີບ ໄປຊ່ວຍເຫຼືອໃຫ້ໂຮງຮຽນມັດທະຍົມສຶກສາສົມບູນ ເມືອງປາກອູ ແລະ ໂຮງຮຽນປະຖົມສຶກສາສົມບູນຫາດຍາ ເມືອງປາກອູ ແຂວງຫຼວງພະບາງ.

  ເມື່ອລະຫວ່າງວັນທີ 19 ມັງກອນ ຜ່ານມານີ້,ທີມບານເຕະເດີຮາດ ຣ໋ອກເອັຟຊີ ໄດ້ນຳເອົາເຄື່ອງອຸປະກອນກີລາຫຼາຍລາຍການ ແລະເຄື່ອງນຸ່ງໂສ້ງ-ເສື້ອມືສອງ ແລະອື່ນໆທີ່ໄດ້ຈາກການລະດົມນໍ້າໃຈຂອງບັນດາສະມາຊິກພາຍໃນ ແລະບັນດາພາກສ່ວນຕ່າງໆໂດຍການນຳພາ ແລະມອບຂອງທ່ານ ຄຳຈັນ ແກ້ວມະນີວົງ,ທ່ານ ສົມໃຈ ຫຼ່ຽມໄຊຍະຈັກ ແລະ ທ່ານ  ພວງພັນ ພິມມະລາດ ຄະນະນຳພາທີມເດີຮາດຣ໋ອກເອັຟຊີ ຕາງໜ້າກ່າວຮັບກໍ່ມີ ທ່ານ ຄຳກອນ ກິດຕິກຸນ ຜູ້ອຳນວຍການໂຮງຮຽນມັດທະຍົມສຶກສາສົມບູນປາກອູ ແລະທ່ານ ນາງ ຈັນສະໝອນ ພົມມະສິດ ຜູ້ອຳນວຍການໂຮງຮຽນປະຖົມສຶກສາສົມບູນຫາດຍາ,ມີທ່ານ ຄໍາຄອງ ພົມມະປັນຍາ ເຈົ້າເມືອງປາກອູ,ພ້ອມດ້ວຍບັນດາຫົວໜ້າ-ຮອງຫົວໜ້າຫ້ອງການ, ຂະແໜງ,ບັນດາສະມາຊິກທີມເດີຮາດຣ໋ອກ ແລະ ພະນັກງານແຕ່ລະພາກສ່ວນ,ຄູ-ອາຈານ ແລະນ້ອງນັກຮຽນເຂົ້າຮ່ວມເປັນສັກຂີພິຍານ.

   ໂອກາດດັ່ງກ່າວ,ທ່ານ ສົງການ ພັນແພງດີ ຜູ້ຈັດການທີມເດີຮາດ ຣ໋ອກເອັຟຊີ ກ່າວວ່າ: ສຳລັບການລະດົມທຶນຊ່ວຍເຫຼືອໃຫ້ແກ່ບັນດາພາກສ່ວນທີ່ເມືອງປາກອູ ແຂວງຫຼວງພະບາງ ໃນຄັ້ງນີ້ໄດ້ໃຊ້ເວລາ 3 ວັນ ລະຫວ່າງວັນທີ 19-21 ມັງກອນ 2018 ຈຶ່ງສຳເລັດຢ່າງສົມບູນຊຶ່ງໃນມື້ທຳອິດທີມງານຂອງພວກເຮົາໄດ້ໃຊ້ເວລາເຖິງ 8 ຊົ່ວໂມງ ກໍ່ຄືອອກເດີນທາງຕັ້ງແຕ່ເຊົ້າເວລາ 7:00 ໂມງ ແລະໄປເຖິງເມືອງດັ່ງກ່າວໃນເວລາ 14:00 ໂມງກໍ່ໄດ້ນຳເອົາເຄື່ອງອຸປະກອນກີລາທີ່ສາມາດລະດົມໄດ້ຈາກສະມາຊິກພາຍໃນທີມຈຳນວນ 20 ຊຸດມອບໃຫ້ຫ້ອງວ່າການປົກຄອງເມືອງປາກອູ,ສິດເກົ່າ ມສ ປາກອູ 2 ຮຸ່ນ ຄື: ຮຸ່ນ 1999 ແລະຮຸ່ນ 2000 ມອບບານບ້ວງ,ບານສົ່ງ,ບານເຕະປະເພດລະໜ່ວຍ ແລະກະຕໍ້ 3 ໜ່ວຍ,ເຄື່ອງນຸ່ງກີລາ ເຕະບານ 15 ຊຸດ,ຊຸດທີມກະຕໍ້ 6 ຊຸດ ແລະເສື້ອກຳມະການ 6 ຊຸດມອບໃຫ້ ມສ ປາກອູ.ນອກຈາກນັ້ນ,ກໍ່ຍັງມີນໍ້າໃຈຂອງທ່ານ ໂພສີ ແກ້ວໂພທິສານ ປະທານສະໂມສອນປະສານມິດຊຸກຍູ້ເຄື່ອງກີລາເຕະບານຈຳນວນ 15 ຊຸດ,ກະຕໍ້ 10 ໜ່ວຍ ແລະບານບ້ວງ 1 ໜ່ວຍລວມມູນຄ່າ 1 ລ້ານກີບ,ທ່ານ ວຽງສະຫວັນ ແສງຈັນ ປະທານສະຫະພັນບານເຕະ ນະຄອນຫຼວງວຽງຈັນຊ່ວຍເຫຼືອບານເຕະ 3 ໜ່ວຍ,ບານສົ່ງ 1 ໜ່ວຍ,ກະຕໍ້ 2 ໜ່ວຍ ມູນຄ່າ 1 ລ້ານກີບມອບໃຫ້ໂຮງຮຽນປະຖົມສຶກສາສົມ ບູນຫາດຍາ.

  ນອກຈາກນັ້ນ,ກໍ່ຍັງມີການຊຸກຍູ້ເຄື່ອງນຸ່ງໂສ້ງເສື້ອ ແລະອື່ນໆ ຈາກພໍ່-ແມ່ພີ່ນ້ອງເຊື້ອຊາດລາວຊາວອາເມລິກາສົ່ງມາຊ່ວຍເຫຼືອພໍ່-ແມ່ປະຊາຊົນບ້ານຜາແດງເມືອງປາກອູຈຳນວນຫຼວງຫຼາຍ.ແນວໃດກໍ່ດີ,ຕໍ່ນໍ້າໃຈດັ່ງກ່າວຕ້ອງຂໍສະແດງຄວາມຂອບໃຈເປັນຢ່າງສູງ ແລະຫວັງວ່າຍັງຈະໄດ້ຮັບການຊ່ວຍເຫຼືອແບບນີ້ຕື່ມອີກເພາະທີມງານເດີຮາດ ຣ໋ອກເອັຟຊີ ໃຫ້ຄຳໝັ້ນສັນຍາວ່າຍັງຈະສືບຕໍ່ລະດົມທຶນຢ່າງສຸດກຳລັງເພື່ອນຳເອົາເຄື່ອງທີ່ພາກສ່ວນອື່ນໆ ຕ້ອງການໄປຊ່ວຍເຫຼືອໃຫ້ເຂົາເຈົ້າຢູ່ຫ່າງໄກສອກຫຼີກໃຫ້ໄດ້ຢ່າງທົ່ວເຖິງ. ຫຼັງພິທີມອບ-ຮັບສຳເລັດລົງແລ້ວໃນບັນຍາກາດດັ່ງກ່າວກໍ່ຍັງໄດ້ມີການແຂ່ງຂັນເຕະບານມິດຕະພາບຮ່ວມກັນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2018 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

ຄຳເຫັນຜູ້ອ່ານ

ໄປເທິງສຸດ