ຄຳມ່ວນ ປະກາດແຕ່ງຕັ້ງຄະນະບໍລິຫານງານສະມາຄົມກີລາ-ກາຍະກຳ

    ໃນວັນທີ 16 ມັງກອນ ຜ່ານມາທີ່ພະແນກສຶກສາທິການ ແລະກີລາ ແຂວງຄຳມ່ວນ ໄດ້ຈັດພິທີປະກາດແຕ່ງຕັ້ງຄະນະບໍລິຫານງານສະມາຄົມກີລາ-ກາຍະກຳໂດຍການເປັນປະທານຂອງທ່ານ ຄຳສີ ອຸດທິວົງ ຮອງເຈົ້າແຂວງໆຄຳມ່ວນ,ມີບັນດາພະແນກການອ້ອມຂ້າງສະຫະພັນກີລາ ແລະພາກສ່ວນທຸລະກິດທີ່ກ່ຽວຂ້ອງເຂົ້າຮ່ວມ.

    ທ່ານ ບຸນປອນ ທອງສຸວັນນະລາດ ໄດ້ຜ່ານຂໍ້ຕົກລົງຂອງທ່ານເຈົ້າ ແຂວງໆຄຳມ່ວນ ວ່າດ້ວຍການແຕ່ງຕັ້ງຄະນະບໍລິຫານງານສະຫະພັນກີລາ-ກາຍະກຳປະເພດຕ່າງໆຊຶ່ງປະກອບມີຄື: ພະແນກການເງິນແຂວງຮັບຜິດຊອບສະຫະພັນມວຍສາກົນ-ມວຍລາວ,ເມືອງທ່າແຂກຮັບຜິດຊອບສະຫະພັນເຮືອຊ່ວງ,ກອງບັນຊາການ ປກສ ຮັບຜິດຊອບສະຫະພັນບານສົ່ງ,ກອງບັນຊາການທະຫານຮັບຜິດຊອບສະຫະພັນຍິງປືນ,ພະແນກຍຸຕິທຳຮັບຜິດຊອບສະຫະພັນໜ້າເກັກ,ພະແນກສຶກສາທິການ ແລະກີລາຮັບຜິດຊອບສະຫະພັນລົດຖີບ,ແຜນ  ການ ແລະ ການລົງທຶນຮັບຜິດຊອບສະຫະພັນເປຕັງ, ພະແນກໂຍທາທິການ ແລະ ຂົນສົ່ງຮັບຜິດຊອບສະຫະພັນຟຸດຊໍ,ພະແນກອຸດສາຫະກຳ ແລະ ການຄ້າຮັບຜິດຊອບສະຫະພັນບານເຕະ,ພະແນກໄປສະນີໂທລະຄົມມະນາຄົມ-ການສື່ສານຮັບຜິດຊອບສະຫະພັນປິ່ງປ່ອງ,ພະແນກສາທາລະນະສຸກແຂວງຮັບຜິດຊອບສະຫະພັນເທັນນິດ,ພະແນກພະລັງງານ ແລະບໍ່ແຮ່ຮັບຜິດຊອບສະຫະພັນກ໋ອບ,ພະແນກກະສິກຳ ແລະປ່າໄມ້ຮັບຜິດຊອບສະຫະພັນຄາລາເຕໂດ,ພະແນກຊັບພະຍາກອນທຳມະຊາດ ແລະສິ່ງແວດລ້ອມຮັບຜິດຊອບສະຫະພັນກະຕໍ້,ພະແນກສ່ວຍສາອາກອນຮັບຜິດຊອບສະຫະພັນສະນຸກເກີ-ວິລຽດ,ພະແນກຖະແຫຼງຂ່າວ,ວັດທະນະທຳ ແລະ ທ່ອງທ່ຽວຮັບຜິດຊອບສະຫະພັນໜາກຄ່າງ,ຄະນະບໍລິຫານງານຊາວໜຸ່ມຮັບຜິດຊອບສະຫະພັນໜາກເສິກ,ລັດວິສາຫະກິດໄຟຟ້າລາວຮັບຜິດຊອບສະຫະພັນເທຄອນໂດ,ຜູ້ຈັດການຕະຫຼາດເພັດມະນີຮັບຜິດຊອບສະຫະພັນປີກໄກ່,ກອງກວດກາພາສີຮັບຜິດຊອບສະຫະພັນແລ່ນ-ລານ ແລະ ສະຫະພັນແມ່ຍິງຮັບຜິດຊອບສະຫະພັນໜາກແຫຼ້.

   ນອກຈາກນີ້ແລ້ວຍັງໄດ້ແຕ່ງຕັ້ງປະທານ,ຮອງປະທານ ແລະ ຄະນະກຳມະການຮັບຜິດຊອບກ່ຽວກັບກີລາປະເພດຕ່າງໆ.ພ້ອມດຽວກັນນັ້ນບັນດາຜູ້ເຂົ້າຮ່ວມຍັງໄດ້ພ້ອມກັນຄົ້ນຄວ້າແບ່ງຄວາມຮັບຜິດຊອບໃຫ້ແຕ່ລະສະຫະພັນກີລາ,ປຶກສາຫາລືຄົ້ນຄ້ວາຊອກຫາແຫຼງທຶນ ແລະ ວຽກງານອື່ນໆທີ່ກ່ຽວຂ້ອງເພື່ອຄວາມພ້ອມຫ້າງຫາກະກຽມສົ່ງທັບນັກກີລາຂອງແຂວງຄຳມ່ວນເຂົ້າຮ່ວມໃນງານແຂ່ງຂັນກີລາແຫ່ງຊາດຄັ້ງທີ XI ທີ່ ແຂວງຊຽງຂວາງເປັນເຈົ້າພາບ.ທັງນີ້ກໍ່ເພື່ອເປັນການຊຸກຍູ້ສົ່ງເສີມການພັດທະນາວຽກງານກີລາ-ກາຍະກຳຂອງແຂວງໃຫ້ມີຄວາມກ້າວໜ້າເປັນລະບົບ ແລະ ມີຄຸນນະພາບກຽມພ້ອມເຂົ້າສູ່ການແຂ່ງຂັນ.

ຄະແນນລາຍການນີ້
(0 votes)
ເຂົ້າລະບົບເພື່ອສະແດງຄຳເຫັນ

ຜູ້ໃຊ້ເຂົ້າສູ່ລະບົບ

ປະຕິທິນຂ່າວ “ເສດຖະກິດ-ສັງຄົມ”

« ພຶດສະພາ 2018 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

ຄຳເຫັນຜູ້ອ່ານ

ໄປເທິງສຸດ